Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

ക്രിസ്‌മസ് ആഘോഷത്തില്‍ ഹൈന്ദവ കുട്ടികളെ പങ്കെടുപ്പിക്കരുതെന്ന് സംഘപരിവാർ സംഘടന

ഇത്തരത്തിലുള്ള ആഘോഷങ്ങളിലൂടെ ക്രിസ്ത്യൻ മതം പ്രചരിപ്പിക്കാനുള്ള ശ്രമങ്ങളാണ് സ്കൂളുകൾ നടത്തുന്നതെന്ന് ഹിന്ദു ജാഗരൺ മഞ്ച് പ്രവർത്തകർ

ലക്നൗ: ക്രിസ്‌മസ് ആഘോഷങ്ങളിൽ ഹൈന്ദവ കുട്ടികളെ പങ്കെടുപ്പിക്കരുതെന്ന് സംഘപരിവാർ സംഘടനയായ ഹിന്ദു ജാഗരൺ മഞ്ചിന്റെ മുന്നറിയിപ്പ്. ഹിന്ദു വിദ്യാർഥികളെ ക്രിസ്‌മസ് ആഘോഷങ്ങളിൽ പങ്കെടുപ്പിക്കരുതെന്നും, ഈ ആഘോഷങ്ങൾക്കായി കുട്ടികളിൽ നിന്ന് പണം പിരിക്കരുതെന്നും ചൂണ്ടിക്കാട്ടി ഹിന്ദു ജാഗരൺ മഞ്ച് പ്രവർത്തകർ ഉത്തർപ്രദേശിലെ സ്വകാര്യ സ്ക്കൂളുകൾക്ക് മുന്നറിയിപ്പ് നൽകി.

ഇത്തരത്തിലുള്ള ആഘോഷങ്ങളിലൂടെ ക്രിസ്ത്യൻ മതം പ്രചരിപ്പിക്കുന്നത് തടയുന്നതിനായാണ് ഈ മുന്നറിയിപ്പെന്നാണ് സംഘടന പ്രവർത്തകരുടെ വിശദീകരണം. മുന്നറിയിപ്പ് അവഗണിച്ചാൽ വലിയ പ്രത്യാഘാതം നേരിടേണ്ടിവരുമെന്നും ഹിന്ദു ജാഗരൺ പ്രവർത്തകർ മുന്നറിയിപ്പ് നൽകിയിട്ടുണ്ട്.

ക്രിസ്‌മസ് ആഘോഷിക്കുന്നതിൽ തങ്ങൾക്ക് എതിർപ്പില്ലെന്നും ഹിന്ദുക്കളിൽ നിന്ന് നിർബന്ധിച്ച് പിരിവ് വാങ്ങരുതെന്നാണ് ഞങ്ങളുടെ ആവശ്യം. ഇക്കാര്യം സ്കൂളുകളിലെ പ്രധാന അധ്യാപകനേയും മാനേജ്മെന്റിനേയും വാക്കാലും കത്തിലൂടെയും അറിയിച്ചിട്ടുണ്ട്. ജില്ലാ യൂണിറ്റുകളോട് ഇങ്ങനെ പരിപാടികൾ നടത്തുന്ന സ്കൂളുകളുടെ കണക്ക് തയ്യാറാക്കാൻ ആവശ്യപ്പെട്ടിട്ടുണ്ടെന്നും ഹിന്ദു ജാഗരൺ മഞ്ച് സംസ്ഥാന അധ്യക്ഷൻ വിജയ് ബഹദൂർ പറഞ്ഞു.

സ്കൂളുകളിലെ ഭൂരിഭാഗം കുട്ടികളും ഹിന്ദുക്കളാണെന്നും ഇവരിൽ നിന്ന് പണം പിരിച്ച് മാനേജ്മെന്റ് കൊള്ള ലാഭം ഉണ്ടാക്കുകയാണെന്നും വിജയ് ബഹദൂർ ആരോപിച്ചു. മതപരിവർത്തനം നടത്താനുള്ള നീക്കമാണ് ഇതിന് പിന്നിലെന്നും ഇത് തടയുമെന്നും അദ്ദേഹം പ്രതികരിച്ചു.

എന്നാൽ ഇത്തരത്തിലൊരു ഭീഷണി ഉള്ളതായി തങ്ങൾക്ക് അറിയില്ലെന്ന് ഉത്തർപ്രദേശ് സർക്കാർ പ്രതികരിച്ചു. ആഭ്യന്തര സെക്രട്ടറി അരവിന്ദ് കുമാറാണ് ഈ ഭീഷണി സംബന്ധിച്ച് തങ്ങൾക്ക് യാതൊരു സൂചനയും ലഭിച്ചിട്ടില്ലെന്ന് പ്രതികരിച്ചത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Hindu jagran manch warns up private schools dont ask hindus to pay for xmas celebrations

Next Story
അമേരിക്കയിൽ ബുളളറ്റ് ട്രെയിൻ ഉദ്ഘാടന ദിവസം പാളം തെറ്റി; നിരവധി മരണം
The moderation of comments is automated and not cleared manually by malayalam.indianexpress.com