ന്യൂഡൽഹി: രാജ്യത്ത് കോവിഡ് കേസുകളുടെ എണ്ണം ഉയരുന്നു. കഴിഞ്ഞ 24 മണിക്കൂറിനിടെ 2,68,833 പുതിയ കോവിഡ് കേസുകളാണ് റിപ്പോർട്ട് ചെയ്തത്. പോസിറ്റിവിറ്റി നിരക്ക് 14.7 ശതമാനത്തിൽനിന്നും 16.66% ആയി ഉയർന്നു. കഴിഞ്ഞ 24 മണിക്കൂറിനിടെ 1,22,684 പേർ രോഗമുക്തി നേടി. സജീവ കേസുകളുടെ എണ്ണം 14,17,820 ആയി.
കഴിഞ്ഞ 24 മണിക്കൂറിനിടെ 402 പേർ കോവിഡ് ബാധിച്ച് മരിച്ചു. അതിനിടെ, ഒമിക്രോൺ ബാധിതരുടെ എണ്ണം 6.041 ആയി ഉയർന്നതായി ആരോഗ്യ മന്ത്രാലയം അറിയിച്ചു. ഇതുവരെ 156.02 കോടി ഡോസ് വാക്സിനുകളാണ് രാജ്യത്ത് ഇതുവരെ വിതരണം ചെയ്തത്.
മഹാരാഷ്ട്രയിലാണ് കോവിഡ് കേസുകൾ കുതിച്ചുയരുകയാണ്. ഇന്നലെ ഇവിടെ 43,211 പുതിയ കോവിഡ് കേസുകളും 19 മരണങ്ങളും റിപ്പോർട്ട് ചെയ്തു. ഡൽഹിയിൽ ഇന്നലെ മാത്രം 24,383 പുതിയ കോവിഡ് കേസുകളാണ് റിപ്പോർട്ട് ചെയ്തത്.
Read More: പരിവർത്തനം ചെയ്യപ്പെട്ട ഒമിക്രോൺ വകഭേദം; ലഘുവായ ലക്ഷണങ്ങളെങ്കിലും അപകടകരമോ?
