ജയ്പൂർ: രാജസ്ഥാൻ നിയമസഭാ സമ്മേളനത്തിന്റെ തിയതി പ്രഖ്യാപിച്ചതോടെ കുതിരക്കച്ചവടത്തിലെ വിലയും കൂടിയെന്ന് രാജസ്ഥാന്‍ മുഖ്യമന്ത്രി അശോക് ഗെഹ്‌ലോട്ട്. ഓഗസ്റ്റ് 14 നാണ് രാജസ്ഥാനില്‍ നിയമസഭാ സമ്മേളനം വിളിക്കാന്‍ ഗവര്‍ണര്‍ അനുമതി നല്‍കിയിരിക്കുന്നത്.

ബിഎസ്പി മേധാവി മായാവതി ബിജെപിയുടെ നിർദേശപ്രകാരമാണ് പ്രസ്താവനകൾ നടത്തുന്നതെന്നും അദ്ദേഹം ആരോപിച്ചു.

“ഇന്നലെ രാത്രി നിയമസഭാ സമ്മേളനം വിളിക്കാനുള്ള തിയതി ഗവർണർ പ്രഖ്യാപിച്ചശേഷം കുതിരക്കച്ചവടത്തിന്റെ വില കൂടിയിട്ടുണ്ട്. ആരാണ് വിളിക്കുന്നതെന്നും അവർ എന്താണ് വാഗ്ദാനം ചെയ്യുന്നതെന്നും ഞങ്ങൾക്ക് വാർത്തകൾ ലഭിക്കുന്നുണ്ട്. എത്ര വേണമെങ്കിലും തരാം എന്നാണ് അവർ ഇപ്പോൾ എംഎൽഎമാരോട് പറയുന്നത്,” അശോക് ഗെഹ്‌ലോട്ട് പറഞ്ഞു.

Read More: റഫാലിനെ സ്വാഗതം ചെയ്യുന്നു; പക്ഷേ, വിമാനം എന്തുകൊണ്ട് 1,670 കോടി രൂപയ്ക്ക് വാങ്ങിയെന്ന് കോൺഗ്രസ്

“ആദ്യം പത്ത് കോടിയാണ് വാഗ്ദാനം ചെയ്തത്. പിന്നീടത് 15 ആയി. ഇപ്പോൾ അതിന് പരിധിയില്ല എന്ന് കേൾക്കുമ്പോൾ നിങ്ങൾക്ക് അത്ഭുതം തോന്നും. 25 കോടിയ്ക്ക് മുകളിൽ ആണ് ഇപ്പോൾ കുതിരക്കച്ചവടത്തിന്റെ നിരക്ക്.”

“ഗവർണർ എന്നോട് യോജിച്ചതിൽ ഞാൻ സന്തുഷ്ടനാണ്,” എന്നാൽ 21 ദിവസത്തെ കണക്കെടുക്കുമ്പോൾ ഒരു നിയമസഭാ സമ്മേളനംൻ എത്രയും വേഗം വിളിക്കേണ്ടതിന്റെ ആവശ്യകതയെക്കുറിച്ച് ഗവർണറെ ബോധ്യപ്പെടുത്തുന്നതിനായി കത്തുകൾ കൈമാറ്റം ചെയ്ത ആഴ്ചകൾ കൂടി ഉൾപ്പെടുത്താൻ താൻ മിശ്രയോട് പറഞ്ഞിട്ടുണ്ടെന്നും അദ്ദേഹം പറഞ്ഞു.

കഴിഞ്ഞ വർഷം ആറ് ബി‌എസ്‌പി എം‌എൽ‌എമാരെ കോൺഗ്രസിൽ ലയിപ്പിച്ചതിനെത്തുടർന്ന് ഇത് നിയമവിരുദ്ധമാണെന്ന് പറഞ്ഞ് ബിഎസ്പി കോടതിയെ സമീപിച്ചിരിക്കുകയാണെന്ന് ഗെഹ്‌ലോട്ട് പറഞ്ഞു, “ബിജെപി നാല് ടിഡിപി എംപിമാരെ (കഴിഞ്ഞ വർഷം രാജ്യസഭയിൽ) ഒറ്റരാത്രികൊണ്ട് ലയിപ്പിച്ചു. ആ ലയനം ശരിയാണെങ്കിൽ ആറ് എം‌എൽ‌എമാർ രാജസ്ഥാനിൽ കോൺഗ്രസുമായി ലയിക്കുന്നത് തെറ്റാണോ? ” എല്ലാവരേയും ഭയപ്പെടുത്താനും ഭീഷണിപ്പെടുത്താനും ബിജെപിയുടെ നേതൃത്വത്തിലുള്ള കേന്ദ്രം ആദായനികുതി വകുപ്പ്, ഇഡി, സിബിഐ എന്നിവരെ ദുരുപയോഗം ചെയ്യുന്നുവെന്നും അദ്ദേഹം പറഞ്ഞു, “മായാവതി ജിയെ അവർ ഭയപ്പെടുത്തുകയും പ്രസ്താവനകൾ ഇറക്കാൻ നിർബന്ധിക്കുകയും ചെയ്യുന്നു.”

അതേസമയം നിയമസഭാ സമ്മേളനത്തില്‍ വിമത എം.എല്‍.എമാരും പങ്കെടുക്കണമെന്നാണ് ആഗ്രഹിക്കുന്നതെന്ന് ഗെലോട്ട് പറഞ്ഞു. അവരെല്ലാം കോണ്‍ഗ്രസ് ചിഹ്നത്തിലാണ് ജയിച്ചതെന്നും ഗെഹ്‌ലോട്ട് പറഞ്ഞു.

“കോണ്‍ഗ്രസ് ചിഹ്നത്തില്‍ ജയിച്ച അസംതൃപ്തരായ ആ വിമത എം.എല്‍.എമാരും നിയമസഭാ സമ്മേളനത്തില്‍ പങ്കെടുക്കണമെന്നാണ് ആഗ്രഹിക്കുന്നത്. അവര്‍ സര്‍ക്കാരിനൊപ്പമാണ് നില്‍ക്കുന്നത് എന്ന് എനിക്ക് ജനങ്ങള്‍ക്ക് മുന്നില്‍ ഉറപ്പുവരുത്തേണ്ടതുണ്ട്. അത് എന്റെ ഉത്തരവാദിത്വമാണ്,” ഗെഹ്‌ലോട്ട് പറഞ്ഞു.

Read More in English: Horse-trading rates have gone up since Rajasthan House session dates announced: CM Gehlot

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook