Latest News

മുംബൈ ബൈക്കുള ജയിലിൽ തടവുകാരിയുടെ മരണം; 291 സഹതടവുകാർക്കെതിരെ കലാപ കേസ്

മഞ്ജുളയുടെ മരണ വാർത്ത വായിച്ച ഇന്ദ്രാണി മുഖർജിയാണ് സഹതടവുകാരോട് ഇതേപ്പറ്റി പറഞ്ഞതെന്നാണ് പൊലീസ് ഭാഷ്യം

ഇന്ദ്രാണി മുഖർജി, Indrani Mukherjee, Byculla Jail, Mumbai, Sheena Bora Murder Case, ഷീന ബോറ വധക്കേസ്

മുംബൈ: കൊലക്കേസ് പ്രതി മഞ്ജുളയുടെ മരണത്തെ തുടർന്ന് ബൈക്കുള വനിത ജയിലിലുണ്ടായ കലാപത്തിൽ മുഴുവൻ തടവുകാർക്കുമെതിരെ കലാപ കേസ്. ഷീന ബോറ വധക്കേസ് പ്രതി ഇന്ദ്രാണി മുഖർജിയെയാണ് പൊലീസ് മുഖ്യപ്രതിയാക്കിയത്.

ഓരോ പേർക്കുമെതിരായ കുറ്റം കൃത്യമായി രേഖപ്പെടുത്തിയിട്ടില്ലെങ്കിലലും തടവിലുള്ള 291 പ്രതികൾക്കുമെതിരെ കേസ് രജിസ്റ്റർ ചെയ്തിട്ടുണ്ട്. കൊലപാതക കേസ് പ്രതിയായിരുന്ന മഞ്ജുള ഷെട്ടിയുടെ മരണത്തെ തുടർന്ന് ശനിയാഴ്ചയാണ് ജയിലിൽ കലാപം പൊട്ടിപ്പുറപ്പെട്ടത്.

പത്രത്തിൽ മഞ്ജുളയുടെ മരണ വാർത്ത വായിച്ച ഇന്ദ്രാണി മുഖർജിയാണ് സഹതടവുകാരോട് ഇതേപ്പറ്റി പറഞ്ഞതെന്നാണ് പൊലീസ് ഭാഷ്യം. മറ്റ് രണ്ട് പേരുടെ കൂടി സഹായത്തോടെ ഇന്ദ്രാണി ജയിലിനുള്ളിൽ കലാപത്തിന് ആഹ്വാനം ചെയ്തു.

മുതിർന്ന ഉദ്യോഗസ്ഥൻ ചർച്ചയ്ക്ക് എത്തണമെന്നും ജയിലിലെ പരിതാപകരമായ സാഹചര്യം അറിയിക്കാൻ മാധ്യമപ്രവർത്തകരെ വിളിച്ചു വരുത്തണമെന്നുമാണ് ജയിലിനുള്ളിൽ തടവുകാർ ആവശ്യപ്പെട്ടത്.

എന്നാൽ മഞ്ജുള ഷെട്ടി വധക്കേസിൽ ജയിൽ അധികൃതർക്കെതിരെ കേസ് അട്ടിമറിക്കുന്നതിനാണ് ഇന്ദ്രാണി മുഖർജിക്കെതിരെ കേസ് നൽകിയിരിക്കുന്നതെന്നാണ് ഇവരുടെ അഭിഭാഷകൻ വ്യക്തമാക്കിയിരിക്കുന്നത്. സഹതടവുകാരിയുടെ മരണത്തെ തുടർന്ന് തടവിലുണ്ടായിരുന്നവർക്ക് അരക്ഷിതാവസ്ഥ അനുഭവപ്പെട്ടെന്നും ഇതേ തുടർന്നാണ് ആക്രമണം ഉണ്ടായതെന്നുമാണ് അഡ്വ. ഗുഞ്ജൻ മംഗല പറഞ്ഞു.

അക്രമകാരികളായ സഹതടവുകാരെ ശാന്തരാക്കാൻ ഇന്ദ്രാണി മുഖർജിക്കും മറ്റ് രണ്ട് പേർക്കും ജയിലധികൃതർ മൈക്രോഫോൺ നൽകിയിരുന്നു. എന്നാൽ ആരും ഇത് സ്വീകരിച്ചില്ല. ജയിലിന്റെ മേൽക്കൂരയ്ക്ക് മുകളിലേക്ക് കയറിയ നിരവധി തടവുകാർ ഇവിടെ വച്ച് വസ്ത്രങ്ങളും പേപ്പറുകളും അഗ്നിക്കിരയാക്കി.

ഭക്ഷണത്തിനൊപ്പം മുട്ട ലഭിക്കാതിരുന്നതിനെ തുടർന്ന് രണ്ട് തടവുകാർ തമ്മിലുണ്ടായ സംഘർഷത്തെ തുടർന്നാണ് മഞ്ജുള ഷെട്ടിയെ ജയിൽ അധികൃതർ പിടിച്ചുവയ്ക്കാൻ കാരണമെന്ന് ഒരു പൊലീസ് ഉദ്യോഗസ്ഥൻ വ്യക്തമാക്കി. ഇവരുടെ ശരീരത്തിൽ പലയിടത്തായി ചതവുകളുണ്ടെന്നാണ് പോസ്റ്റുമോർട്ടം റിപ്പോർട്ടിൽ വ്യക്തമാക്കിയിട്ടുള്ളത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Indrani mukerjea among 291 booked for rioting in jail

Next Story
ഡോണള്‍ഡ് ട്രംപിനും കുടുംബത്തിനും പ്രധാനമന്ത്രി മോദിയുടെ ഇന്ത്യാക്ഷണംModi, Trump
The moderation of comments is automated and not cleared manually by malayalam.indianexpress.com