ന്യൂഡൽഹി: രാ​ജ്യ​ത്തെ മൊ​ത്ത ആ​ഭ്യ​ന്ത​ര ഉ​ത്പാ​ദ​ന​ത്തി​ലു​ണ്ടാ​യ വ​ള​ർ​ച്ച നോ​ട്ടു​നി​രോ​ധ​ന​ത്തി​ന്‍റെ​യും ജി​എ​സ്ടി​യു​ടേ​യും ഫ​ല​മാ​ണെ​ന്ന് ധ​ന​മ​ന്ത്രി അ​രു​ൺ ജ​യ്റ്റ്ലി. ‘ക​ഴി​ഞ്ഞ അ​ഞ്ച് പാ​ദ​ങ്ങ​ളി​ലും ആ​ഭ്യ​ന്ത​ര ഉ​ത്പാ​ദ​നം താ​ഴാ​നു​ള്ള പ്ര​വ​ണ​ത​യാ​ണ് കാ​ണി​ച്ചി​രു​ന്ന​ത്. ഇ​പ്പോ​ൾ നേ​ർ വി​പ​രീ​ത​മാ​യ പ്ര​വ​ണ​ത​യാ​ണ് ജി​ഡി​പി​യി​ൽ കാ​ണാ​ൻ ക​ഴി​യു​ന്ന​ത്. ഇ​ത് നോ​ട്ടു​നി​രോ​ധ​ന​ത്തി​ന്‍റെ​യും ജി​എ​സ്ടി​യു​ടേ​യും ഫ​ല​മാ​ണെ​ന്നും അ​ദ്ദേ​ഹം പ​റ​ഞ്ഞു.

കഴിഞ്ഞ സാമ്പത്തിക പാദത്തില്‍ മൂന്ന് വര്‍ഷത്തെ റെക്കോര്‍ഡ് താഴ്ച്ചയ്ക്ക് ശേഷമാണ് രാജ്യത്തിന്റെ മൊത്ത ആഭ്യന്തര ഉത്പാദനത്തിൽ ആശ്വസിക്കാവുന്ന (ജിഡിപി) വർധന ഉണ്ടായിരിക്കുന്നത്. അതേസമയം കഴിഞ്ഞ സാമ്പത്തിക വര്‍ഷത്തില്‍ 7.1 ആയിരുന്നു ജിഡിപി നിരക്ക്. ജൂലായ്- സെപ്തംബർ മാസങ്ങളിലായി 6.3 ശതമാനമായാണ് വർധിച്ചിരിക്കുന്നത്. നിർമാണ മേഖലയിലെ വളർച്ചയാണ് ജിഡിപിക്ക് അനുകൂലമായത്.

കൃഷി, വനം, മത്സ്യബന്ധനം- 1.7 ശതമാനം വളര്‍ച്ച, ഖനനം- 5.5 ശതമാനം, കെട്ടിട നിര്‍മ്മാണം- 2.6 ശതമാനം, ഇന്‍ഷുറന്‍സ്, റിയല്‍ എസ്റ്റേറ്റ്, പ്രൊഫഷണല്‍ സര്‍വീസ്- 5.7 ശതമാനം, പബ്ലിക് അഡ്മിനിസ്ട്രേഷന്‍, പ്രതിരോധം, മറ്റ് സര്‍വീസുകള്‍ 6.0 ശതമാനം എന്നിങ്ങനെയാണ് വര്‍ധനവ് ഉണ്ടായിട്ടുളളത്.

ഏപ്രിൽ- ജൂൺ മാസങ്ങളിൽ 5.7 ശതമാനമായിരുന്നു വളർച്ച. മാർച്ചിൽ 6.1 ശതമാനമുള്ളിടത്ത് നിന്ന് ജൂൺ മാസമാവുമ്പോഴേക്കും ഇത്ര താഴ്ന്നത് ഏറെ വിമർശനങ്ങൾ ഏറ്റുവാങ്ങിയിരുന്നു. കൃത്യമായ മുൻകരുതൽ ഇല്ലാതെ ജിഎസ്ടി നടപ്പാക്കിയതിലുള്ള അപാകതയാണ് കുറവിന് കാരണമെന്നായിരുന്നു വിമർശനം. ഈ സാഹചര്യത്തിലാണ് ജിഡിപിയിൽ വർദ്ധനവ് രേഖപ്പെടുത്തിയിരിക്കുന്നത്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ