റെയിൽവേയുടെ 'വിഷൻ 2030': കൊച്ചി ഉൾപ്പെടെ 48 നഗരങ്ങളിൽ ട്രെയിൻ സർവീസ് ശേഷി ഇരട്ടിയാക്കുന്നു; പട്ടിക പുറത്ത്

Indian Railways vision 2030:ന്യൂഡൽഹി: യാത്രക്കാരുടെ വർദ്ധിച്ചുവരുന്ന തിരക്ക് പരിഹരിക്കുന്നതിനായി രാജ്യത്തെ 48 പ്രധാന നഗരങ്ങളിൽ നിന്ന് കൂടുതൽ ട്രെയിനുകൾ സർവീസ് ആരംഭിക്കാനുള്ള ശേഷി ഇരട്ടിയാക്കാൻ ഇന്ത്യൻ റെയിൽവേ പദ്ധതിയിടുന്നു. അടുത്ത അഞ്ച് വർഷത്തിനുള്ളിൽ ഘട്ടം ഘട്ടമായി ഈ വികസനം നടപ്പിലാക്കാനാണ് റെയിൽവേ മന്ത്രാലയത്തിന്റെ തീരുമാനം.

Also Read:ക്രിസ്മസ് അവധി; കേരളത്തിലേക്ക് കൂടുതൽ പ്രത്യേക ട്രെയിനുകൾ പ്രഖ്യാപിച്ചു

2030-ഓടെ പൂർത്തിയാക്കാൻ ലക്ഷ്യമിടുന്ന ഈ വിപുലീകരണ പദ്ധതിയുടെ ഗുണഫലങ്ങൾ യാത്രക്കാർക്ക് ഉടൻ ലഭ്യമാക്കുന്നതിനായി വരും വർഷങ്ങളിൽ തന്നെ അടിസ്ഥാന സൗകര്യങ്ങൾ വർദ്ധിപ്പിക്കുമെന്ന് റെയിൽവേ അറിയിച്ചു. പദ്ധതിയെ മൂന്ന് വിഭാഗങ്ങളായി തിരിച്ചിട്ടുണ്ട്: ഉടനടി നടപ്പിലാക്കേണ്ടവ , ഹ്രസ്വകാല പദ്ധതകൾ , ദീർഘകാല പദ്ധതികൾ.

Also Read:കേരളത്തിൽ ഓടുന്ന മെമു ട്രെയിനുകൾ ഏതൊക്ക? സമയവും റൂട്ടുകളും അറിയാം വിശദമായി

നിലവിലുള്ള സ്റ്റേഷനുകളിലെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനൊപ്പം പുതിയ ട്രെയിനുകൾ തുടങ്ങുന്നതിനാവശ്യമായ ടെർമിനൽ സൗകര്യങ്ങളും വർദ്ധിപ്പിക്കും. കേരളത്തിൽ നിന്ന് കൊച്ചി ഈ പട്ടികയിൽ ഇടംപിടിച്ചിട്ടുണ്ട്.

Also Read:പുതിയ റെയിൽവേ ടൈം ടേബിൾ ഉടൻ പുറത്തിറങ്ങും; പുതിയതായി എന്തൊക്കെ വിവരങ്ങൾ? അറിയാം സമഗ്രമായി

ശേഷി വർദ്ധിപ്പിക്കുന്ന 48 പ്രധാന നഗരങ്ങളുടെ പട്ടിക

• ഡൽഹി
• മുംബൈ (സെൻട്രൽ റെയിൽവേ, വെസ്റ്റേൺ റെയിൽവേ)
• കൊൽക്കത്ത (ഈസ്റ്റേൺ റെയിൽവേ, സൗത്ത് ഈസ്റ്റേൺ റെയിൽവേ, മെട്രോ)
• ചെന്നൈ
• ഹൈദരാബാദ്
• ബാംഗ്ലൂർ
• അഹമ്മദാബാദ്
• പട്‌ന
• ലഖ്നൗ (നോർത്തേൺ റെയിൽവേ, നോർത്ത് ഈസ്റ്റേൺ റെയിൽവേ)
• പൂനെ
• നാഗ്പൂർ
• വാരണാസി
• കാൺപൂർ
• ഗോരഖ്പൂർ
• മഥുര
• അയോധ്യ
• ആഗ്ര
• പണ്ഡിറ്റ് ദീൻ ദയാൽ ഉപാധ്യായ ജംഗ്ഷൻ
• ചണ്ഡീഗഢ്
• ലുധിയാന
• അമൃത്സർ
• ഇൻഡോർ
• ഭോപ്പാൽ
• ഉജ്ജയിൻ
• ജമ്മു
• ജോധ്പൂർ
• ജയ്പൂർ
• വഡോദര
• സൂറത്ത്
• മഡ്ഗാവ്
• കൊച്ചി 
• പുരി
• ഭുവനേശ്വർ
• വിശാഖപട്ടണം
• വിജയവാഡ
• തിരുപ്പതി
• ഹരിദ്വാർ
• ഗുവാഹത്തി
• ഭാഗൽപൂർ
• മുസാഫർപൂർ
• ദർഭംഗ
• ഗയ
• മൈസൂർ
• കോയമ്പത്തൂർ
• ടാറ്റാനഗർ
• റാഞ്ചി
• റായ്പൂർ
• ബറേലി

യാത്രാ ഡിമാൻഡ് നേരിടുന്നതിനൊപ്പം റെയിൽവേ ശൃംഖലയുടെ ആധുനികവൽക്കരണവും ഈ പദ്ധതിയുടെ ഭാഗമായി നടപ്പിലാക്കും.

Read More:റെയിൽവേയിൽ നിർണായക മാറ്റം; വെയ്റ്റിംഗ് ലിസ്റ്റ്, ആർ.എ.സി യാത്രക്കാർക്ക് ആശ്വാസവാർത്ത