മുൻ കേന്ദ്രമന്ത്രി ശിവരാജ് പാട്ടീൽ അന്തരിച്ചു; വിടവാങ്ങിയത് 90-ാം വയസിൽ

ന്യൂഡൽഹി: മുതിർന്ന കോൺഗ്രസ് നേതാവും മുൻ കേന്ദ്ര ആഭ്യന്തര മന്ത്രിയും ലോക്‌സഭാ സ്പീക്കറുമായിരുന്ന ശിവരാജ് പാട്ടീൽ (90) അന്തരിച്ചു. വാർധക്യസഹജമായ അസുഖങ്ങളെ തുടർന്ന് ചികിത്സയിലിരിക്കെ മഹാരാഷ്ട്രയിലെ ലാത്തൂരിലെ വസതിയിൽ വെച്ച് വെള്ളിയാഴ്ച രാവിലെയായിരുന്നു അന്ത്യം.

Also Read: ഇന്ത്യ-യുഎസ് വ്യാപാര ചർച്ചകൾക്കിടെ ട്രംപുമായി ഫോണിൽ സംസാരിച്ച് പ്രധാനമന്ത്രി മോദി

ഇന്ത്യൻ രാഷ്ട്രീയത്തിൽ നാല് പതിറ്റാണ്ടിലേറെക്കാലം നിറഞ്ഞുനിന്ന വ്യക്തിത്വമാണ് ശിവരാജ് പാട്ടീൽ. ഡോ.മൻമോഹൻ സിങ് മന്ത്രിസഭയിൽ 2004 മുതൽ 2008 വരെ ആഭ്യന്തര മന്ത്രിയായി സേവനമനുഷ്ഠിച്ചു. 1991 മുതൽ 1996 വരെ പത്താം ലോക്‌സഭയുടെ സ്പീക്കറായും മികച്ച പ്രവർത്തനം കാഴ്ചവെച്ചു. ഇന്ദിരാ ഗാന്ധി, രാജീവ് ഗാന്ധി മന്ത്രിസഭകളിൽ പ്രതിരോധം, വാണിജ്യം, ശാസ്ത്ര സാങ്കേതിക വിദ്യ, ആണവോർജമ, ഇലക്ട്രോണിക്സ് ഉൾപ്പെടെയുള്ള നിരവധി പ്രധാന വകുപ്പുകളുടെ സഹമന്ത്രിയായും പ്രവർത്തിച്ചു.

Also Read: ട്രംപിന്റെ ഗോൾഡ് കാർഡ് വിസ പദ്ധതി നിലവിൽ വന്നു; 10 ലക്ഷം ഡോളർ നിക്ഷേപിക്കുന്നവർക്ക് യുഎസ് വിസ

മഹാരാഷ്ട്രയിലെ ലാത്തൂരിൽ നിന്ന് ഏഴ് തവണയാണ് അദ്ദേഹം ലോക്‌സഭയിലേക്ക് തിരഞ്ഞെടുക്കപ്പെട്ടത്. പാർലമെന്റിലെ വിശിഷ്ട സേവനങ്ങളെ ആദരിക്കുന്നതിനുള്ള 'ഔട്ട്‌സ്റ്റാൻഡിങ് പാർലമെന്റേറിയൻ അവാർഡ്' എന്ന ബഹുമതിക്ക് തുടക്കം കുറിച്ചതിലും അദ്ദേഹത്തിന് നിർണായക പങ്കുണ്ട്.

VIDEO | Maharashtra: Senior Congress leader and former Union Home Minister Shivraj Patil, aged 90, passed away this morning in Latur, his hometown. Visuals from his residence.#ShivrajPatil#Congress#Latur

(full video available on PTI Videos – https://t.co/n147TvrpG7) pic.twitter.com/goTdieU0jo

— Press Trust of india (@PTI_News) December 12, 2025

Also Read: രാജ്യത്ത് എസ്ഐആർ സമയപരിധി നീട്ടി തിരഞ്ഞെടുപ്പ് കമ്മീഷൻ

പഞ്ചാബ് ഗവർണറായും ഛണ്ഡീഗഢ് അഡ്മിനിസ്‌ട്രേറ്ററായും പ്രവർത്തിച്ചിട്ടുണ്ട്. 2008-ലെ മുംബൈ ഭീകരാക്രമണം ഉണ്ടായപ്പോൾ ധാർമിക ഉത്തരവാദിത്തം ഏറ്റെടുത്ത് അദ്ദേഹം കേന്ദ്ര ആഭ്യന്തര മന്ത്രിസ്ഥാനം രാജിവെച്ചത് ശ്രദ്ധേയമായിരുന്നു. ലാത്തൂർ മുനിസിപ്പൽ കൗൺസിൽ അധ്യക്ഷനായും മഹാരാഷ്ട്ര നിയമസഭാ ഡെപ്യൂട്ടി സ്പീക്കറായും പ്രവർത്തിച്ച ശേഷമാണ് അദ്ദേഹം ദേശീയ രാഷ്ട്രീയത്തിലേക്ക് എത്തിയത്. ശിവരാജ് പാട്ടീലിന്റെ നിര്യാണത്തിൽ വിവിധ രാഷ്ട്രീയ നേതാക്കൾ അനുശോചനം രേഖപ്പെടുത്തി.

Read More: ഗോവ നിശാക്ലബ് തീപിടിത്തം: ലുത്ര സഹോദരന്മാർ കസ്റ്റഡിയിൽ