Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

ബലാത്സംഗ കേസിൽ മാധ്യമപ്രവർത്തകൻ തരുൺ തേജ്പാൽ കുറ്റവിമുക്തൻ

ഹോട്ടൽ ലിഫ്റ്റിൽ വച്ച് ഒരു സ്ത്രീയെ ലൈംഗികമായി പീഡിപ്പിച്ചുവെന്നാണ് കേസ്

Tarun Tejpal

പനജി: മാധ്യമപ്രവർത്തകനും തെഹൽക്ക മുൻ എഡിറ്റർ ഇൻ ചീഫുമായ തരുൺ തേജ്പാലിനെ ബലാത്സംഗ കേസിൽ കുറ്റവിമുക്തനാക്കി ഗോവയിലെ സെഷൻസ് കോടതി. 2013 ൽ ഹോട്ടൽ ലിഫ്റ്റിൽ വച്ച് ഒരു സ്ത്രീയെ ലൈംഗികമായി പീഡിപ്പിച്ചുവെന്നാണ് കേസ്.

കർക്കശവും നിഷ്പക്ഷവുമായ വിചാരണയ്ക്ക് കോടതിയോട് ഞാൻ നന്ദി പറയുന്നതായി വിധിക്കുശേഷം തരുൺ തേജ്‌പാൽ പ്രതികരിച്ചു. കഴിഞ്ഞ ഏഴര വർഷമായി താനും കുടുംബവും തെറ്റായ ആരോപണത്തിന്റെ പേരിൽ വ്യക്തിഗത ജീവിതത്തിലും പ്രൊഫഷണൽ രംഗത്തും ഏറെ മുറിവേൽക്കേണ്ടി വന്നുവെന്ന് അദ്ദേഹം പറഞ്ഞു.

കേസിൽ 2013 നവംബർ 30 നാണ് തരുൺ തേജ്‌പാൽ അറസ്റ്റിലായത്. പിന്നീട് ജാമ്യത്തിൽ പുറത്തിറങ്ങി. ബലാത്സംഗം, ലൈംഗികാതിക്രമം അടക്കമുളള കുറ്റങ്ങൾ തരുണിനെതിരെ ചുമത്തിയിരുന്നു. 2014 ഫെബ്രുവരിയിൽ ഗോവ പൊലീസിലെ ക്രൈംബ്രാഞ്ച് 2,846 പേജുളള കുറ്റപത്രം സമർപ്പിച്ചു. ക്യാമറയിൽ ചിത്രീകരിച്ച വിചാരണവേളയിൽ 71 സാക്ഷികളെ പ്രോസിക്യൂഷൻ വിസ്തരിക്കുകയും അഞ്ച് പ്രതി സാക്ഷികളെ ക്രോസ് വിസ്താരം നടത്തുകയും ചെയ്തു.

Read More: Coronavirus India Live Updates: വീണ്ടും നാലായിരം കടന്ന് മരണം; പുതിയ 2.59 ലക്ഷം രോഗികൾ

ഏപ്രിൽ 27 നായിരുന്നു കേസിൽ വിധി പറയേണ്ടിയിരുന്നത്. എന്നാൽ വിധി പറയുന്നത് കോടതി മേയ് 12 ലേക്ക് മാറ്റി. ബുധനാഴ്ച വിധി പറയുമെന്നാണ് നേരത്തെ അറിയിച്ചിരുന്നതെങ്കിലും പിന്നീട് മാറ്റിവച്ചു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Goa court acquits journalist tarun tejpal in rape case502252

Next Story
Coronavirus India Highlights: കര്‍ണാടകയില്‍ ലോക്ക്ഡൗണ്‍ നീട്ടി, ജൂണ്‍ 7 വരെ നിയന്ത്രണങ്ങള്‍
The moderation of comments is automated and not cleared manually by malayalam.indianexpress.com