ലക്നൗ: ബഹുജന്‍ സമാജ് പാര്‍ട്ടി നേതാവ് മായാവതിക്കെതിരെ അധിക്ഷേപ പരാമര്‍ശം നടത്തിയ ബിജെപി എംഎല്‍എ വിവാദത്തില്‍. സ്ത്രീത്വത്തിന് അപമാനമാണ് മായാവതിയെന്ന് പറഞ്ഞ ബിജെപി വനിതാ എംഎല്‍എ ബിഎസ്പി നേതാവ് അധികാരത്തിന് വേണ്ടി അന്തസ് വില്‍ക്കുകയാണെന്നും പറഞ്ഞു. യു.പിയിലെ മുഗള്‍സാരായില്‍ നിന്നുളള എംഎല്‍എ സാദനാ സിങ് ആണ് വിവാദ പ്രസംഗം നടത്തിയത്.

‘മായാവതിക്ക് സ്യം ബഹുമാനം ഇല്ല. അവര്‍ പീഡനത്തിന് ഇരയായത് പോലെ ആയിട്ടുണ്ട്. എന്നിട്ടും പ്രതികരിക്കുന്നില്ല. ദ്രൗപതി പീഡിപ്പിക്കപ്പെട്ടപ്പോള്‍ പ്രതികാരം ചെയ്യുമെന്ന് പ്രതിജ്ഞ എടുത്തു. പക്ഷെ ഈ സ്ത്രീ ഇപ്പോഴും അധികാരത്തിന് വേണ്ടി അന്തസ്സ് വില്‍ക്കുകയാണ്. അധികാരത്തിന് വേണ്ടി അപമാനം സ്വീകരിക്കുകയാണ് അവര്‍. അവര്‍ സ്ത്രിയുമല്ല പുരുഷനുമല്ല. കണ്ടാല്‍ ആര്‍ക്കും തിരിച്ചറിയാനാകില്ല. ഇവരെപ്പോലെയുള്ളവര്‍ മുഴുവന്‍ സ്ത്രീകള്‍ക്കും മാനക്കേടാണ്,’ സാദനാ സിങ് പറഞ്ഞു.

ബി.എസ്.പി, എസ്.പി സഖ്യം കണ്ട ബി.ജെ.പി യുടെ മാനസിക നില തെറ്റി എന്ന് സാദനാ സിങ്ങിനെ വിമര്‍ശിച്ച് ബി.എസ്.പി നേതാവ് എസ്.സി മിശ്ര പറഞ്ഞു. ‘ഞങ്ങളുടെ നേതാവിനെ കുറിച്ച്‌ സാധനാ സിങ്ങ് നടത്തിയ പ്രസ്താവനയില്‍ നിന്ന് തന്നെ ബി.ജെ.പിയുടെ നിലവാരം മനസ്സിലാക്കാം. ബി.എസ്.പി, എസ്.പി സഖ്യം കണ്ട ബി.ജെ.പി യുടെ മാനസിക നില തെറ്റി. അത് കൊണ്ടാണ് ഇങ്ങനെ വായില്‍ തോന്നിയത് മുഴുവന്‍ പറയുന്നത്. അവരെ ആഗ്രയിലേയോ ബരേലിയിലേയോ ഭ്രാന്താശുപത്രിയില്‍ കാണിക്കണം എന്നും എസ്.സി മിശ്ര പറഞ്ഞു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ