Latest News
കടല്‍ക്ഷോഭത്തില്‍ താഴ്ന്ന് വലിയതുറ കടല്‍പ്പാലം, ചിത്രങ്ങള്‍
രാജ്യത്ത് 3.26 ലക്ഷം പുതിയ കേസുകള്‍, 3,890 മരണം
അതിജീവനത്തിന്റെ രാജകുമാരൻ യാത്രയായി; നന്ദു മഹാദേവ ഇനി ഓർമ
32,680 പുതിയ കേസുകള്‍, ടെസ്റ്റ് പോസിറ്റിവിറ്റി നിരക്ക് 26.65

കരിപ്പൂര്‍ വിമാനാപകടം: നഷ്ടപരിഹാരം 660 കോടി രൂപ; ഇന്ത്യന്‍ വ്യോമയാന മേഖലയിലെ ഏറ്റവും വലിയ തുക

തകര്‍ന്ന വിമാനത്തിനു 378.83 കോടി രൂപയും മരിച്ച അല്ലെങ്കില്‍ പരുക്കേറ്റ യാത്രക്കാര്‍ക്കുള്ള നഷ്ടപരിഹാരം, തേര്‍ഡ് പാര്‍ട്ടി ബാധ്യത, ബാഗേജ് നഷ്ടം എന്നിവയ്ക്കായി 282.49 കോടി രൂപയുമാണു ലഭിക്കുകയെന്നു ന്യൂ ഇന്ത്യ അഷ്വറന്‍സ്

kerala plane crash, kerala air india plane crash, kerala crash, kozhikode plane crash, kozhikode air crash, air india plane crash, kerala plane last minutes, kerala plane black box

ന്യൂഡല്‍ഹി: കരിപ്പൂര്‍ വിമാനാപകടത്തില്‍ നഷ്ടപരിഹാരമായി ലഭിക്കുക 660 കോടി രൂപ. ഇന്ത്യന്‍ വ്യോമയാന മേഖലയിലെ ഏറ്റവും വലിയ ഇന്‍ഷുറന്‍സ് തുകയാണിത്. പൊതുമേഖലാ സ്ഥാപനമായ ന്യൂ ഇന്ത്യ അഷ്വറന്‍സും ആഗോള ഇൻഷുറൻസ് കമ്പനികളും ചേര്‍ന്നാണു തുക നല്‍കുക.

തകര്‍ന്ന വിമാനത്തിനു 378.83 കോടി രൂപയും മരിച്ച അല്ലെങ്കില്‍ പരുക്കേറ്റ യാത്രക്കാര്‍ക്കുള്ള നഷ്ടപരിഹാരം, തേര്‍ഡ് പാര്‍ട്ടി ബാധ്യത, ബാഗേജ് നഷ്ടം എന്നിവയ്ക്കായി 282.49 കോടി രൂപയുമാണു ലഭിക്കുകയെന്നു പ്രധാന ഇൻഷുററായ ന്യൂ ഇന്ത്യ അഷ്വറന്‍സിന്റെ സിഎംഡി അതുല്‍ സഹായി പറഞ്ഞു.

എയര്‍ ഇന്ത്യ എക്‌സ്പ്രസിന്റെ എക്‌സ്പ്രസ് ബോയിങ് 737 വിമാനം ഓഗസ്റ്റ് ഏഴിനാണു കരിപ്പൂര്‍ വിമാനത്താവളത്തില്‍ അപകടത്തില്‍പ്പെട്ടത്. ലാന്‍ഡിങ്ങിനിടെ വിമാനം റണ്‍വേയില്‍നിന്ന് തെന്നിനീങ്ങി 35 അടി താഴ്ചയിലേക്കു പതിച്ച് രണ്ടായി പിളരുകയായിരുന്നു. സംഭവത്തില്‍ ഇരു പൈലറ്റുമാര്‍ ഉള്‍പ്പെടെ 21 പേരാണു മരിച്ചത്. നിരവധി പേര്‍ക്കു ഗുരുതരുമായി പരുക്കേറ്റു.

ജിഐസി റി ഉള്‍പ്പെടെയുള്ള ആഗോള ഇന്‍ഷുറന്‍സ് കമ്പനികളാണു ഭൂരിഭാഗം ക്ലെയിമുകള്‍ക്കും നഷ്ടപരിഹാരം നല്‍കുന്നത്. 52.21 കോടി രൂപയാണു ജിഐസിയുടെ വിഹിതം.

യാത്രക്കാര്‍ക്ക് അടിയന്തിര ധനസഹായം നല്‍കുന്നതിന് 3.50 കോടി രൂപ എയര്‍ ഇന്ത്യ എക്‌സ്പ്രസിന് നേരത്തെ ന്യൂ ഇന്ത്യ അഷ്വറന്‍സ് കൈമാറിയിരുന്നു. ഇതുകൂടാതെ ഇതുകൂടാതെ, തകര്‍ന്ന വിമാനത്തിനു 378.83 കോടി രൂപയും ന്യൂ ഇന്ത്യ അഷ്വറന്‍സ് നല്‍കും. ബാക്കി തുക രേഖകള്‍ പരിശോധിച്ചശേഷം കൈമാറും. ഇതിന് ഏതാനും മാസങ്ങള്‍ കൂടി എടുത്തേക്കും.

ഇടക്കാല നഷ്ടപരിഹാരമെന്ന നിലയില്‍ വിമാനത്തിലുണ്ടായിരുന്ന 190 പേരുടെയും കുടുംബങ്ങള്‍ക്ക് എയര്‍ലൈന്‍സ് ഇന്‍ഷുറന്‍സ് കമ്പനി പണം നല്‍കിയിട്ടുണ്ടെന്ന് എയര്‍ ഇന്ത്യ അറിയിച്ചു.

ന്യൂ ഇന്ത്യ അഷ്വറന്‍സ്, നാഷണല്‍ ഇന്‍ഷുറന്‍സ് കമ്പനി, ഓറിയന്റല്‍ ഇന്‍ഷുറന്‍സ് കമ്പനി, യുണൈറ്റഡ് ഇന്ത്യ ഇന്‍ഷുറന്‍സ് കമ്പനി എന്നീ നാല് പൊതുമേഖലാ ഇന്‍ഷുറര്‍മാരുടെ കണ്‍സോര്‍ഷ്യമാണ് എയര്‍ ഇന്ത്യയുടെ പ്രാഥമിക ഇന്‍ഷുറര്‍. പ്രീമിയത്തിലും ക്ലെയിമുകളിലും ന്യൂ ഇന്ത്യ അഷ്വറന്‍സിന്റെ പങ്ക് 40 ശതമാനവും ശേഷിക്കുന്നത് നാഷണല്‍ ഇന്‍ഷുറന്‍സ്, ഓറിയന്റല്‍ ഇന്‍ഷുറന്‍സ്, യുണൈറ്റഡ് ഇന്ത്യ എന്നിവ തുല്യമായി വഹിക്കുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Insurers shell rs 660 crore ai express crash

Next Story
തൊഴിലും വരുമാനവുമില്ല; കടക്കെണിയിൽ സോനാഗച്ചിയിലെ ലൈംഗിക തൊഴിലാളികൾSonagachi, Sonagachi sex workers, Sonagachi covid impact, Sonagachi lockdown impact, Sonagachi sex workers debts
The moderation of comments is automated and not cleared manually by malayalam.indianexpress.com