സാ​ൻ​ഹു​വാ​ൻ: ക​രീ​ബി​യ​ൻ ദ്വീ​പു​ക​ളി​ൽ ക​ന​ത്ത നാ​ശം​വി​ത​ച്ച ഇ​ർ​മ കൊ​ടു​ങ്കാ​റ്റി​ൽ മ​രി​ച്ച​വ​രു​ടെ എ​ണ്ണം 19 ആ​യി. ഫ്ര​ഞ്ച് അ​ധീ​ന​ത​യി​ലു​ള്ള ക​രീ​ബി​യ​ൻ ദ്വീ​പു​ക​ളി​ലാ​ണ് കൊ​ടു​ങ്കാ​റ്റ് ക​ന​ത്ത നാ​ശം വി​ത​ച്ച​ത്. ഞാ​യ​റാ​ഴ്ച പു​ല​ർ​ച്ച​യോ​ടെ കൊ​ടു​ങ്കാ​റ്റ് അ​മേ​രി​ക്ക​യി​ലെ ഫ്ളോ​റി​ഡ സം​സ്ഥാ​ന​ത്തെ​ത്തു​മെ​ന്നു പ്ര​തീ​ക്ഷി​ക്ക​പ്പെ​ടു​ന്നു.


പ്യൂ​ർ​ട്ടോ​റി​കോ, സെ​ന്‍റ് മാ​ർ​ട്ടി​ൻ, സെ​ന്‍റ് ബ​ർ​ത്ത​ലോ​മി, ആം​ഗ്വി​ല, ബ്രി​ട്ടീ​ഷ് വി​ർ​ജി​ൻ ദ്വീ​പു​ക​ളി​ൽ ക​ന​ത്ത നാ​ശം വി​ത​ച്ച കൊ​ടു​ങ്കാ​റ്റ് ഹെ​യ്തി​യും ഡൊ​മി​നി​ക്ക​ൻ റി​പ്പ​ബ്ലി​ക്കും ല​ക്ഷ്യ​മാ​ക്കി നീ​ങ്ങി​ത്തു​ട​ങ്ങി.

ആയിരക്കണക്കിന് പേര്‍ക്കാണ് വീടുകള്‍ നഷ്ടമായത്. നിരവധി കെട്ടിടങ്ങളും നിലംപതിച്ചു. നിരവധി പേരെ മാറ്റിത്താമസിപ്പിച്ചെങ്കിലും ഒട്ടേറേപേര്‍ ഇനിയും വിവിധയിടങ്ങളില്‍ കുടുങ്ങിക്കിടക്കുകയാണ്. ഫ്ലോറിഡയില്‍ അടിയന്തരാവസ്ഥ പ്രഖ്യാപിച്ചിട്ടുണ്ട്.

ഫ്ര​ഞ്ച് അ​ധീ​ന​ത​യി​ലു​ള്ള സെ​ന്‍റ് മാ​ർ​ട്ടി​നി​ലാണ് കാറ്റ് കൂടുതല്‍ നാശം വിതച്ചത്. ഇവിടെ പുനസ്ഥാപിക്കാന്‍ കഴിയാത്തത്രയും മോശമായാണ് നാശനഷ്ടമെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. ഹാ​ർ​വി കൊ​ടു​ങ്കാ​റ്റു വി​ത​ച്ച ദു​രി​ത​ത്തി​ൽ​നി​ന്ന് യു​എ​സി​ലെ ടെ​ക്സ​സും ലൂ​യി​സി​യാ​ന​യും ക​ര​ക​യ​റു​ന്ന​തി​നി​ടെ​യാ​ണ് കി​ഴ​ക്ക​ൻ തീ​ര​ത്ത് ഇ​ർ​മാ​യു​ടെ ഭീ​ഷ​ണി.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ