ഇന്ധന വില വർദ്ധനവ് തുടർക്കഥ; പെട്രോളിനും ഡീസലിനും വില വർദ്ധിച്ചു

പ്രതിപക്ഷ പാർട്ടികൾ രാജ്യത്തുടനീളം ബന്ദ് നടത്തിയിട്ടും കേന്ദ്രസർക്കാർ വില പിടിച്ചുനിർത്താൻ ഒരു നീക്കവും നടത്തിയില്ല

Petrol Diesel Price Hiked,പെട്രോൾ ഡീസൽ വില, പെട്രോൾ വില, ഡീസൽ വില, petrol pump near me, Petrol price today, petrol price kochi, Petrol Diesel Price Today, Petrol Diesel price in kerala, Diesel Price Today, Diesel price in Kochi, Diesel Price in Kerala, iemalayalam, ഐഇ മലയാളം

തിരുവനന്തപുരം: സംസ്ഥാനത്ത് ഇന്ധനവില വീണ്ടും ഉയർന്നു. ബുധനാഴ്ച അർദ്ധരാത്രി മുതൽ പെട്രോളിന് 14 പൈസയും ഡീസലിന് 12 പൈസയും വർദ്ധിച്ചു. ഇ​തോ​ടെ ഈ​മാ​സം മാ​ത്രം പെ​ട്രോ​ളി​നു 2.34 രൂ​പ​യു​ടെ​യും ഡീ​സ​ലി​നു 2.77 രൂ​പ​യു​ടെ​യും വ​ർ​ധ​നവാണ് ഉണ്ടായിരിക്കുന്നത്.

തിരുവനന്തപുരത്ത് ഒരു ലിറ്റർ പെട്രോളിന്‍റെ വില 84.40 രൂപയും ഡീസൽ വില 78.30 രൂപയുമാണ്. കൊച്ചിയിൽ പെ​ട്രോ​ൾ വി​ല 83.00 രൂ​പ​യും ഡീ​സ​ൽ വി​ല 77.00 രൂ​പ​യു​മാ​യ​പ്പോ​ൾ കോ​ഴി​ക്കോ​ട്ട് പെ​ട്രോ​ളി​ന് 83.08 രൂ​പ​യും ഡീ​സ​ലി​ന് 77.08 രൂ​പ​യു​മാ​യി വി​ല ഉ​യ​ർ​ന്നു.

ഇന്ധന വിലയിലെ വർദ്ധനവിൽ പരിഹാരം കാണാത്തതിൽ പ്രതിഷേധിച്ച് രാജ്യത്ത് പ്രതിപക്ഷ പാർട്ടികൾ ബന്ദ് നടത്തിയിട്ടും കേന്ദ്രസർക്കാർ വില പിടിച്ചുനിർത്താൻ യാതൊരു നീക്കവും നടത്തിയില്ല. പ്രതിപക്ഷ ഐക്യനിരയുടെ ശക്തിപ്രകടനമായി സമരം മാറിയെങ്കിലും ഭരണകക്ഷിയായ ബിജെപി തെല്ലും നിലപാട് മാറ്റാത്തത് ജനജീവിതം കൂടുതൽ ദുസ്സഹമാക്കി.

ഇരുപത്തിയൊന്ന് പ്രതിപക്ഷ കക്ഷികളാണ് കോണ്‍ഗ്രസിന്റെ പ്രതിഷേധത്തിൽ പങ്കെടുത്തത്. ഇടതു പാര്‍ട്ടികള്‍ സ്വന്തം നിലയിൽ പ്രതിഷേധം സംഘടിപ്പിച്ചു. വരുന്ന ലോക്സഭ തിരഞ്ഞെടുപ്പിന് മുന്നോടിയായി വിശാല പ്രതിപക്ഷ ഐക്യനിര സ്ഥാപിക്കാൻ കൂടിയാണ് ഇന്ധനവില വർദ്ധനവിനെതിരായ ഭാരത് ബന്ദിലൂടെ കോൺഗ്രസ് ലക്ഷ്യമിട്ടത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Fuel hike continues petrol diesel price today

Next Story
തെലങ്കാനയിൽ ടിആർഎസിന് വെല്ലുവിളി; ഭരണം പിടിക്കാൻ കോൺഗ്രസ്-ടിഡിപി-സിപിഐ സഖ്യം
The moderation of comments is automated and not cleared manually by malayalam.indianexpress.com