രാജ്യത്ത് 12,885 പേർക്ക് കൂടി കോവിഡ്; 461 മരണം

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിൽ 12,885 പേർക്ക് കൂടി കോവിഡ് കോവിഡ് സ്ഥിരീകരിച്ചു. 461 മരണങ്ങളാണ് റിപ്പോർട്ട് ചെയ്തത്. ഇതോടെ ആകെ മരണപ്പെട്ടവരുടെ എണ്ണം 4,59,652 ആയി ഉയർന്നു.

അതേസമയം ചികിത്സയിൽ കഴിയുന്നവരുടെ എണ്ണത്തിൽ വീണ്ടും കുറവ് രേഖപ്പെടുത്തി. നിലവിൽ 1,48,579 പേരാണ് ചികിത്സയിലുള്ളത്. കഴിഞ്ഞ 253 ദിവസത്തിനിടയിലെ ഏറ്റവും കുറഞ്ഞ കണക്കാണിത്.

ആകെ രോഗം സ്ഥിരീകരിച്ചവരിലെ 0.43 ശതമാനം ആളുകൾ മാത്രമാണ് ഇപ്പോൾ ചികിത്സയിലുള്ളത്. ദേശീയ രോഗമുക്തി നിരക്ക് 98.23 ശതമാനത്തിൽ തുടരുകയാണ്. മഹാമാരി ആരംഭിച്ചതിനു ശേഷമുള്ള ഏറ്റവും ഉയർന്ന നിരക്കാണിത്.

Also Read: ആദ്യ ഡോസ് വാക്‌സിനേഷന്‍ 95 ശതമാനം പിന്നിട്ടു; സംസ്ഥാനം ലക്ഷ്യത്തിലേക്ക് അടുക്കുന്നതായി ആരോഗ്യ മന്ത്രി

ആരോഗ്യ മന്ത്രാലയത്തിന്റെ കണക്കുകൾ പ്രകാരം കഴിഞ്ഞ 24 മണിക്കൂറിൽ മാത്രം 2,630 കേസുകളാണ് കുറഞ്ഞത്. 1.21 ശതമാനമാണ് നിലവിലെ പ്രതിദിന പോസിറ്റിവിറ്റി നിരക്ക്. രാജ്യത്ത് ഇതുവരെ 107.63 ഡോസ് വാക്സിൻ വിതരണം ചെയ്തതായും ആരോഗ്യ മന്ത്രാലയം അറിയിച്ചു.