മുംബൈ: കനത്ത മഴയെ തുടര്ന്ന് മുംബൈയില് മരിച്ചവരുടെ എണ്ണം 27 ആയി. മലാദില് വെളളക്കെട്ടിലേക്ക് എസ്.യു.വി വീണ് വാഹനത്തില് കുടുങ്ങി രണ്ട് പേര് മരിച്ചു. ഇര്ഫാന് ഖാന് (37), ഗുല്ഷാദ് ഷൈഖ് (38) എന്നിവരാണ് മരിച്ചത്. വെളളം കയറിയതോടെ സ്കോര്പിയോ വാഹനത്തിനകത്ത് ഇരുവരും കുടുങ്ങിപ്പോവുകയായിരുന്നു.
മുംബൈയില് അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി. സ്കൂളുകൾക്കും കോളേജുകൾക്കും അവധിയായിരിക്കും. പരീക്ഷകള് മാറ്റി വച്ചിട്ടുണ്ട്. ജനങ്ങളോട് പുറത്തിറങ്ങരുതെന്ന് മുന്നറിയിപ്പ് നല്കിയിട്ടുണ്ട്. നഗരത്തില് പലയിടത്തും ഗതാഗതം താറുമാറായി. അതിരൂക്ഷമായ വെള്ളക്കെട്ടാണ് റോഡുകളില്.
ശക്തമായ മഴയെ തുടര്ന്ന് മുംബൈ വിമാനത്താവളം അടച്ചു. ഇന്നലെ രാത്രി സ്പൈസ് ജെറ്റ് വിമാനം റണ്വേയിൽ നിന്ന് തെന്നി നീങ്ങിയിരുന്നു. ഇന്നലെ രാത്രി 11.45 ഓടെയായിരുന്നു സംഭവം. 54 വിമാനങ്ങള് ഇതേത്തുടര്ന്ന് തിരിച്ചുവിട്ടു. ആഭ്യന്തര വിമാന സര്വീസുകൾ റദ്ദാക്കിയിട്ടുണ്ട്.
Rainwater rushed inside this cab. The driver trying to get help to move it. Right now at kalpana talkies, LBS Marg, #Kurla #mumbai #MumbaiRainsLiveUpdates #MumbaiRainsLive @IndianExpress pic.twitter.com/KCMTaM66Nd
— Kavitha Iyer (@iyerkavi) July 2, 2019
മുംബൈയിൽ മതിൽ ഇടിഞ്ഞുവീണുണ്ടായ അപകടത്തിൽ മരണസംഖ്യ 21 ആയി. മഹാരാഷ്ട്രയിലെ മലാദ് പ്രദേശത്താണ് ഇന്ന് മതില് ഇടിഞ്ഞുവീണ് അപകടം ഉണ്ടായത്. മലാദയിലെ പിംപ്രിപാഡ മേഖലയില് മതില് തകര്ന്നുവീഴുകയായിരുന്നു. പരുക്കേറ്റവരെ ആശുപത്രിയില് പ്രവേശിപ്പിച്ചു. നിരവധി പേര് മതില് തകര്ന്നുവീണ അവശിഷ്ടങ്ങള്ക്കിടയില് പെട്ടിട്ടുള്ളതായാണ് റിപ്പോര്ട്ട്. രക്ഷാപ്രവര്ത്തനങ്ങള് പുരോഗമിക്കുകയാണ്. ദേശീയ ദുരന്ത നിവാരണ സേന സ്ഥലത്തെത്തി രക്ഷാപ്രവര്ത്തനം നടത്തുന്നുണ്ട്. നാല് പേരെ രക്ഷപ്പെടുത്തി.
Here’s where LBS Marg #Kurla floods every year, this is 10 mins back. Near Kalpana Talkies. Traffic at a complete halt. Not even trucks and buses can traverse this stretch. #MumbaiRainsLive #MumbaiRains #MumbaiRainsLiveUpdates @IndianExpress pic.twitter.com/8nJ7bP36YL
— Kavitha Iyer (@iyerkavi) July 2, 2019
കനത്ത മഴ തുടരുന്നതിനെത്തുടർന്ന് മുംബൈയിൽ നിന്നുള്ള 54 വിമാനങ്ങൾ റദ്ദാക്കി. നഗരത്തില് പലയിടത്തും ഗതാഗതം താറുമാറായി. അതിരൂക്ഷമായ വെള്ളക്കെട്ടാണ് റോഡുകളില്. നഗരത്തിലെ താഴ്ന്ന പ്രദേശങ്ങളെല്ലാം വെള്ളത്തിനടിയിലാണ്. മഴ തുടരുന്ന സാഹചര്യത്തില് ജനങ്ങള് ജാഗ്രത പാലിക്കണമെന്ന് മുന്നറിയിപ്പ് നല്കിയിട്ടുണ്ട്.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook