scorecardresearch

Latest News

രാജ്യത്ത് 10,853 പേര്‍ക്ക് കോവിഡ്; 526 മരണം

വിവിധ സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കുമായി 28.40 ലക്ഷം വാക്സിന്‍ ഡോസുകള്‍ മാത്രമാണ് ശനിയാഴ്ച വിതരണം ചെയ്തത്

Covid, Vaccine

ന്യൂഡല്‍ഹി: ഇന്ത്യയില്‍ കഴിഞ്ഞ 24 മണിക്കൂറിനിടെ 10,853 പേര്‍ക്ക് കോവിഡ് സ്ഥിരീകരിച്ചു. 12,432 നെഗറ്റീവ് കേസുകളും റിപ്പോര്‍ട്ട് ചെയ്തു. രാജ്യത്തെ കോവിഡ് രോഗമുക്തി നിരക്ക് 98.24 ശതമായി ഉയര്‍ന്നു.

വിവിധ സംസ്ഥാനങ്ങളിലായി ചികിത്സയില്‍ കഴിയുന്നവരുടെ എണ്ണത്തില്‍ നേരിയ കുറവ് രേഖപ്പെടുത്തിയിട്ടുണ്ട്. രാജ്യത്ത് നിലവില്‍ 1.44 ലക്ഷം സജീവ കേസുകളാണുള്ളത്. കഴിഞ്ഞ 260 ദിവിസത്തിനിടയില്‍ ആദ്യമായാണ് കേസുകള്‍ ഇത്രയും കുറയുന്നത്

അതേസമയം, ആശങ്കയായി കോവിഡ് മരണങ്ങളുടെ എണ്ണം വീണ്ടും വര്‍ധിക്കുകയാണ്. 526 മരണമാണ് കോവിഡ് മൂലം രാജ്യത്ത് ഇന്നലെ സംഭവിച്ചത്. ഇതോടെ മഹാമാരി ബാധിച്ച് മരിച്ചവരുടെ എണ്ണം 4,60,791 ആയി ഉയര്‍ന്നു.

വിവിധ സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കുമായി 28.40 ലക്ഷം വാക്സിന്‍ ഡോസുകള്‍ മാത്രമാണ് ശനിയാഴ്ച വിതരണം ചെയ്തത്. ഇതുവരെ ഒരു ഡോസ് വാക്സിനെങ്കിലും സ്വീകരിച്ചവരുടെ എണ്ണം 108.21 കോടിയായി ഉയര്‍ന്നതായും കേന്ദ്ര ആരോഗ്യ മന്ത്രാലയം അറിയിച്ചു.

Also Read: ഇന്ത്യ-ഫ്രാന്‍സ്: പ്രതിരോധ മേഖലയിലില്‍ സഹകരണം ശക്തിപ്പെടുത്തും

Stay updated with the latest news headlines and all the latest News news download Indian Express Malayalam App.

Web Title: India reports 10853 covid cases and 526 deaths

Best of Express