Latest News
കോവിഡ് മുക്തരിലെ ക്ഷയരോഗം: മാർഗനിർദേശവുമായി ആരോഗ്യ വകുപ്പ്
രണ്ടാം തരംഗം കേരളത്തിന് കടുപ്പമായി; മരണങ്ങളിൽ പകുതിയും 40 ദിവസത്തിനിടെ
Coronavirus India Live Updates: 150 രൂപയ്ക്ക് കോവാക്സിന്‍ കേന്ദ്രത്തിന് നല്‍കുന്നത് ലാഭകരമല്ല: ഭാരത് ബയോടെക്
UEFA Euro 2020 Live Streaming: പോര്‍ച്ചുഗല്‍, ഫ്രാന്‍സ്, ജര്‍മനി, കളത്തില്‍ വമ്പന്മാര്‍; മത്സരങ്ങള്‍ എവിടെ, എങ്ങനെ കാണാം?
കടല്‍ക്കൊല: നിയമനടപടികള്‍ അവസാനിപ്പിച്ച് സുപ്രീം കോടതി
സംസ്ഥാനത്ത് ഇന്നും ശക്തമായ മഴ; മൂന്ന് ജില്ലകളില്‍ ഓറഞ്ച് അലര്‍ട്ട്
കോവിഡ് മരണം നിര്‍ണയിക്കാന്‍ പുതിയ മാര്‍ഗനിര്‍ദേശങ്ങള്‍
കേരളം അണ്‍ലോക്കിലേക്ക്; ഇളവുകളില്‍ അന്തിമ തീരുമാനം ഇന്ന്
പ്രാദേശിക കേന്ദ്രങ്ങള്‍ വഴി വാക്സിനായി റജിസ്റ്റര്‍ ചെയ്യുന്നവര്‍ 0.5 ശതമാനം മാത്രം
രാജ്യദ്രോഹ കേസ്; ലക്ഷദ്വീപ് ഭരണകൂടത്തോട് വിശദീകരണം തേടി ഹൈക്കോടതി
ബിജെപി കേരള ഘടകത്തിലെ പ്രശ്നങ്ങൾ: ദേശീയ നേതൃത്വത്തിന് റിപ്പോർട്ട് നൽകിയെന്ന് ആനന്ദ ബോസ്
മുട്ടില്‍ മരം മുറി: ജാമ്യഹര്‍ജികള്‍ ഒരുമിച്ച് പരിഗണിക്കണമെന്ന് സര്‍ക്കാര്‍

കൊറോണ ഹോട്ട്‌സ്‌പോട്ടുകളില്‍ ദ്രുതഗതിയിലുള്ള ആന്റിബോഡി ടെസ്റ്റിന് നിര്‍ദേശം

രാജ്യത്ത് അസാധാരണമായ രീതിയില്‍ രോഗം റിപ്പോര്‍ട്ട് ചെയ്ത 10 സ്ഥലങ്ങളെയാണു ഹോട്ട്‌സ്‌പോട്ടുകളായി നിശ്ചയിരിക്കുന്നത്

corona virus, ie malayalam

ന്യൂഡല്‍ഹി: കോവിഡ്-19 കേസുകള്‍ കൂടുതലായി സ്ഥിരീകരിച്ച സ്ഥലങ്ങളില്‍ ദ്രുതഗതിയില്‍ ആന്റിബോഡി ടെസ്റ്റ് നടത്തും. ഇതു സംബന്ധിച്ച് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ഐസിഎംആര്‍) ഇടക്കാല ഉപദേശം പുറപ്പെടുവിച്ചു.

രാജ്യത്ത് അസാധാരണമായ രീതിയില്‍ രോഗം റിപ്പോര്‍ട്ട് ചെയ്ത 10 സ്ഥലങ്ങളെയാണു ഹോട്ട്‌സ്‌പോട്ടുകളായി നിശ്ചയിരിക്കുന്നത്. കേരളത്തില്‍നിന്ന് കാസര്‍ഗോഡും പത്തനംതിട്ടയും ഉള്‍പ്പെടുമ്പോള്‍ ഡല്‍ഹി ദില്‍ഷാദ് ഗാര്‍ഡന്‍, നിസാമുദ്ദീന്‍, നോയിഡ, മീററ്റ്, ഭില്‍വാര, അഹമ്മദാബാദ്, മുംബൈ, പൂനെ എന്നിവയാണു ഈ പട്ടികയിലെ മറ്റു സ്ഥലങ്ങള്‍.

കൊറോണ വൈറസ് ബാധയില്‍ രാജ്യത്ത് മരണസംഖ്യ 50 ആയി ഉയര്‍ന്നിരിക്കുകയാണ്. രോഗബാധിതരുടെ എണ്ണം 1,764 ആയി. പോസിറ്റീവ് കേസുകള്‍ കഴിഞ്ഞ ദിവസത്തേക്കാള്‍ നൂറിലേറെ എണ്ണമാണു വര്‍ധിച്ചത്. അതേസമയം, കഴിഞ്ഞ 18 മണിക്കൂറിനുള്ളില്‍ കര്‍ണാടകയില്‍ പുതിയ കേസുകളൊന്നും റിപ്പോര്‍ട്ട് ചെയ്തിട്ടില്ല.

കൊറോണ വൈറസ് ഹോട്ട്‌സ്‌പോട്ടായി മാറിയ നിസാമുദ്ദീന്‍ പ്രദേശം അണുവിമുക്തമാക്കാന്‍ ഡല്‍ഹി ഫയര്‍ സര്‍വീസിനെ (ഡിഎഫ്എസ്) വിന്യസിച്ചു. നിസാമുദ്ദീന്‍ പ്രദേശത്തിന്റെ ചില ഭാഗങ്ങള്‍ അണുവിമുക്തമാക്കാന്‍ അധികൃതര്‍ ഡ്രോണുകള്‍ ഉപയോഗിച്ചു.

ഡല്‍ഹിയില്‍ ഇന്നലെ 32 പേര്‍ക്ക് കോവിഡ് സ്ഥിരീകരിച്ചിരുന്നു. അതില്‍ 29 പേരും പശ്ചിമ നിസാമുദ്ദീനിലെ തബ്‌ലീഗ് ജമാഅത്ത് മസ്ജിദിലെ സമ്മേളനത്തില്‍ പങ്കെടുത്തവരാണ്. സമ്മേളനത്തില്‍ പങ്കെടുത്തവരില്‍ ഏറ്റവും കൂടുതല്‍ പേര്‍ക്കു രോഗം സ്ഥിരീകരിച്ചത് തമിഴ്നാട്ടിലാണ്. തമിഴ്നാട്ടില്‍ ഇതുവരെ രോഗം സ്ഥിരീകരിച്ച 234 പേരില്‍ 190 പേരും നേരിട്ടോ അല്ലാതെയോ തബ്‌ലീഗ് സമ്മേളനവുമായി ബന്ധമുള്ളവരാണ്. രാജ്യത്തിന്റെ വിവിധ ഭാഗങ്ങളില്‍നിന്ന് സമ്മേളനത്തില്‍ പങ്കെടുത്ത കൂടുതല്‍ പേരെ കണ്ടെത്താനുളള ശ്രമം ഇനിയും തുടരുകയാണ്.

അതിനിടെ, സ്ഥിതിഗതികള്‍ ചര്‍ച്ച ചെയ്യാന്‍ പ്രധാനമന്ത്രി നരേന്ദ്ര മോദി വീഡിയോ കോണ്‍ഫറന്‍സ് വഴി മുഖ്യമന്ത്രിമാരുമായി ചര്‍ച്ച നടത്തി. മന്ത്രിമാരായ അമിത് ഷാ, രാജ്നാഥ് സിങ് എന്നിവരും മറ്റ് മുതിര്‍ന്ന ഉദ്യോഗസ്ഥരും പങ്കെടുത്തു.

Read Also: ഇൻഡോറിൽ ആരോഗ്യ പ്രവർത്തകർക്കുനേരെ ആക്രമണം; വീഡിയോ

21 ദിവസത്തെ ലോക്ക്ഡൗണ്‍ ആവശ്യമായിരിക്കാമെങ്കിലും ആസൂത്രിതമല്ലാതെ നടപ്പാക്കിയത് ദശലക്ഷക്കണക്കിനു കുടിയേറ്റ തൊഴിലാളികളെ ദോഷകരമായി ബാധിച്ചെന്നു കോണ്‍ഗ്രസ് അധ്യക്ഷ സോണിയ ഗാന്ധി പറഞ്ഞു. ദുരിതത്തിലായവരെ സഹായിക്കാന്‍ ‘പൊതു മിനിമം ദുരിതാശ്വാസ പദ്ധതി’ പ്രഖ്യാപിക്കണമെന്ന് അവര്‍ കേന്ദ്രസര്‍ക്കാരിനോട് ആവശ്യപ്പെട്ടു.

ആഗോളതലത്തില്‍ കോവിഡ്-19 ബാധിതരുടെ എണ്ണം 10 ലക്ഷത്തോളമാണ്, യുഎസ്, ഇറ്റലി, സ്‌പെയിന്‍, ചൈന എന്നിവിടങ്ങളിലാണ് ഏറ്റവും കൂടുതല്‍ രോഗബാധിതരുള്ളത്. മരണസംഖ്യ 47,000 ആയി ഉയര്‍ന്നു. ഇറ്റലി, സ്‌പെയിന്‍, ഫ്രാന്‍സ്, ചൈന, ഇറാന്‍ എന്നീ രാജ്യങ്ങളിലാണ് ഏറ്റവും കൂടുതല്‍ മരണം.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Icmr issues advisory for rapid antibody tests in hotspot areas

Next Story
ഇൻഡോറിൽ ആരോഗ്യ പ്രവർത്തകർക്കുനേരെ ആക്രമണം; വീഡിയോindore, ie malayalam
The moderation of comments is automated and not cleared manually by malayalam.indianexpress.com