scorecardresearch

കയറ്റുമതിയിലെ കുറവ്: അത്യാവശ്യമല്ലാത്ത വസ്തുക്കളുടെ നികുതി വര്‍ധിപ്പിക്കാന്‍ കേന്ദ്രം

2022-23 ബജറ്റിലാണ് ഉല്‍പ്പന്ന വിഭാഗങ്ങളില്‍ അവസാനമായി നികുതി വര്‍ദ്ധനവ് കൊണ്ടുവന്നത്.

കയറ്റുമതിയിലെ കുറവ്: അത്യാവശ്യമല്ലാത്ത വസ്തുക്കളുടെ നികുതി വര്‍ധിപ്പിക്കാന്‍ കേന്ദ്രം

ന്യൂഡല്‍ഹി: വ്യാപാര കമ്മിയുടെ പശ്ചാത്തലത്തില്‍ കയറ്റുമതിയിലെ കുറവ് ആശങ്കയ്ക്ക് കാരണമായ പശ്ചാത്തലത്തില്‍ അത്യാവശ്യമല്ലാത്ത വസ്തുക്കളുടെ ഇറക്കുമതി തീരുവ വര്‍ദ്ധിപ്പിക്കാന്‍ കേന്ദ്രം. ഇറക്കുമതി നിയന്ത്രിച്ച് രാജ്യത്ത് ഉല്‍പ്പാദന ശേഷിയുള്ള ഇനങ്ങള്‍ക്ക് മാത്രമായി നികുതി വര്‍ധനവ് പരിമിതപ്പെടുത്തി ഗ്രാനുലാര്‍ അടിസ്ഥാനത്തില്‍ ഇനങ്ങളുടെ പട്ടിക തിരഞ്ഞെടുക്കാനുള്ള ഒരുക്കത്തിലാണ് കേന്ദ്ര സാമ്പത്തിക മന്ത്രാലയങ്ങള്‍. ഒരേ ഹാര്‍മോണൈസ്ഡ് സിസ്റ്റം ഓഫ് നോമെന്‍ക്ലേച്ചര്‍ (എച്ച്എസ്എന്‍) കോഡിന് കീഴില്‍ വരുന്ന വിഭാഗങ്ങളിലെ ഇനങ്ങള്‍ക്ക് ഇത് ബാധകമായിരിക്കില്ല.

”ആവശ്യത്തിന് ഉല്‍പ്പാദന ശേഷിയുള്ള അവശ്യേതര ഇറക്കുമതികളിലേക്കാണ് ഞങ്ങള്‍ നോക്കുന്നത്. ആവശ്യത്തിന് ഉല്‍പ്പാദന ശേഷിയുള്ളതും ഉയര്‍ന്ന ഇറക്കുമതിക്ക് പകരം വയ്ക്കാവുന്നതുമായ അവശ്യേതര ഇനങ്ങളെ തിരിച്ചറിയുക എന്നതാണ്,” ലക്ഷ്യമെന്ന് ഒരു മുതിര്‍ന്ന സര്‍ക്കാര്‍ ഉദ്യോഗസ്ഥന്‍ ഇന്ത്യന്‍ എക്‌സ്പ്രസിനോട് പറഞ്ഞു.

നിലവിലെ രൂപത്തില്‍, ആറോ എട്ടോ അക്ക വര്‍ഗ്ഗീകരണ തലങ്ങളില്‍ പോലും, എച്ച്എസ്എന്‍ കോഡുകള്‍ വിശാലമായ ഇനങ്ങളെ ഉള്‍ക്കൊള്ളുന്നതായി കാണുന്നു. ഉദാഹരണത്തിന്, സ്റ്റീല്‍, അലോയ്, സെറാമിക്‌സ് എന്നിവയുള്‍പ്പെടെ സൈക്കിള്‍ ഹബ്ബുകള്‍ക്ക് വ്യത്യസ്ത തരം മെറ്റീരിയലുകള്‍ ഉണ്ട്, എന്നാല്‍ എല്ലാ സൈക്കിള്‍ ഹബുകളും ഒരേ എച്ച്എസ്എന്‍ കോഡിന് കീഴിലാണ് വരുന്നത്.

എന്നാല്‍ ആഭ്യന്തരമായി അധിക ശേഷിയുള്ളതിനാല്‍ സ്റ്റീലിന് മാത്രം ഉയര്‍ന്ന ഇറക്കുമതി തീരുവ സര്‍ക്കാര്‍ പരിഗണിക്കുന്നതിനാല്‍ ഉയര്‍ന്ന ഇറക്കുമതി തീരുവ ബാധിക്കില്ലെന്ന് ഉറപ്പാക്കാന്‍ സൈക്കിള്‍ ഹബ്ബുകളുടെ മറ്റ് സാമഗ്രികളെ എച്ച്എസ്എന്‍ വിഭാഗത്തില്‍ നിന്ന് വേര്‍തിരിക്കുന്ന മാര്‍ഗങ്ങളെക്കുറിച്ച് ആലോചിക്കേണ്ടതുണ്ടെന്നും ഉദ്യോഗസ്ഥര്‍ വിശദീകരിച്ചു.

എല്‍ഇഡി ലൈറ്റുകളുടെ ഇറക്കുമതി നിയന്ത്രിക്കുന്നതിന്, സിംഗിള്‍ വയര്‍ എല്‍ഇഡി ലൈറ്റിന് മാത്രം ഉയര്‍ന്ന തീരുവ ചുമത്തുന്നത് സര്‍ക്കാര്‍ പരിഗണിച്ചേക്കാം, എന്നാല്‍ എല്‍ഇഡി ബള്‍ബുകള്‍ക്ക് ഉയര്‍ന്ന തീരുവ ചുമത്താന്‍ ഉദ്ദേശിക്കുന്നില്ല. എന്നാല്‍ വ്യത്യസ്ത തരം എല്‍ഇഡി ലൈറ്റുകളെ വേര്‍തിരിക്കേണ്ടതുണ്ട്.

2022-23 ബജറ്റിലാണ് ഉല്‍പ്പന്ന വിഭാഗങ്ങളില്‍ അവസാനമായി നികുതി വര്‍ദ്ധനവ് കൊണ്ടുവന്നത്. കുടകള്‍, ഹെഡ്ഫോണുകള്‍, ഇയര്‍ഫോണുകള്‍, ലൗഡ്സ്പീക്കറുകള്‍, സ്മാര്‍ട്ട് മീറ്ററുകള്‍, ഇമിറ്റേഷന്‍ ആഭരണങ്ങള്‍ തുടങ്ങിയ നിത്യോപയോഗ സാധനങ്ങള്‍ക്ക് ഉയര്‍ന്ന കസ്റ്റം തീരുവ ഏര്‍പ്പെടുത്തി. ഈ ഉല്‍പ്പന്നങ്ങളില്‍ ഭൂരിഭാഗവും ചൈനയില്‍ നിന്ന് ഇറക്കുമതി ചെയ്യുന്നവയാണ്, ഒന്നുകില്‍ പൂര്‍ണ്ണമായ യൂണിറ്റുകളായോ അല്ലെങ്കില്‍ ഇന്ത്യയിലെ ഫാക്ടറികളില്‍ അസംബിള്‍ ചെയ്യുന്നവയുമാണവ

കൂടുതല്‍ വായിക്കാന്‍

Stay updated with the latest news headlines and all the latest News news download Indian Express Malayalam App.

Web Title: Govt plans to raise duty on non essential goods