Latest News
കോവിഡ് മുക്തരിലെ ക്ഷയരോഗം: മാർഗനിർദേശവുമായി ആരോഗ്യ വകുപ്പ്
രണ്ടാം തരംഗം കേരളത്തിന് കടുപ്പമായി; മരണങ്ങളിൽ പകുതിയും 40 ദിവസത്തിനിടെ
Coronavirus India Live Updates: 150 രൂപയ്ക്ക് കോവാക്സിന്‍ കേന്ദ്രത്തിന് നല്‍കുന്നത് ലാഭകരമല്ല: ഭാരത് ബയോടെക്
UEFA Euro 2020 Live Streaming: പോര്‍ച്ചുഗല്‍, ഫ്രാന്‍സ്, ജര്‍മനി, കളത്തില്‍ വമ്പന്മാര്‍; മത്സരങ്ങള്‍ എവിടെ, എങ്ങനെ കാണാം?
കടല്‍ക്കൊല: നിയമനടപടികള്‍ അവസാനിപ്പിച്ച് സുപ്രീം കോടതി
സംസ്ഥാനത്ത് ഇന്നും ശക്തമായ മഴ; മൂന്ന് ജില്ലകളില്‍ ഓറഞ്ച് അലര്‍ട്ട്
കോവിഡ് മരണം നിര്‍ണയിക്കാന്‍ പുതിയ മാര്‍ഗനിര്‍ദേശങ്ങള്‍
കേരളം അണ്‍ലോക്കിലേക്ക്; ഇളവുകളില്‍ അന്തിമ തീരുമാനം ഇന്ന്
പ്രാദേശിക കേന്ദ്രങ്ങള്‍ വഴി വാക്സിനായി റജിസ്റ്റര്‍ ചെയ്യുന്നവര്‍ 0.5 ശതമാനം മാത്രം
രാജ്യദ്രോഹ കേസ്; ലക്ഷദ്വീപ് ഭരണകൂടത്തോട് വിശദീകരണം തേടി ഹൈക്കോടതി
ബിജെപി കേരള ഘടകത്തിലെ പ്രശ്നങ്ങൾ: ദേശീയ നേതൃത്വത്തിന് റിപ്പോർട്ട് നൽകിയെന്ന് ആനന്ദ ബോസ്
മുട്ടില്‍ മരം മുറി: ജാമ്യഹര്‍ജികള്‍ ഒരുമിച്ച് പരിഗണിക്കണമെന്ന് സര്‍ക്കാര്‍

ഗൗരി ലങ്കേഷിന്റെ കൊലപാതകത്തിന് പിന്നാലെ സഹോദരങ്ങള്‍ രണ്ട് തട്ടില്‍

തന്നെ തോക്ക് ചൂണ്ടി ഭീഷണിപ്പെടുത്തി എന്നായിരുന്നു ഗൗരി ലങ്കേഷ് സഹോദരനെതിരെ അന്ന് പരാതിപ്പെട്ടത്

ബംഗളൂരു: പ്രമുഖ മാധ്യമപ്രവര്‍ത്തക ഗൗരി ലങ്കേഷിന്റെ കൊലപാതകത്തിന് പിന്നാലെ രണ്ട് തട്ടിലായി മാധ്യമപ്രവര്‍ത്തകയുടെ സഹോദരങ്ങള്‍. ഗൗരിയുടെ കൊലപാതകികള്‍ ആരായിരിക്കാമെന്ന നിഗമനത്തിലാണ് കുടുംബം വ്യത്യസ്ഥ നിലപാടുകളുമായി രംഗത്തെത്തിയത്. കൊലപാതകത്തിന് പിന്നില്‍ നക്സലേറ്റുകള്‍ ആകാമെന്നാണ് ഗൗരിയുടെ സഹോദരന്‍ ഇന്ദ്രജിത് ലങ്കേഷ് ഒരു മാധ്യമത്തോട് പ്രതികരിച്ചത്.

നിരവധി നക്സലേറ്റുകള്‍ കീഴടങ്ങിയതിന് പിന്നില്‍ ഗൗരി പ്രവര്‍ത്തിച്ചതാണ് നക്സലേറ്റുകളെ ചൊടിപ്പിച്ചതെന്നാണ് ഇന്ദ്രജിത്തിന്റെ പക്ഷം. നക്സല്‍ നേതാവായ സിരിമനെ നാഗരാജ് അടക്കമുളളവര്‍ മുഖ്യധാരയില്‍ എത്തിയത് ഗൗരി ലങ്കേഷിന്റെ പ്രവര്‍ത്തനം കാരണമാണെന്ന് ഇന്ദ്രജിത്ത് ചൂണ്ടിക്കാട്ടി. നക്സലേറ്റുകളെ മുഖ്യധാരയിലെത്തിക്കാന്‍ കര്‍ണാടക സര്‍ക്കാരുമായി ഗൗരി കൈകോര്‍ത്ത് പ്രവര്‍ത്തിച്ചതും അദ്ദേഹം സൂചിപ്പിച്ചു.

എന്നാല്‍ ഗൗരിയുടെ സഹോദരി കവിത ലങ്കേഷ് ഇന്ദ്രജിത്തിന്റെ ആരോപണങ്ങളെ തളളി. നക്സലേറ്റുകള്‍ക്ക് ഗൗരിയുടെ കൊലപാതകവുമായി യാതൊരു ബന്ധവും ഇല്ലെന്ന് കവിത വ്യക്തമാക്കി. നക്സലുകള്‍ക്കെതിരെ ഗൗരി പ്രവര്‍ത്തിച്ചു എന്നത് നേരാണ്. എന്നാല്‍ വലതുപക്ഷ ഫാസിസ്റ്റ് ശക്തികള്‍ക്കെതിരെയാണ് ഗൗരി പോരാടിയത്. ഇന്ദ്രജിത്ത് തങ്ങളുടെ കൂടെ അല്ല താമസിക്കുന്നതെന്നും അയാള്‍ക്ക് വസ്തുത അറിയില്ലെന്നും കവിത കൂട്ടിച്ചേര്‍ത്തു.

2000ത്തില്‍ ഗൗരിയുടെ പിതാവ് മരിച്ചതോടെയാണ് ഇവര്‍ തമ്മില്‍ അഭിപ്രായവ്യത്യാസത്തിലെത്തിയത്. പിതാവിന്റെ മരണത്തോടെ ലങ്കേഷ് പത്രികയുടെ ചുമതല വേണമെന്ന് ഇന്ദ്രജിത്ത് ആവശ്യപ്പെട്ടു. പത്രത്തിന്റെ പ്രത്യയശാസ്ത്രം അടിമുടി മാറ്റാനായിരുന്നു അദ്ദേഹത്തിന്റെ ഉദ്ദേശം. എന്നാല്‍ ഗൗരി ഇതിനെ എതിര്‍ക്കുകയും 2005ല്‍ ഇരുവരും പൊലീസില്‍ പരാതിപ്പെടുകയും ചെയ്തു. തന്നെ തോക്ക് ചൂണ്ടി ഭീഷണിപ്പെടുത്തി എന്നായിരുന്നു ഗൗരി സഹോദരനെതിരെ അന്ന് പരാതിപ്പെട്ടത്. എന്നാല്‍ പിന്നീട് ഗൗരി തന്റേതായ വഴി തെരഞ്ഞെടുത്ത് ‘ഗൗരി ലങ്കേഷ് പത്രിക’ സ്ഥാപിക്കുകയും ചെയ്തു. പിന്നീട് ഇന്ദ്രജിത്ത് ബിജെപിയില്‍ ചേര്‍ന്നതായുളള റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ താന്‍ ബിജെപിയില്‍ ചേര്‍ന്നെന്ന വാര്‍ത്ത അദ്ദേഹം നിഷേധിച്ചു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Gauri lankeshs siblings stand divided after her murder

Next Story
കോയമ്പത്തൂരില്‍ കെട്ടിടം തകര്‍ന്നു വീണ് 10 മരണംCoimbatore, Building Collapse
The moderation of comments is automated and not cleared manually by malayalam.indianexpress.com