scorecardresearch
Latest News

കോൺഗ്രസ് എംഎൽഎമാർ ബിജെപിയിലേക്ക് ചേക്കേറുമെന്ന് അഭ്യൂഹങ്ങൾ, ഗോവയിൽ നാടകീയ രംഗങ്ങൾ

ഞായറാഴ്ച ഉച്ചയോടെ, റാവുവുമായുള്ള കൂടിക്കാഴ്ചയ്ക്കായി കോൺഗ്രസ് എം‌എൽ‌എമാർ മാർഗാവോ ഹോട്ടലിലേക്ക് പോകുന്നുവെന്ന വിവരം പുറത്തുവന്നതോടെ, എട്ട് എം‌എൽ‌എമാർ ബി‌ജെ‌പിയിലേക്ക് മാറുമെന്ന അഭ്യൂഹം ഉയർന്നു. 11 എംഎൽഎമാരിൽ മൂന്ന് പേർ മാത്രമാണ് ഹോട്ടലിൽ എത്തിയതെന്നതാണ് ഊഹാപോഹങ്ങൾക്ക് ആക്കം കൂട്ടിയത്

കോൺഗ്രസ് എംഎൽഎമാർ ബിജെപിയിലേക്ക് ചേക്കേറുമെന്ന് അഭ്യൂഹങ്ങൾ, ഗോവയിൽ നാടകീയ രംഗങ്ങൾ

ഗോവയിൽ കോൺഗ്രസ് നേതൃത്വം കടുത്ത ആശങ്കയിൽ. കൂടുതൽ കോൺഗ്രസ് എംഎൽഎമാർ കൂറുമാറിയേക്കുമെന്ന സൂചനയാണ് പാർട്ടി നേതൃത്വത്തിന് തലവേദനയാകുന്നത്. ഗോവയില്‍ ആകെയുള്ള 11 എംഎൽഎമാരിൽ 6 പേർ ബിജെപി പാളയത്തിലേക്ക് എത്തുമെന്നാണ് വിവരം.

കൃത്യം മൂന്ന് വർഷത്തിന് ശേഷം, അതിന്റെ മൂന്നിൽ രണ്ട് എം‌എൽ‌എമാരും ബി‌ജെ‌പിയിലേക്ക് പോയി, സമാനമായ കൂറുമാറ്റത്തെക്കുറിച്ചുള്ള വാർത്തകൾ “അഭ്യൂഹങ്ങൾ” എന്ന് പറഞ്ഞാണ് കോൺഗ്രസ് തള്ളിക്കളഞ്ഞത്. 40 അംഗ ഗോവ നിയമസഭയിൽ തങ്ങളുടെ ചില എം‌എൽ‌എമാർ പാർട്ടി വിട്ട് ബിജെപിയേക്ക് പോകുമെന്ന ഊഹാപോഹങ്ങൾ പ്രചരിച്ച സമയത്താണ് ഞായറാഴ്ച, കോൺഗ്രസ് തങ്ങളുടെ എം‌എൽ‌എമാരെ മർ‌ഗോവിലെ ഒരു ഹോട്ടലിലേക്ക് മാറ്റിയത്.

എഐസിസി ഗോവയുടെ ചുമതലയുള്ള ദിനേശ് ഗുണ്ടു റാവു കോൺഗ്രസ് എംഎൽഎമാരുമായി നടത്തിയ ചർച്ചയുടെ രണ്ടാം ദിവസമായിരുന്നു ഞായറാഴ്ച. ശനിയാഴ്ച, കോൺഗ്രസിന്റെ 11 എം‌എൽ‌എമാർ പനജിയിൽ റാവുവിനെ കണ്ടിരുന്നു. തിങ്കളാഴ്ച ആരംഭിക്കുന്ന നിയമസഭാ സമ്മേളനത്തിന് മുന്നോടിയായി എട്ട് എം‌എൽ‌എമാർ പാർട്ടിയിൽ ഭദ്രമാണെന്ന് തറപ്പിച്ചുപറഞ്ഞു. എംഎൽഎമാർ കൂറുമായതുമായി ബന്ധപ്പെട്ട കിംവദന്തികൾ നിരസിച്ചു.

എങ്കിലും, ഞായറാഴ്ച ഉച്ചയോടെ, റാവുവുമായുള്ള കൂടിക്കാഴ്ചയ്ക്കായി കോൺഗ്രസ് എം‌എൽ‌എമാർ മാർഗാവോ ഹോട്ടലിലേക്ക് പോകുന്നുവെന്ന വിവരം പുറത്തുവന്നതോടെ, എട്ട് എം‌എൽ‌എമാർ ബി‌ജെ‌പിയിലേക്ക് മാറുമെന്ന അഭ്യൂഹം ഉയർന്നു. 11 എംഎൽഎമാരിൽ മൂന്ന് പേർ മാത്രമാണ് ഹോട്ടലിൽ എത്തിയതെന്നതാണ് ഊഹാപോഹങ്ങൾക്ക് ആക്കം കൂട്ടിയത്. എന്നാൽ വൈകുന്നേരത്തോടെ ആ എണ്ണം ഏഴായി ഉയർന്നു. മുതിർന്ന നിയമസഭാംഗവും മുൻ മുഖ്യമന്ത്രിയുമായ ദിഗംബർ കാമത്തുമായി കോൺഗ്രസ് നേതാക്കൾ അദ്ദേഹത്തിന്റെ വസതിയിൽ കൂടിക്കാഴ്ച നടത്തി.

ചൂടുപിടിച്ച ഈ ഊഹാപോഹങ്ങൾക്കിടയിൽ, ഗോവ നിയമസഭയ്ക്ക് പുറത്ത് നിയമസഭാ സ്പീക്കർ രമേഷ് തവാദ്കർ ഓഫീസിലും ചില നാടകീയ രംഗങ്ങൾ അരങ്ങേറി. തിങ്കളാഴ്ച ആരംഭിക്കുന്ന രണ്ടാഴ്ചത്തെ മൺസൂൺ സമ്മേളനത്തിന് തയ്യാറെടുക്കാൻ വാരാന്ത്യത്തിൽ താൻ നിയമസഭയിലുണ്ടെന്ന് അദ്ദേഹം പറഞ്ഞു. എന്നാൽ, നിമിഷങ്ങൾക്കകം, നിയമസഭാ ഡെപ്യൂട്ടി സ്പീക്കർ തിരഞ്ഞെടുപ്പിന് ജൂലൈ 12 ന് നിശ്ചയിച്ചിരുന്ന ജൂലൈ 8 ലെ വിജ്ഞാപനം പിൻവലിക്കാൻ നിയമസഭാ സെക്രട്ടറി നമ്രത ഉൽമാൻ വിജ്ഞാപനം പുറപ്പെടുവിച്ചു. മേൽപ്പറഞ്ഞ തിരഞ്ഞെടുപ്പിൽ നാമനിർദ്ദേശങ്ങൾ സ്വീകരിക്കുന്നതല്ലെന്ന് വിജ്ഞാപനത്തിൽ പറയുന്നു.

ഡെപ്യൂട്ടി സ്പീക്കർ സ്ഥാനത്തേക്ക് മപുസ എംഎൽഎ ജോഷ്വ ഡിസൂസയെ മത്സരിപ്പിക്കാൻ നേരത്തെ തീരുമാനിച്ചിരുന്ന ബിജെപിക്ക് ഇപ്പോൾ കൂറുമാറിയവരുമായി വീണ്ടും ചർച്ച നടത്തേണ്ടി വന്നേക്കുമെന്ന അഭ്യൂഹങ്ങൾക്ക് വിജ്ഞാപനം പിൻവലിച്ചത് ആക്കം കൂട്ടി.

കൂറുമാറ്റങ്ങളെക്കുറിച്ചുള്ള വാർത്തകൾ ബിജെപി സൃഷ്ടിച്ച കിംവദന്തികളാണെന്ന് ഗോവ പ്രദേശ് കോൺഗ്രസ് കമ്മിറ്റി (ജിപിസിസി) അധ്യക്ഷൻ അമിത് പട്കർ തള്ളി. ബിജെപി മഹാരാഷ്ട്രയിൽ എന്താണ് ചെയ്തതെന്ന് നോക്കൂ. അവർക്ക് പ്രതിപക്ഷം വേണ്ട. അവർ എപ്പോഴും പിളർത്താൻ ശ്രമിക്കുന്നു (പ്രതിപക്ഷ കക്ഷികൾ). ദേശീയതലത്തിൽ, ബിജെപിയെ നേരിടാൻ കഴിയുന്ന ഒരേയൊരു പാർട്ടി കോൺഗ്രസാണ്, അതുകൊണ്ടാണ് അവർ കോൺഗ്രസിനെ ലക്ഷ്യമിടുന്നത്,” അദ്ദേഹം പറഞ്ഞു.

റാവുവുമായുള്ള കൂടിക്കാഴ്ചയ്ക്ക് ഏഴ് എംഎൽഎമാർ എത്തിയതോടെ മറ്റുള്ളവരും തങ്ങൾക്കൊപ്പം ചേരുമെന്ന് പട്കർ പറഞ്ഞു. കോൺഗ്രസ് എംഎൽഎയും പ്രതിപക്ഷ നേതാവ് മൈക്കിൾ ലോബോയുടെ ഭാര്യയുമായ ദെലീല ലോബോയ്ക്ക് സിയോലിമിൽ നിന്ന് മർഗോവിലേക്ക് വളരെ ദൂരം സഞ്ചരിക്കേണ്ടിവരുമെന്നതിനാൽ വരരുതെന്ന് പറഞ്ഞതായി അദ്ദേഹം പറഞ്ഞു.

മുഖ്യമന്ത്രി പ്രമോദ് സാവന്തിന്റെ നേതൃത്വത്തിലുള്ള മുൻ ബിജെപി സർക്കാരിലെ മുൻ മന്ത്രി കൂടിയായ ലോബോ ഞായറാഴ്ച രാവിലെ ഇന്ത്യൻ എക്‌സ്പ്രസിനോട് പറഞ്ഞു, “ആരും എന്നെ സമീപിച്ചിട്ടില്ല, കൂറുമാറ്റത്തെക്കുറിച്ച് ഒരു ചിന്തയുമില്ല.”

മൂന്ന് വർഷം മുമ്പ്, 2019 ജൂലൈ 10 ന്, ഗോവയിൽ 15 നിയമസഭാംഗങ്ങളിൽ 10 പേർ ബിജെപിയിലേക്ക് കൂറുമാറിയപ്പോൾ കോൺഗ്രസിന് വലിയ തിരിച്ചടി നേരിട്ടു. ഈ സംഭവമാണ് ഗോവയിലെ നിയമസഭാ തിരഞ്ഞെടുപ്പിന് മുന്നോടിയായി തങ്ങളുടെ 37 തിരഞ്ഞെടുപ്പ് സ്ഥാനാർത്ഥികളെ ‘വിശ്വസ്തതയുടെ പ്രതിജ്ഞ’ എടുക്കാൻ കോൺഗ്രസിനെ പ്രേരിപ്പിച്ചത്. ക്ഷേത്രത്തിലും പള്ളിയിലും ദർഗയിലും ചെയ്ത പ്രതിജ്ഞകൾക്ക് പുറമേ, സ്ഥാനാർത്ഥികൾ തങ്ങൾ എം‌എൽ‌എമാരായാൽ അഞ്ച് വർഷത്തേക്ക് കോൺഗ്രസിൽ തുടരുമെന്ന് പ്രഖ്യാപിക്കുന്ന സത്യവാങ്മൂലത്തിലും ഒപ്പുവച്ചു.

“ഞങ്ങളുടെ 11 എംഎൽഎമാരിൽ എട്ട് പേർ പുതിയവരാണ്, ഞാൻ ഇത് ആവർത്തിച്ച് പറഞ്ഞിട്ടുണ്ട്. ഞങ്ങളുടെ പുതിയ എംഎൽഎമാരാരും എവിടെയും പോകില്ല. പാർട്ടി പിളരാൻ പോകുന്നു എന്ന തെറ്റായ സന്ദേശം ജനങ്ങളിൽ എത്തിക്കാനാണ് അഭ്യൂഹങ്ങൾ പരത്തുന്നത്,” പട്കർ പറഞ്ഞു.

മുൻ മുഖ്യമന്ത്രി കാമത്തും ലോബോയും ബി.ജെ.പി നോട്ടമിടുന്ന എട്ട് എംഎൽഎമാരുടെ ഭാഗമാണെന്ന് ഊഹാപോഹങ്ങൾ പ്രചരിച്ചിരുന്നു. 2024ലെ ലോക്‌സഭാ തിരഞ്ഞെടുപ്പിന് ദക്ഷിണ ഗോവയിൽ ബിജെപി അടിത്തറ പാകിയേക്കുമെന്ന് രാഷ്ട്രീയ നിരീക്ഷകർ പറഞ്ഞു. ഗോവയിലെ രണ്ട് പാർലമെന്റ് സീറ്റുകളിൽ 2019ൽ ദക്ഷിണ ഗോവയിൽ ബിജെപി കോൺഗ്രസിനോട് തോറ്റിരുന്നു. ദക്ഷിണ ഗോവയിൽ കോൺഗ്രസിന് അഞ്ച് എംഎൽഎമാരാണുള്ളത്.

“ഇതിനെക്കുറിച്ച് ഞങ്ങൾക്ക് ഒരു വിവരവും ലഭിച്ചിട്ടില്ല (കോൺഗ്രസ് എംഎൽഎമാർ ബിജെപിയിൽ ചേരുന്നു). ഞങ്ങൾ ഈ കാര്യങ്ങളിലൊന്നും ഉൾപ്പെട്ടിട്ടില്ല. ആരും ഞങ്ങളുടെ അടുത്ത് വന്നിട്ടില്ല, അവർ വരുമ്പോൾ ഞങ്ങൾ എല്ലാവരേയും അറിയിക്കും,” ഗോവ ബിജെപി അധ്യക്ഷൻ സദാനന്ദ് തനവാഡെ പറഞ്ഞു.

കോൺഗ്രസിൽ നിന്നുള്ള കൂറുമാറ്റങ്ങൾക്കായി ബിജെപിയുടെ വാതിലുകൾ തുറന്നിട്ടുണ്ടോ എന്ന ചോദ്യത്തിന്, “രാഷ്ട്രീയമായി, ഒരു പാർട്ടി എപ്പോഴും അതിന്റെ വാതിലുകൾ തുറന്നിടണം. നമുക്ക് അവ എങ്ങനെ അടച്ചിടാനാകും? ” എന്നായിരുന്നു അദ്ദേഹത്തിന്റെ മറുപടി.

Stay updated with the latest news headlines and all the latest News news download Indian Express Malayalam App.

Web Title: High drama in goa amid talk of cong mlas walking over to bjp

Best of Express