Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

കാന്‍സര്‍ ഉണ്ടെന്ന് കളളം പറഞ്ഞ് 2 കോടി രൂപ സംഭാവനയായി തട്ടിയെടുത്ത യുവതിക്ക് നാല് വര്‍ഷം തടവ്

സിനിമയെ വെല്ലുന്ന രീതിയിലാണ് പണം തട്ടാനായി ജാസ്‍മിന്‍ തിരക്കഥ മെനഞ്ഞത്

ലണ്ടന്‍: തനിക്ക് അര്‍ബുദം ബാധിച്ചെന്ന് കളളം പറഞ്ഞ് രണ്ടര ലക്ഷം പൗണ്ട് (ഏകദേശം 2 കോടി 26 ലക്ഷം രൂപ) സംഭാവനയായി തട്ടിയെടുത്ത ഇന്ത്യന്‍ വംശജയായ യുവതിക്ക് ബ്രിട്ടീഷ് കോടതി നാല് വര്‍ഷം തടവ് ശിക്ഷ വിധിച്ചു. 2013ലാണ് ജാസ്മിന്‍ മിസ്ട്രി എന്ന യുവതി തനിക്ക് മസ്തിഷ്കാര്‍ബുദം ഉണ്ടെന്ന് ഭര്‍ത്താവായ വിജയ് കതേച്ചിയയോട് പറഞ്ഞത്. ഡോക്ടര്‍ അയച്ചതെന്ന് പറഞ്ഞ് ഭര്‍ത്താവിന് ജാസ്മിന്‍ ചില വാട്സ്ആപ്പ് സന്ദേശങ്ങള്‍ കാണിക്കുകയും ചെയ്തു.

എന്നാല്‍ ജാസ്മിന്‍ തന്നെ വാങ്ങിയ മറ്റൊരു സിമ്മില്‍ നിന്നാണ് ഈ സന്ദേശങ്ങള്‍ അയച്ചതെന്ന് പൊലീസ് പിന്നീട് കണ്ടെത്തി. തനിക്ക് ഇനി ആറ് മാസക്കാലം മാത്രമാണ് ഡോക്ടര്‍ വിധിച്ചതെന്നും 2014 ഡിസംബറില്‍ ജാസ്മിന്‍ ഭര്‍ത്താവിനോട് പറഞ്ഞു. രക്ഷപ്പെടാന്‍ ഒരേയൊരു മാര്‍ഗം മാത്രമാണ് ഡോക്ടര്‍ പറഞ്ഞതെന്ന് പറഞ്ഞ് ജാസ്മിന്‍ ഭര്‍ത്താവിന് വാട്സ്ആപ്പ് സന്ദേശം കാണിച്ച് കൊടുത്തു. 5 ലക്ഷം പൗണ്ട് ചെലവ് വരുന്ന ശസ്ത്രക്രിയയിലൂടെ അമേരിക്കയിലുളള ഒരു ആശുപത്രിയില്‍ വച്ച് ജീവന്‍ രക്ഷിക്കാനാകുമെന്നാണ് ജാസ്മിന്‍ ഭര്‍ത്താവിനെ തെറ്റിദ്ധരിപ്പിച്ചത്.

ഇതിന് പിന്നാലെ വിജയ് തന്റെ കുടുംബത്തിന്റേയും ജനങ്ങളുടേയും സഹായത്തോടെ പണം സ്വരൂപിക്കാന്‍ ആരംഭിച്ചു. 2015-17 ഇടയില്‍ 5 ലക്ഷം പൗണ്ട് സമാഹരിക്കാനായിരുന്നു പദ്ധതി. തുടര്‍ന്ന് രണ്ടര ലക്ഷം പൗണ്ട് സമാഹരിച്ചതിന് ശേഷമാണ് വിജയിക്ക് ജാസ്മിന്റെ പെരുമാറ്റത്തില്‍ സംശയം തോന്നിയത്.

ജാസ്മിന്‍ നല്‍കിയ മസ്തിഷ്കത്തിന്റെ സ്കാന്‍ റിപ്പോട്ട് കണ്ട വിജയിയുടെ സുഹൃത്താണ് ആദ്യം സംശയം പ്രകടിപ്പിച്ചത്. ഡോക്ടര്‍ നല്‍കിയ സ്കാനിങ് റിസള്‍ട്ടാണ് ഇതെന്നാണ് ജാസ്മിന്‍ പറഞ്ഞത്. എന്നാല്‍ വിജയ് തന്റെ സുഹൃത്തായ ഒരു ഡോക്ടറെ സമീപിച്ച് ഈ സ്കാന്‍ പരിശോധിക്കാന്‍ ആവശ്യപ്പെട്ടു. ഗൂഗിളില്‍ നിന്നെടുത്ത ചിത്രമാണ് ഇതെന്നാണ് ഡോക്ടര്‍ വിജയിയോട് പറഞ്ഞത്.

ഇതിന് പിന്നാലെ വിജയ് ജാസ്മിന്‍ ഉപയോഗിച്ച രണ്ടാമത്തെ സിം കണ്ടെടുത്തു. തുടര്‍ന്നുളള ചോദ്യം ചെയ്യലില്‍ ജാസ്മിന്‍ തനിക്ക് അര്‍ബുദം ഇല്ലെന്ന് കുറ്റസമ്മതം നടത്തി. 2017 നവംബറില്‍ പൊലീസ് ജാസ്മിനെ അറസ്റ്റ് ചെയ്തു. 2,53,122 പൗണ്ടായിരുന്നു വിജയ് സമാഹരിച്ച് ജാസ്മിന് നല്‍കിയിരുന്നത്. 36കാരിയായ ജാസ്മിന്റെ കൈയ്യില്‍ നിന്നും ഈ പണം പിടിച്ചെടുത്തു. ഇതിന് പിന്നാലെയാണ് സ്നാറസ്ബ്രൂക്ക് ക്രൗണ്‍ കോടതി ജാസ്മിന് നാല് വര്‍ഷം തടവ് വിധിച്ചത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Indian origin woman fakes brain cancer for 2 years extorts 2 5 lakh pounds from exs family

Next Story
‘വിദേശ വനിതയ്ക്ക് ജനിച്ച കുഞ്ഞിന് രാജ്യസ്നേഹം ഉണ്ടാവില്ല’; രാഹുലിനെതിരെ ഞെട്ടിക്കുന്ന പരാമര്‍ശവുമായി ബിജെപി നേതാവ്rahul gandhi, hydrid specimen, രാഹുൽ ഗാന്ധി, സങ്കരയിനം, iemalayalam, ഐ ഇ മലയാളം, today news, ഇന്നത്തെ വാർത്ത news india, latest news, breaking news, ബ്രേക്കിങ്ങ് ന്യൂസ്, india news live, india news today, national news, ദേശീയ വാർത്ത, national news today, national news headlines, പ്രധാന വാർത്തകൾ, latest national news, വാർത്തകൾ, national news india, വാർത്ത ന്യൂസ്, today national news, breaking news india, union government, central government, state government,
The moderation of comments is automated and not cleared manually by malayalam.indianexpress.com
Best of Express