മ്യാൻമർ അതിർത്തിയിൽ സുരക്ഷാവേലി തീർക്കും; അതിർത്തിയിൽ നിരീക്ഷണം ശക്തമാക്കുമെന്ന് അമിത് ഷാ

സുരക്ഷയും നിരീക്ഷണവും ശക്തമാക്കുന്നതിനായി 1643 കിലോമീറ്റർ നീളമുള്ള ഇന്ത്യ-മ്യാൻമർ അതിർത്തിയിൽ സുരക്ഷാ വേലി നിർമിക്കാൻ സർക്കാർ തീരുമാനിച്ചതായി കേന്ദ്ര ആഭ്യന്തര മന്ത്രി അമിത് ഷാ.  അഭേദ്യമായ അതിർത്തികൾ നിർമ്മിക്കാൻ പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സർക്കാർ പ്രതിജ്ഞാബദ്ധമാണെന്ന് അമിത് ഷാ തന്റെ എക്‌സ് പോസ്റ്റിൽ പറഞ്ഞു. 1643 കിലോമീറ്റർ നീളമുള്ള ഇന്ത്യ-മ്യാൻമർ അതിർത്തിയിൽ വേലി നിർമിക്കാൻ തീരുമാനിച്ചിട്ടുണ്ട്. മികച്ച നിരീക്ഷണം സുഗമമാക്കുന്നതിന്, അതിർത്തിയിൽ ഒരു പട്രോളിംഗ് ട്രാക്കും സ്ഥാപിക്കുമെന്നും ഷാ വ്യക്തമാക്കി. 

“മൊത്തം അതിർത്തി ദൈർഘ്യത്തിൽ, മണിപ്പൂരിലെ മോറെയിൽ 10 കിലോമീറ്റർ ദൂരം ഇതിനകം വേലി കെട്ടിക്കഴിഞ്ഞു. കൂടാതെ, ഹൈബ്രിഡ് സർവൈലൻസ് സിസ്റ്റം (എച്ച്എസ്എസ്) മുഖേനയുള്ള ഫെൻസിംഗിന്റെ രണ്ട് പൈലറ്റ് പ്രോജക്ടുകൾ നടപ്പിലാക്കിക്കൊണ്ടിരിക്കുകയാണ്. അരുണാചൽ പ്രദേശിലും മണിപ്പൂരിലും ഒരു കിലോമീറ്റർ വീതം വേലി കെട്ടും. കൂടാതെ, മണിപ്പൂരിൽ ഏകദേശം 20 കിലോമീറ്റർ ചുറ്റളവിലുള്ള വേലി നിർമ്മാണത്തിനും അനുമതി ലഭിച്ചു, പ്രവൃത്തി ഉടൻ ആരംഭിക്കും, ”അദ്ദേഹം കൂട്ടിച്ചേർത്തു.

ഇന്ത്യ-മ്യാൻമർ അതിർത്തിയിൽ മുഴുവൻ നൂതന സ്മാർട്ട് ഫെൻസിങ് സംവിധാനത്തിനുള്ള ടെൻഡർ ആരംഭിക്കാൻ കേന്ദ്രം തീരുമാനിച്ചതായി ജനുവരിയിൽ തന്നെ  ഇന്ത്യൻ എക്സ്പ്രസ് റിപ്പോർട്ട് ചെയ്തിരുന്നു. "ഇന്തോ-മ്യാൻമർ അതിർത്തിയിലെ ഫ്രീ മൂവ്‌മെന്റ് ഭരണം (എഫ്എംആർ) ഞങ്ങൾ ഉടൻ അവസാനിപ്പിക്കാൻ പോകുന്നു. മുഴുവൻ അതിർത്തിയിലും ഞങ്ങൾ വേലി സ്ഥാപിക്കാൻ പോകുന്നു. അടുത്ത നാലര വർഷത്തിനുള്ളിൽ ഫെൻസിങ് പൂർത്തിയാകും. ഇതുവഴി വരുന്ന ആർക്കും വിസ ലഭിക്കേണ്ടതുണ്ട്, ”ഉറവിടം പറഞ്ഞു.

കഴിഞ്ഞ വർഷം സെപ്റ്റംബറിൽ മണിപ്പൂർ മുഖ്യമന്ത്രി എൻ ബിരേൻ സിംഗ്, "അനധികൃത കുടിയേറ്റം" തടയുന്നതിനായി ഇന്ത്യ-മ്യാൻമർ അതിർത്തിയിൽ എഫ്എംആർ സ്ഥിരമായി അവസാനിപ്പിക്കണമെന്ന് കേന്ദ്രത്തോട് ആവശ്യപ്പെട്ടിരുന്നു. ദേശീയ പൗരത്വ രജിസ്റ്ററിനും മ്യാൻമറുമായുള്ള അതിർത്തിയിൽ വേലി കെട്ടുന്നതിനും സംസ്ഥാനം പ്രവർത്തിക്കുന്നുണ്ടെന്നും അദ്ദേഹം വ്യക്തമാക്കിയിരുന്നു. മണിപ്പൂർ മ്യാൻമറുമായി 390 കിലോമീറ്റർ  അതിർത്തി പങ്കിടുന്നു, അതിൽ ഏകദേശം 10 കിലോമീറ്റർ മാത്രമേ വേലി കെട്ടിയിട്ടുള്ളൂ.

മിസോറാം, മണിപ്പൂർ, നാഗാലാൻഡ്, അരുണാചൽ പ്രദേശ് എന്നീ നാല് സംസ്ഥാനങ്ങളിലായി 1,643 കിലോമീറ്ററാണ് ഇന്ത്യയും മ്യാൻമറും തമ്മിലുള്ള അതിർത്തി. അതിർത്തിയിൽ താമസിക്കുന്ന ഗോത്രവർഗക്കാർക്ക് വിസയില്ലാതെ 16 കിലോമീറ്റർ വരെ മറ്റ് രാജ്യത്തിനുള്ളിൽ സഞ്ചരിക്കാൻ അനുവദിക്കുന്ന ഇരു രാജ്യങ്ങളും തമ്മിലുള്ള പരസ്പര സമ്മതത്തോടെയുള്ള ക്രമീകരണമാണ് എഫ്എംആർ. എഫ്എംആറിന് കീഴിൽ, ഇന്ത്യയിലെ പൗരനോ മ്യാൻമറിലെ പൗരനോ, അതിർത്തിയുടെ ഇരുവശത്തുമുള്ള 16 കിലോമീറ്റർ ചുറ്റളവിലുള്ള ഏതെങ്കിലും പ്രദേശത്ത് താമസിക്കുന്ന മലയോര ഗോത്രങ്ങളിലെ ഓരോ അംഗത്തിനും ഒരാളുമായി അതിർത്തി കടക്കാൻ കഴിയും.

Read More

• 'ബിജെപിക്ക് നായകളോടുള്ള പ്രശ്നം മനസ്സിലാകുന്നില്ല': ബിസ്‌ക്കറ്റ് വീഡിയോ വിവാദത്തിൽ പ്രതികരിച്ച് രാഹുൽ ഗാന്ധി
• ലിവിങ് ടുഗെതർ ബന്ധങ്ങൾക്ക് പൂട്ടിട്ട് ഉത്തരാഖണ്ഡ്; ഏക സിവിൽ കോഡിലെ പ്രധാന നിർദ്ദേശങ്ങൾ അറിയാം
• രാജ്യത്ത് വൻകിട പരീക്ഷാത്തട്ടിപ്പ്; തിരിച്ചടിയേറ്റത് 15 സംസ്ഥാനങ്ങളിലെ 1.4 കോടി ഉദ്യോഗാർത്ഥികൾക്ക്
• ലോക്സഭ തിരഞ്ഞെടുപ്പ് അരികെ; മോദി എന്തുകൊണ്ടാണ് സഭാ പ്രസംഗത്തിൽ കോൺഗ്രസിനെ മാത്രം ലക്ഷ്യമിടുന്നത്?
• ബ്രിട്ടീഷ് രാജാവ് ചാൾസ് കാൻസർ ബാധിതൻ; പൊതുപരിപാടികളിൽ നിന്ന് വിട്ടുനിൽക്കും