Iran Protests: ഇന്ത്യക്കാരെ അറസ്റ്റ് ചെയ്‌തെന്ന് വാർത്ത നിഷേധിച്ച് ഇറാൻ; വാർത്ത അടിസ്ഥാന രഹിതമെന്ന് എംബസി

Iran Protests Updates: ന്യൂഡൽഹി: ഇറാനിൽ നടന്നുവരുന്ന സർക്കാർ വിരുദ്ധ പ്രക്ഷോഭങ്ങൾക്കിടെ ആറ് ഇന്ത്യൻ പൗരന്മാരെ അറസ്റ്റ് ചെയ്തുവെന്ന റിപ്പോർട്ടുകൾ ഇറാൻ ഔദ്യോഗികമായി നിഷേധിച്ചു. തങ്ങളുടെ രാജ്യത്ത് നടക്കുന്ന ആഭ്യന്തര പ്രതിഷേധങ്ങളുമായി ബന്ധപ്പെട്ട് ഒരു ഇന്ത്യൻ പൗരനെയും കസ്റ്റഡിയിലെടുത്തിട്ടില്ലെന്ന് ഇറാൻ വ്യക്തമാക്കി.

Also Read: ട്രംപിന് മറുപടിയുമായി ഇറാൻ; യുദ്ധത്തിന് തയ്യാറെന്ന് വിദേശകാര്യ മന്ത്രി, കൊല്ലപ്പെട്ടവരുടെ എണ്ണം 500 കടന്നു

ന്യൂഡൽഹിയിലെ ഇറാനിയൻ എംബസിയാണ് ഇത് സംബന്ധിച്ച വിശദീകരണം നൽകിയത്. പ്രക്ഷോഭങ്ങളിൽ പങ്കെടുത്തതിന് ഇന്ത്യക്കാരെ തടഞ്ഞുവെച്ചിട്ടുണ്ടെന്ന തരത്തിൽ പ്രചരിച്ച വാർത്തകൾ അടിസ്ഥാനരഹിതമാണെന്ന് എംബസി പുറത്തിറക്കിയ പ്രസ്താവനയിൽ പറയുന്നു.

Also Read: ഇറാനിൽ പ്രതിഷേധം തുടരുന്നു: സൈനിക നടപടിക്കുള്ള സാധ്യതകൾ പരിശോധിച്ച് ട്രംപ്

ഇറാനിലെ വിവിധ നഗരങ്ങളിൽ സാമ്പത്തിക പ്രതിസന്ധിയും ഭരണകൂട നിലപാടുകളും മുൻനിർത്തി വലിയ രീതിയിലുള്ള പ്രതിഷേധങ്ങൾ അരങ്ങേറുന്നുണ്ട്. ഈ സാഹചര്യത്തിൽ സുരക്ഷാ സേന നിരവധി പേരെ കസ്റ്റഡിയിലെടുത്തിരുന്നു. ഇതിനിടയിലാണ് ആറ് ഇന്ത്യക്കാരും പിടിയിലായെന്ന വാർത്തകൾ പുറത്തുവന്നത്. എന്നാൽ, നിലവിൽ ഇറാൻ അധികൃതരുടെ കസ്റ്റഡിയിൽ ഇത്തരം കേസുകളുമായി ബന്ധപ്പെട്ട് ഇന്ത്യക്കാരില്ലെന്ന് എംബസി ഉറപ്പിച്ചു പറഞ്ഞു.

Also Read: ഇറാനിൽ പ്രതിഷേധക്കാർക്ക് വധശിക്ഷാ മുന്നറിയിപ്പ്; 72 മരണം, 2300-ലേറെപ്പേർ തടവിൽ

ഇറാനിലെ ഇന്ത്യൻ പൗരന്മാരുടെ സുരക്ഷയുമായി ബന്ധപ്പെട്ട് ഇരുരാജ്യങ്ങളിലെയും നയതന്ത്ര ഉദ്യോഗസ്ഥർ നിരന്തരം ആശയവിനിമയം നടത്തുന്നുണ്ട്. പ്രവാസികളുടെ സുരക്ഷ ഉറപ്പാക്കാൻ ആവശ്യമായ നടപടികൾ സ്വീകരിച്ചിട്ടുണ്ടെന്ന് ഇന്ത്യൻ വിദേശകാര്യ മന്ത്രാലയവും നേരത്തെ സൂചിപ്പിച്ചിരുന്നു.

Read More: ഇറാനിൽ പ്രതിഷേധം ശക്തം; സമരക്കാരെ അടിച്ചമർത്തിയാൽ പ്രത്യാഘാതം നേരിടേണ്ടി വരുമെന്ന് ട്രംപ്