Latest News
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍
മുഖ്യമന്ത്രിയുടേത് പൊളിറ്റിക്കൽ ക്രിമിനലിന്റെ ഭാഷ, മറുപടിയുമായി കെ.സുധാകരൻ
കെ.സുധാകരനെതിരായ പ്രതികരണം നിലവാരമില്ലാത്തത്, മുഖ്യമന്ത്രിക്കെതിരെ ചെന്നിത്തല
ട്രാക്കിലെ ഇതിഹാസത്തിന് വിട; മില്‍ഖ സിങ് അന്തരിച്ചു

ചരിത്രം കുറിച്ച് ഗീത ഗോപിനാഥ്; നാണയ നിധിയിലെ ആദ്യ വനിതാ സാമ്പത്തിക വിദഗ്‌ധയായി നിയമനം

മുഖ്യമന്ത്രി പിണറായി വിജയന്‍റെ സാമ്പത്തിക ഉപദേഷ്ടാവായിരുന്ന ഗീത കണ്ണൂര്‍ സ്വദേശിനിയാണ്

ന്യൂയോര്‍ക്ക്: മലയാളിയായ ഗീത ഗോപിനാഥിന് രാജ്യാന്തര നാണയ നിധി (ഐഎംഎഫ്) യില്‍ ചരിത്ര നിയമനം. ഐഎംഎഫിന്റെ മുഖ്യ സാമ്പത്തിക വിദഗ്ധയായിട്ടാണ് നിയമനം. ഇതാദ്യമായാണ് ഒരു വനിത ഐഎംഎഫിന്‍റെ ചീഫ് ഇക്കണോമിസ്റ്റ് ആകുന്നത്. പദവി വഹിച്ചിരുന്ന മൗറിസ് ഒബ്‌സറ്റഫെല്‍ഡ് ഡിസംബര്‍ 31ന് വിരമിച്ചതിനെ തുടര്‍ന്നാണ് ഗീത ഗോപിനാഥിനെ നിയമിച്ചത്.

ലോകം ആഗോളവൽക്കരണത്തിൽ നിന്ന് പിൻവാങ്ങുകയാണെന്ന് തോന്നുന്ന സമയത്താണ് ഗീത ഐഎംഎഫിൽ ജോയിൻ ചെയ്യുന്നത്. നിരവധി വെല്ലുവിളികളാണ് ഗീതയ്ക്ക് മുമ്പിലുള്ളത്. മുഖ്യമന്ത്രി പിണറായി വിജയന്‍റെ സാമ്പത്തിക ഉപദേഷ്ടാവായിരുന്ന ഗീത ഈ അടുത്താണ് രാജിവച്ചത്.

ഒക്ടോബർ ഒന്നിനായിരുന്നു ഗീത ഗോപിനാഥിനെ ഐഎംഎഫിന്‍റെ ചീഫ് ഇക്കണോമിസ്റ്റ് ആയി നിയമിച്ചത്. ലോകത്തിലെ ഏറ്റവും മികച്ച സാമ്പത്തിക വിദഗ്‌ധരിൽ ഒരാളാണ് ഗീത ഗോപിനാഥ് എന്നാണ് ഐഎംഎഫ് മാനേജിങ് ഡയറക്ടർ ക്രിസ്റ്റിന്‍ ലഗാര്‍ദെ അവരുടെ നിയമനം അറിയിച്ചുകൊണ്ട് പറഞ്ഞത്. ഐഎംഎഫിന്‍റെ പതിനൊന്നാമത്തെ ചീഫ് ഇക്കണോമിസ്റ്റ് ആയാണ് ഗീത ഗോപിനാഥ് നിയമിതയായത്.

ഡല്‍ഹി ലേഡി ശ്രീറാം കോളജില്‍ നിന്ന് ഇക്കണോമിക്‌സില്‍ ഓണേഴ്‌സും ഡല്‍ഹി സ്‌കൂള്‍ ഒഫ് ഇക്കണോമിക്‌സില്‍ നിന്നും വാഷിങ്ടണ്‍ സര്‍വകലാശാലയില്‍ നിന്നും എംഎയും പ്രിന്‍സ്റ്റണ്‍ സർവ്വകലാശാലയില്‍ നിന്നു ഡോക്ടറേറ്റും നേടിയ ആളാണ് ഗീത ഗോപിനാഥ്.

കണ്ണൂര്‍ മയ്യില്‍ സ്വദേശിയായ ടി.വി.ഗോപിനാഥിന്റെയും വിജയലക്ഷ്മിയുടെയും മകളാണ്. മൈസൂരുവിലാണ് ജനനം. സഹപാഠി ഇഖ്ബാല്‍ ധലിവാളാണ് ഭര്‍ത്താവ്. അമേരിക്കന്‍ പൗരത്വമുള്ള ഗീത ഗോപിനാഥ് ഇപ്പോള്‍ മസാച്ചുസറ്റ്‌സിലാണ് താമസിക്കുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Gita gopinath joins imf as its first female chief economist

Next Story
മതി മടുത്തു, പശ്ചിമ ബംഗാളിൽ ഇനി ബന്ദില്ല; നിലപാട് കടുപ്പിച്ച് മമത ബാനർജിmamata benerjee, mamata banerjee press meet, mamata banerjee offers to quit, west bengal cm, mamata banerjee on bjp, bjp win, lok sabha elections 2019
The moderation of comments is automated and not cleared manually by malayalam.indianexpress.com