Latest News
മഴക്കെടുതി: മഹാരാഷ്ട്രയില്‍ മരണം 76 ആയി
ഓണക്കിറ്റ് വിതരണം ജൂലൈ 31 മുതൽ

ചെറുകിട സമ്പാദ്യ പദ്ധതികളുടെ പലിശനിരക്ക് വെട്ടിക്കുറച്ച ഉത്തരവ് പിന്‍വലിച്ചു

നാഷണൽ സേവിങ്സ് സർ‌ട്ടിഫിക്കറ്റുകൾ (എൻ‌എസ്‌സി), പബ്ലിക് പ്രൊവിഡന്റ് ഫണ്ട് (പി‌പി‌എഫ്) തുടങ്ങിയ സമ്പാദ്യ പദ്ധതികളുടെ പലിശനിരക്കാണ് വെട്ടിക്കുറക്കാന്‍ തീരുമാനം എടുത്തിരുന്നത്

Intereset rate, പലിശ നിരക്ക്, small savings schemes, ചെറുകിട സമ്പാദ്യ പദ്ധതികള്‍, interest rate new order, പലിശ നിരക്ക് ഓര്‍ഡര്‍, interest rate new order news, പുതിയ പലിശനിരക്ക് വാര്‍ത്തകള്‍, indian express malayalam, നിര്‍മല സീതാരാമന്‍, ie malayalam, ഐഇ മലയാളം

ന്യൂഡല്‍ഹി: ചെറുകിട സമ്പാദ്യ പദ്ധതികളുടെ പലിശനിരക്ക് കുത്തനെ വെട്ടിക്കുറച്ചതായുള്ള ഉത്തരവ് കേന്ദ്ര സര്‍ക്കാര്‍ പിന്‍വലിച്ചു. നേരത്തെ പുറപ്പെടുവിച്ച ഉത്തരവുകൾ പിൻവലിക്കുമെന്ന് ധനമന്ത്രി നിർമ്മല സീതാരാമനാണ് പ്രഖ്യാപിച്ചത്. നാഷണൽ സേവിങ്സ് സർ‌ട്ടിഫിക്കറ്റുകൾ (എൻ‌എസ്‌സി), പബ്ലിക് പ്രൊവിഡന്റ് ഫണ്ട് (പി‌പി‌എഫ്) തുടങ്ങിയ സമ്പാദ്യ പദ്ധതികളുടെ പലിശനിരക്കാണ് വെട്ടിക്കുറക്കാന്‍ തീരുമാനം എടുത്തിരുന്നത്. എന്നാലിത് ലക്ഷക്കണക്കിന് മധ്യവർഗ നിക്ഷേപകര്‍ക്ക് തിരിച്ചടിയായി. ഇത് വലിയ പ്രതിഷേധങ്ങൾക്ക് ഇടയാക്കി.

“സര്‍ക്കാരിന്റെ ചെറുകിട സമ്പാദ്യ പദ്ധതികളുടെ പലിശനിരക്ക് 2020-2021 അവസാന പാദത്തിൽ നിലവിലുണ്ടായിരുന്ന നിരക്കുകളില്‍ തന്നെ തുടരും, അതായത് 2021 മാർച്ച് വരെ നിലവിലുണ്ടായിരുന്ന നിരക്കുകൾ. നേരത്തെ പുറപ്പെടുവിച്ച ഉത്തരവുകൾ പിൻവലിക്കും,” നിർമ്മല സീതാരാമൻ ട്വീറ്റ് ചെയ്തു.

സാമ്പത്തിക വർഷത്തിന്റെ അവസാന ദിവസമായ ഇന്നലെയാണ് 2021-22 ന്റെ ആദ്യ പാദത്തിൽ 1.1 ശതമാനം വരെ പലിശനിരക്കിൽ കുറവു വരുത്തിയതായി സർക്കാർ പ്രഖ്യാപിച്ചത്. പിപിഎഫിന്റെ പലിശ നിരക്ക് 7.1 ശതമാനത്തിൽ നിന്ന് 6.4 ശതമാനമായും എൻ‌എസ്‌സി 6.8 ശതമാനത്തിൽ നിന്ന് 5.9 ആയും കുറക്കുമെന്നായിരുന്നു ഉത്തരവ്.

Read More: ആധാര്‍-പാന്‍ കാര്‍ഡുകള്‍ ബന്ധിപ്പിക്കാനുള്ള അവസാന തിയതി വീണ്ടും നീട്ടി

ഉത്തരവ് നടപ്പാക്കിയിരുന്നെങ്കിൽ ഒരു വർഷത്തിനുള്ളില്‍ ചെറുകിട സമ്പാദ്യത്തിന്റെ പലിശനിരക്ക് വെട്ടിക്കുറയ്ക്കുന്നത് രണ്ടാം തവണയായി മാറിയേനെ. 2020-21 ആദ്യ പാദത്തിൽ ചെറുകിട സമ്പാദ്യ പദ്ധതികളുടെ നിരക്ക് സർക്കാർ 0.70-1.4 ശതമാക്കി കുറച്ചിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Interest rates cut order on small savings scheme withdrawn says nirmala sitharaman

Next Story
ആധാര്‍-പാന്‍ കാര്‍ഡുകള്‍ ബന്ധിപ്പിക്കാനുള്ള അവസാന തീയതി വീണ്ടും നീട്ടിPAN card, പാൻ കാർഡ്, Aadhar card,ആധാർ കാർഡ്, pan card linking,പാൻകാർഡ് ലിങ്കിംഗ്, pan card linking date,പാൻ കാർഡ് ചേർക്കാൻ തിയതി, how to link pan and aadhar, പാൻ ആധാറുമായി ലിങ്ക് ചെയ്യാൻ, how to link aadhar with pan, ആധാർ പാനുമായി ലിങ്ക് ചെയ്യാൻ, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com