രാജ്യത്തെ പ്രതിദിന രോഗബാധിതര്‍; കോവിഡ് കണക്കുകള്‍ പുറത്തുവിട്ട് ആരോഗ്യമന്ത്രാലയം

ന്യൂഡല്‍ഹി: രാജ്യം മറ്റൊരു കോവിഡ് വ്യാപന ഭീയിയില്‍ നില്‍ക്കെ കോവിഡ് കണക്കുകള്‍ പുറത്ത് വിട്ട് ആരോഗ്യമന്ത്രാലയം. കഴിഞ്ഞ 24 മണിക്കൂറിനുള്ളില്‍ 163 പുതിയ കോവിഡ് -19 കേസുകളാണ് രാജ്യത്ത് റിപോര്‍ട്ട് ചെയ്തത്. ആകെ അണുബാധയുടെ 0.01% പോസിറ്റീവ് നിരക്ക്, കേന്ദ്ര ആരോഗ്യ മന്ത്രാലയത്തിന്റെ കണക്കുകള്‍ പറയുന്നു. രാജ്യത്ത് സജീവ കേസുകളുടെ എണ്ണം 2,423 ആയി കുറഞ്ഞു. ഇതുവരെയുള്ള കോവിഡ് -19 കേസുകളുടെ എണ്ണം 4.46 കോടിയായി.

രാവിലെ 8 മണിക്ക് അപ്ഡേറ്റ് ചെയ്ത കണക്കുകള്‍ പ്രകാരം, കേരളത്തില്‍ രണ്ട് മരണങ്ങള്‍ രേഖപ്പെടുത്തി, മൊത്തം മരണസംഖ്യ 5,39,720 ആയി. രോഗം ഭേദമായവരുടെ എണ്ണം 4,41,46,781 ആയി ഉയര്‍ന്നപ്പോള്‍ കേസിലെ മരണനിരക്ക് 1.19 ശതമാനമായി രേഖപ്പെടുത്തി. ദേശീയ കോവിഡ് -19 വീണ്ടെടുക്കല്‍ നിരക്ക് 98.80 ശതമാനമായി ഉയര്‍ന്നതായും 24 മണിക്കൂറിനുള്ളില്‍ സജീവമായ കൊറോണ വൈറസ് കേസലോഡില്‍ 86 കേസുകളുടെ കുറവ് രേഖപ്പെടുത്തിയതായും ആരോഗ്യ മന്ത്രാലയം അറിയിച്ചു. ഇതുവരെ 91.21 കോടി ടെസ്റ്റുകള്‍ നടത്തിയതായി കണക്കുകള്‍ പറയുന്നു.

ചൈനയും ദക്ഷിണ കൊറിയയും ഉള്‍പ്പെടെ ചില രാജ്യങ്ങളില്‍ കോവിഡ് -19 കേസുകള്‍ വര്‍ദ്ധിച്ചുകൊണ്ടിരിക്കെ, സര്‍ക്കാര്‍ ജാഗ്രതാ നിര്‍ദ്ദേശം പുറപ്പെടുവിക്കുകയും ഏത് സാഹചര്യത്തിനും തയ്യാറാകാന്‍ സംസ്ഥാനങ്ങളോടും കേന്ദ്ര ഭരണ പ്രദേശങ്ങളോടും ആവശ്യപ്പെടുകയും ചെയ്തിട്ടുണ്ട്. ആരോഗ്യ മന്ത്രാലയത്തിന്റെ കണക്കുകള്‍ പ്രകാരം, രാജ്യവ്യാപകമായി വാക്‌സിനേഷന്‍ ഡ്രൈവിന് കീഴില്‍ ഇതുവരെ 220.13 കോടി ഡോസ് കോവിഡ് -19 വാക്‌സിന്‍ ഇന്ത്യയില്‍ നല്‍കിയിട്ടുണ്ട്. ഇതില്‍ 95.14 കോടി രണ്ടാം ഡോസും 22.43 കോടി മുന്‍കരുതല്‍ ഡോസും വാക്‌സിനും നല്‍കി. കഴിഞ്ഞ 24 മണിക്കൂറിനുള്ളില്‍ 58,938 ഡോസുകളാണ് നല്‍കിയത്.