കമല്‍ഹാസന്‍ ചിത്രത്തിന്റെ ഷൂട്ടിങ് ലൊക്കേഷനില്‍ അപകടം; മൂന്നുപേര്‍ മരിച്ചു

ബെംഗളൂരു: കമൽഹാസന്റെ പുതിയ ചിത്രം 'ഇന്ത്യൻ 2' ന്റെ സെറ്റിൽ ക്രെയിൻ തകർന്നതിനെ തുടർന്നുണ്ടായ അപകടത്തിൽ മൂന്ന് മരണം. സംവിധാന സഹായികളായ മധു (29), കൃഷ്ണ (34), നൃത്ത സഹസംവിധായകന്‍ ചന്ദ്രന്‍ (60) എന്നിവരാണ് മരിച്ചത്. ബുധനാഴ്ച രാത്രിയാണ് അപകടം നടന്നത്. സംവിധായകൻ ശങ്കർ ഉൾപ്പെടെ പത്ത് പേർക്ക് പരുക്കേറ്റു. അപകടത്തിൽ പരുക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചു.

Read Here: ഒരു നിമിഷം കൊണ്ട് എല്ലാം മാറിമറിഞ്ഞു: അപകടത്തെക്കുറിച്ച് കാജല്‍ അഗര്‍വാള്‍

അപകട വാർത്ത ട്വിറ്റർ വഴി കമൽഹാസൻ സ്ഥിരീകരിച്ചു.

“ഞാൻ നിരവധി അപകടങ്ങളിൽ പെട്ടിട്ടുണ്ടെങ്കിലും, ഇന്ന് നടന്ന അപകടം വളരെയധികം ഭയാനകമായിരുന്നു. എന്റെ മൂന്ന് സഹപ്രവർത്തകരെ എനിക്ക് നഷ്ടപ്പെട്ടു. എന്റെ വേദനയേക്കാൾ വലുതാണ് അവരുടെ കുടുംബാംഗങ്ങളുടെ വേദനയും അവർ കടന്നു പോകുന്ന അവസ്ഥയും. ഞാൻ അവരുടെ കുടുംബത്തിന്റെ ഭാഗമാവുകയും അവരുടെ സങ്കടങ്ങൾ പങ്കുവെക്കുകയും ചെയ്യുന്നു. അവർക്ക് അനുശോചനം അറിയിക്കുന്നു,” കമൽഹാസൻ കുറിച്ചു.

പരുക്കേറ്റവരെ ചികിത്സിക്കുന്ന ആശുപത്രിയിലെ ഡോക്ടർമാരുമായി താൻ സംസാരിച്ചു, അവർക്ക് പ്രാഥമികമായ ശുശ്രൂഷ ലഭിച്ചുവെന്നും ഉറപ്പാക്കിയിട്ടുണ്ട്. അപകടത്തിൽ​ പെട്ട് പരുക്കേറ്റവർ സുഖം പ്രാപിച്ച് തിരിച്ചു വരും എന്ന പ്രതീക്ഷയിൽ നമുക്ക് ഈ രാത്രി കഴിച്ചു കൂട്ടാം എന്നും കമൽ കൂട്ടിച്ചേര്‍ത്തു.

எத்தனையோ விபத்துக்களை சந்தித்து, கடந்திருந்தாலும் இன்றைய விபத்து மிகக் கொடூரமானது. மூன்று சகாக்களை இழந்து நிற்கிறேன்.எனது வலியை விட

அவர்களை இழந்த குடும்பத்தினரின் துயரம் பன்மடங்கு இருக்கும். அவர்களில் ஒருவனாக அவர்களின் துயரத்தில் பங்கேற்கிறேன்.அவர்களுக்கு என் ஆழ்ந்த அனுதாபங்கள்

— Kamal Haasan (@ikamalhaasan) February 19, 2020

மருத்துவமனையில் விபத்தில் சிக்கியவர்களை பார்த்து மருத்துவர்களிடம் பேசியுள்ளேன்.

முதலுதவி வழங்கப்பட்டு உரிய சிகிச்சைக்கான வேலைகள் நடக்கிறது.

இவர்கள் விரைவாக உடல் நலம் பெற்றிடுவார்கள் என்ற நம்பிக்கையுடனே இந்த இரவு விடியட்டும்.

— Kamal Haasan (@ikamalhaasan) February 19, 2020

അപകടത്തെക്കുറിച്ച് ചിത്രത്തിന്റെ നിർമാതാക്കളായ ലൈക പ്രൊഡക്ഷൻസും പ്രസ്താവനയിറക്കിട്ടുണ്ട്. തങ്ങൾ അതീവ ദുഃഖിതരാണെന്നും കഠിനാധ്വാനികളായ മൂന്ന് സഹപ്രവർത്തകരെയാണ് നഷ്ടപ്പെട്ടതെന്നും പ്രസ്താവനയിൽ അവർ പറയുന്നു. അവരുടെ കുടുംബാംഗങ്ങളുടെ ദുഃഖത്തിൽ പങ്കു ചേരുന്നുവെന്നും ലൈക പ്രൊഡക്ഷൻസ് കൂട്ടിച്ചേർത്തു.

pic.twitter.com/Yqxd0RVx0s

— Lyca Productions (@LycaProductions) February 19, 2020

അപകടസമയത്ത് കമൽഹാസനും നടി കാജൽ അഗർവാളും സിനിമയുടെ സെറ്റിൽ ഉണ്ടായിരുന്നുവെന്നും ഒരു ഗാനരംഗം ചിത്രീകരിക്കാനുള്ള തയ്യാറെടുപ്പിന് മുന്നോടിയായി സെറ്റിടുന്ന സമയത്താണ് അപകടം നടന്നത് എന്നുമാണ് റിപ്പോർട്ട്. ക്രെയിനിന്റെ അടിയിൽ പെട്ട് മൂന്ന് പേർ തൽക്ഷണം മരിക്കുകയായിരുന്നു. പൂനമല്ലി നസറത്ത് പേട്ടയിലെ ഇവിപി ഫിലിം സിറ്റിയില്‍ ആണ് അപകടം നടന്നത്.