scorecardresearch
Latest News

ഇന്ത്യ-പാക്ക് അതിർത്തിയിൽ ആക്രമണം രൂക്ഷം; 3 പാക്ക് സൈനികരെ കൊല്ലപ്പെട്ടു

കഴിഞ്ഞ ദിവസം പാക്കിസ്ഥാൻ നടത്തിയ ആക്രമണത്തിൽ 4 ഇന്ത്യൻ സൈനികർ കൊല്ലപ്പെട്ടിരുന്നു

ഇന്ത്യ-പാക്ക് അതിർത്തിയിൽ ആക്രമണം രൂക്ഷം; 3 പാക്ക് സൈനികരെ കൊല്ലപ്പെട്ടു
An Army soldiers runs for cover near the encounter site in Kalghi area of Uri in north Kashmir’s Baramulla district on Sunday, police said.Express Photo By Shuaib Masoodi 24-09-2017

കശ്മീർ: ഇന്ത്യ-പാക്കിസ്ഥാൻ അതിർത്തിയിൽ സംഘർഷം രൂക്ഷം. കഴിഞ്ഞ ദിവസം 4 ഇന്ത്യൻ സൈനികർ കൊല്ലപ്പെട്ട പശ്ചാത്തലത്തിലാണ് സേന തിരിച്ചടി ശക്തമാക്കിയത്. ഇന്ത്യൻ സൈന്യം ഇന്നലെ വൈകിട്ട് നടത്തിയ വെടിവയ്പിൽ 3 പാക് സൈനികർ കൊല്ലപ്പെട്ടു. അതിർത്തിയിലെ നിയന്ത്രണരേഖയ്ക്ക് സമീപമാണ് വെടിവയ്പ് ഉണ്ടായത്.

ഇന്ത്യൻ സൈനികരുടെ ആക്രമണത്തിൽ 3 സൈനികർ കൊല്ലപ്പെട്ടതായി പാക്കിസ്ഥാൻ സൈന്യം സ്ഥിരീകരിച്ചിട്ടുണ്ട്. ഇന്ത്യൻ സേനയുടെ ‘ഘാട്ടഖ് പ്ലാറ്റൂൺ’ ട്രൂപ്പാണ് അതിർത്തിയിൽ തിരിച്ചടികൾക്ക് നേതൃത്വം നൽകിയത്. രാഖ് ചിക്രി സെക്ടറിലെ പാക് പോസ്റ്റുകൾക്ക് നേരെയാണ് കമാൻഡോകളുടെ പ്രത്യേക സംഘം ആക്രമണം നടത്തിയത്.

കഴിഞ്ഞ ദിവസം പാക്കിസ്ഥാൻ നടത്തിയ ആക്രമണത്തിൽ 4 ഇന്ത്യൻ സൈനികർ കൊല്ലപ്പെട്ടിരുന്നു. സിഖ് ബറ്റാലിയനിലെ 4 സൈനികരാണ് കഴിഞ്ഞ ദിവസത്തെ ആക്രമണത്തിൽ കൊല്ലപ്പെട്ടത്.

Stay updated with the latest news headlines and all the latest News news download Indian Express Malayalam App.

Web Title: Indian army hits back kills three pakistani soldiers in cross loc raid