Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ

‘ആരോപണം തെളിയിച്ചില്ലെങ്കില്‍ മോദിയും നിങ്ങളും രാഷ്ട്രീയം അവസാനിപ്പിക്കുമോ?’; ബിജെപിക്ക് മറുപടിയുമായി സ്റ്റാലിന്‍

ആരോപണം തെളിയിക്കുകയാണെങ്കില്‍ രാഷ്ട്രീയം വിടുമെന്ന് പറഞ്ഞ സ്റ്റാലിന്‍ ബിജെപിയെ വെല്ലുവിളിക്കുകയും ചെയ്തു

MK Stalin
MK Stalin

ന്യൂഡല്‍ഹി: ബിജെപിയുമായി താന്‍ ബന്ധപ്പെട്ടു എന്ന ആരോപണം തെളിയിച്ചാല്‍ രാഷ്ട്രീയം വിടുമെന്ന് ഡിഎംകെ അധ്യക്ഷന്‍ എം.കെ.സ്റ്റാലിന്‍. തമിഴ്‌നാട്ടില്‍ സഖ്യം രൂപീകരിക്കാന്‍ സ്റ്റാലിന്‍ തങ്ങളുമായി ബന്ധപ്പെട്ടിരുന്നു എന്ന ബിജെപി സംസ്ഥാന അധ്യക്ഷ തമിഴസൈ സൗന്ദരരാജന്റെ ആരോപണത്തെ സ്റ്റാലിന്‍ നിഷേധിച്ചു. ആരോപണം തെളിയിക്കുകയാണെങ്കില്‍ രാഷ്ട്രീയം വിടുമെന്ന് പറഞ്ഞ സ്റ്റാലിന്‍ ബിജെപിയെ വെല്ലുവിളിക്കുകയും ചെയ്തു.

“സഖ്യം രൂപീകരിക്കാന്‍ ബിജെപിയുമായി ബന്ധപ്പെട്ടു എന്ന് തമിഴസൈ സൗന്ദരരാജനും മോദിക്കും തെളിയിക്കാന്‍ സാധിച്ചാല്‍ രാഷ്ട്രീയം അവസാനിപ്പിക്കും. എന്നാല്‍, ആരോപണം തെളിയിക്കാന്‍ സാധിച്ചില്ലെങ്കില്‍ തമിഴസൈയും മോദിയും രാഷ്ട്രീയം ഉപേക്ഷിക്കാന്‍ തയ്യാറാണോ” – സ്റ്റാലിന്‍ ചോദിച്ചു.

Read More: മഴ പെയ്യുമ്പോഴൊക്കെ റഡാറില്‍ നിന്ന് വിമാനങ്ങള്‍ അപ്രത്യക്ഷമാകാറുണ്ടോ?; മോദിയെ പരിഹസിച്ച് രാഹുൽ

തിരഞ്ഞെടുപ്പിന് ശേഷം ബിജെപിയുമായി സഹകരിക്കാന്‍ ഡിഎംകെ ബന്ധപ്പെട്ടിരുന്നു എന്ന് നേരത്തെ തമിഴസൈ അവകാശപ്പെട്ടിരുന്നു. ഇതിനു മറുപടിയുമായാണ് സ്റ്റാലിന്‍ രംഗത്തെത്തിയത്. ടിആര്‍എസ് അധ്യക്ഷനും തെലങ്കാന മുഖ്യമന്ത്രിയുമായ കെ.ചന്ദ്രശേഖര റാവു ചെന്നൈയിലെത്തി സ്റ്റാലിനുമായി കൂടിക്കാഴ്ച നടത്തിയിരുന്നു. ഇതിനു പിന്നാലെയാണ് ആരോപണവുമായി ബിജെപി രംഗത്തെത്തിയത്.

ഒരു വശത്ത് സ്റ്റാലിന്‍ കോണ്‍ഗ്രസുമായി ബന്ധം പുലര്‍ത്തു എന്നും മറുവശത്ത് മോദിയുമായി ബന്ധപ്പെടുന്നു എന്നുമാണ് തമിഴസൈ ആരോപിച്ചത്. ഡിഎംകെയുടെ നിറം മാറിയെന്ന കാര്യം എല്ലാവര്‍ക്കും അറിയാമെന്നും തമിഴസൈ പറഞ്ഞു. ഒരേ സമയം മൂന്ന് വഞ്ചിയിലും കാലിടാന്‍ ഡിഎംകെക്ക് മാത്രമേ സാധിക്കൂ എന്നും തമിഴസൈ ആരോപിച്ചു.

Read More Lok Sabha Election 2019 News

ബിജെപിയുടെ ആരോപണങ്ങളെ തമിഴ്‌നാട്ടിലെ ഡിഎംകെ സഖ്യത്തിലുള്ള കോണ്‍ഗ്രസും തള്ളി കളഞ്ഞു. നിരാശ കാരണമാണ് ബിജെപി ഇത്തരം ആരോപണങ്ങള്‍ ഉന്നയിക്കുന്നത്. ഭയം കാരണമാണ് ബിജെപി ഇങ്ങനെയെല്ലാം പറയുന്നത് എന്നും തമിഴ്‌നാട്ടിലെ കോണ്‍ഗ്രസ് അധ്യക്ഷന്‍ കെ.എസ്.അഴഗിരി പറഞ്ഞു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: In touch with bjp stalin denies allegation

Next Story
അമിത് ഷായുടെ റോഡ് ഷോയ്ക്കിടെ ബംഗാളിൽ വൻ അക്രമംamit shah roadshow violence, amit shah rally clashes, amit shah roadshow fire, amit shah rally fire, amit shah, amit shah kolkata roadshow, amit shah kolkata rally, amit shah bengal rally, amit shah kolkata, kolkata election news, കൊൽക്കത്ത, അമിത് ഷാ, ബംഗാൾ
The moderation of comments is automated and not cleared manually by malayalam.indianexpress.com
Best of Express