ജിഎസ്ടി : സ്വർണ്ണത്തിന് മൂന്ന് ശതമാനം നികുതി , ബീഡിക്ക് 28 ശതമാനം

ന്യൂഡൽഹി: സ്വ​ർ​ണ​ത്തി​ന് മൂ​ന്ന് ശ​ത​മാ​നം നി​കു​തി ചു​മ​ത്താ​ൻ ജി​എ​സ്ടി യോ​ഗ​ത്തി​ൽ ധാ​ര​ണ. നി​ല​വി​ൽ സ്വ​ർ​ണ​ത്തി​ന് ര​ണ്ടു ശ​ത​മാ​നം നി​കു​തി​യാ​ണു​ള്ള​ത്. ഒ​രു ശ​ത​മാ​നം തീ​രു​വ​യും ഒ​രു ശ​ത​മാ​നം വാ​റ്റും. 3 ശതമാനം നികുതി ചുമത്തുമ്പോൾ സ്വർണ്ണത്തിന് വിലവർധിക്കുമെന്ന് ഉറപ്പായി. ജി.എസ്​.ടി കൗൺസിൽ മീറ്റിങിന്​ ശേഷം കേന്ദ്രധനകാര്യ മന്ത്രി അരുൺ ജെയ്​റ്റ്​ലിയാണ്​ ഇക്കാര്യം അറിയിച്ചത്​.

ബീഡി ,സിഗരറ്റ് എന്നിവയ്ക്ക് 28 ശതമാനം നികുതി വർധിപ്പാക്കാനും ധാരണ ആയിട്ടുണ്ട്. ബീ​ഡി ഇ​ല​യ്ക്ക് 18 ശ​ത​മാ​നം നി​കു​തി​യും ഈ​ടാ​ക്കും . ചെരുപ്പുകൾ, ബിസ്​ക്കറ്റ്​, ടെക്​സ്​റ്റെയിൽ ഉൽപന്നങ്ങൾ എന്നിവ യുടെ നികുതി സംബന്ധിച്ചും​ തീരുമാനമായിട്ടുണ്ട്. 500 രൂപയിൽ താഴെയുള്ള ചെരുപ്പിന്​ 5 ശതമാനവും ഇതിൽ കൂടുതൽ വിലയുള്ളതിന്​ 18 ശതമാനവും നികുതി ചുമത്തും. കോട്ടൺ തുണിത്തരങ്ങൾക്ക്​ അഞ്ച്​ ശതമാനവും റെഡിമെയഡ്​ വസ്ത്രങ്ങൾക്ക്​ 12 ശതമാനവും നികുതി ചുമത്തും. ബിസ്​കറ്റിന്​ 18 ശതമാനമാണ്​ നികുതി.

ജിഎസ്‌ടി നടപ്പാക്കുന്നതോടെ സംസ്ഥാനത്തിന് 300 കോടിയുടെ അധിക വരുമാനം ഉണ്ടാകുമെന്ന് ധനമന്ത്രി തോമസ് ഐസക്ക് ദില്ലിയിൽ പറഞ്ഞു.