ഇന്ത്യയും ഹിന്ദുവും ഒന്നാണ്: ആര്‍എസ്എസ് നേതാവ്

ന്യൂഡല്‍ഹി: ഇന്ത്യയും ഹിന്ദുക്കളും പര്യായങ്ങളാണെന്നും രാജ്യത്തിന്റെ ഏതെങ്കിലും ഭാഗത്ത് ഹിന്ദുക്കളുടെ എണ്ണത്തില്‍ കുറവ് വന്നാല്‍ ഇന്ത്യ പ്രതിസന്ധി നേരിടേണ്ടി വരുമെന്നും ആര്‍എസ്എസ് അഖിലേന്ത്യാ പ്രചാര്‍ പ്രമുഖ് അരുണ്‍ കുമാര്‍. 'ദി സാഫ്രോണ്‍ സര്‍ജ്' എന്ന പുസ്തകം പ്രകാശനം ചെയ്തുകൊണ്ട് സംസാരിക്കുകയായിരുന്നു അരുണ്‍ കുമാര്‍. ഇന്ത്യ എവിടെയാണോ അവിടെയാണ് ഹിന്ദുവും. ഇന്ത്യയില്ലെങ്കില്‍ ഹിന്ദുവുമില്ല എന്നാണ് അരുണ്‍ കുമാര്‍ പറഞ്ഞത്.

ഈ സമൂഹത്തിന് സംഘര്‍ഷങ്ങളില്‍ നിന്നും വിഭജനങ്ങളില്‍ നിന്നും അകന്ന് ഒറ്റക്കെട്ടായി നില്‍ക്കാമെന്നതിന് ആര്‍എസ്എസ് ഒരു ഉറപ്പാണെന്ന് ബിജെപി ദേശീയ ജനറല്‍ സെക്രട്ടറി റാം മാധവ് പറഞ്ഞു. പരിപാടിയുടെ മുഖ്യാതിഥിയായിരുന്നു അദ്ദേഹം. സംഘ് പരിവാര്‍ നിലനില്‍ക്കുന്നിടത്തോളം കാലം രാജ്യം ഒറ്റക്കെട്ടായിരിക്കുമെന്ന വിശ്വാസം ജനങ്ങള്‍ക്കുണ്ടെന്നും റാം മാധവ് പറഞ്ഞു.