ആ വാര്‍ത്ത കാട്ടുതീ പോലെ പടര്‍ന്നു: തേജ് പ്രതാപ് യാദവിന്‍റെ വിവാഹത്തിനിടെ ഭക്ഷണം കൊളളയടിച്ച് അതിഥികള്‍

പ​ട്​​ന: ആ​ർജെഡി നേ​താ​വ്​ ലാ​ലു​പ്ര​സാ​ദ്​ യാ​ദ​വി​​​ന്റെ മ​ക​ൻ തേ​ജ്​ പ്ര​താ​പും എംഎ​ൽഎ​യാ​യ ച​ന്ദ്രി​ക റാ​യി​യു​ടെ മ​ക​ൾ ഐ​ശ്വ​ര്യ റാ​യി​യും തമ്മിലുളള വിവാഹച്ചടങ്ങില്‍ ഭക്ഷണത്തിന് തല്ല്. ബി​ഹാ​ർ വെ​റ്റ​റി​ന​റി കോ​ളേജ്​ ഗ്രൗ​ണ്ടി​ൽ പ്ര​ത്യേ​കം ത​യ്യാ​റാ​ക്കി​യ പ​ന്ത​ലി​ലാ​യി​രു​ന്നു ആ​ഡം​ബ​ര വി​വാ​ഹം. ആ​ർ​ജെഡി ദേ​ശീ​യ- സം​സ്​​ഥാ​ന നേ​താ​ക്ക​ളും മ​റ്റ്​ ഉ​ന്ന​ത​വ്യ​ക്​​തി​ക​ളും വ​ധൂ​വ​ര​ന്മാ​ർ​ക്ക്​ ആ​ശം​സ​ക​ള​ർ​പ്പി​ക്കാ​നെ​ത്തി. ഗംഭീരമായി നടന്നുകൊണ്ടിരുന്ന ചടങ്ങിനിടെ ഒരു അഭ്യൂഹം പരന്നതാണ് ഭക്ഷണ കലാപത്തിലേക്ക് നയിച്ചത്. വിഐപികള്‍ക്ക് വേണ്ടി പ്രത്യേകം രുചിയുളള ഭക്ഷണമാണ് നല്‍കുന്നതെന്ന വാര്‍ത്ത പരന്നതാണ് പുലിവാലായത്.

ആര്‍ജെഡി പ്രവര്‍ത്തകരും സാധാരണക്കാരായ അതിഥികളും ഈ വാര്‍ത്ത കേട്ട് വിഐപികള്‍ക്ക് ഭക്ഷണം ഒരുക്കിയ സ്ഥലത്തേക്ക് കുതിച്ചെത്തി. പിന്നീട് ഭക്ഷണക്കൊള്ളയും മറ്റ് സാധനസാമഗ്രികള്‍ അടിച്ചുമാറ്റലുമാണ് നടന്നതെന്ന് ന്യൂസ് 18 റിപ്പോര്‍ട്ട് ചെയ്യുന്നു. ഇതിനിടെ തങ്ങളുടെ റിപ്പോര്‍ട്ടര്‍ക്ക് പരുക്കേറ്റതായും ഓണ്‍ലൈന്‍ മാധ്യമം റിപ്പോര്‍ട്ട് ചെയ്യുന്നു. ആള്‍ക്കാര്‍ കുതിച്ചെത്തിയതോടെ സ്ഥലം അക്ഷരാര്‍ത്ഥത്തില്‍ പൂരപ്പറമ്പായി. പൊട്ടിക്കിടക്കുന്ന പാത്രങ്ങളും തലകുത്തനെ നിര്‍ത്തിയ ടേബിളുമൊക്കെയാണ് പിന്നത്തെ കാഴ്‌ചയെന്നും റിപ്പോര്‍ട്ടുണ്ട്. തുടര്‍ന്ന് പാര്‍ട്ടി നേതാക്കള്‍ വടികളുമായെത്തി ആളുകളെ നിയന്ത്രിച്ചു.

ഭക്ഷണം വിളമ്പാനെത്തിയ കാറ്ററിങ് സംഘത്തിന് വലിയ നഷ്ടമാണ് സംഭവിച്ചതെന്ന് ഇവര്‍ ആരോപിച്ചു. തങ്ങളുടെ 2000ത്തിലധികം പാത്രങ്ങള്‍ പൊട്ടിയതായി ഇവര്‍ ആരോപിച്ചു. കൂടാതെ ചില പാത്രങ്ങളും സാധനങ്ങളും കാണാനില്ലെന്നും ഇവര്‍ വ്യക്തമാക്കി. പ്രതീക്ഷിക്കാത്തത്രയും ആള്‍ക്കാര്‍ വന്നതാണ് പ്രശ്നത്തിന് കാരണമായതെന്ന് കാറ്ററിങ് സംഘം പറഞ്ഞു. 10,000ത്തോ​ളം അ​തി​ഥി​ക​ൾ പ​ങ്കെടു​ത്ത വി​വാ​ഹ​ത്തി​ൽ ച​ട​ങ്ങു​കൊ​ഴു​പ്പി​ക്കാ​ൻ 50 കു​തി​ര​ക​ളു​മു​ണ്ടാ​യി​രു​ന്നു.

പ​ട്​​ന​യി​ലെ പ്ര​ധാ​ന ഹോ​ട്ട​ലു​ക​ളെ​ല്ലാം വി​വാ​ഹ​ത്തി​നാ​യി നേ​ര​ത്തേ ബു​ക്ക് ​ചെ​യ്​​തി​രു​ന്നു. ബ​ർ​ഹാ​ര എംഎ​ൽഎ സ​രോ​ജ്​ യാ​ദ​വാ​ണ്​ വ​ധൂ​വ​ര​ന്മാ​ർ​ക്ക്​ അ​ക​മ്പ​ടി​ക്കാ​യി​ അ​മ്പ​തോ​ളം കു​തി​ര​ക​ളെ​ത്തി​ച്ച​ത്. നൂ​റി​ല​ധി​കം ഭ​ക്ഷ​ണ​കേ​ന്ദ്ര​ങ്ങ​ളാ​യി​രു​ന്നു പ​ന്ത​ലി​ൽ ഒ​രു​ക്കി​യ​ത്.

കാ​ലി​ത്തീ​റ്റ കും​ഭ​കോ​ണ കേ​സി​ൽ ജ​യി​ലി​ലാ​യി​രു​ന്ന ലാ​ലു അ​ഞ്ചു ദി​വ​സ​ത്തെ പ​രോ​ളി​ലാ​ണ്​ വി​വാ​ഹ​ത്തി​ൽ പ​ങ്കെടു​ക്കാ​നെ​ത്തി​യ​ത്. ആ​രോ​ഗ്യ​സ്​​ഥി​തി മോ​ശ​മാ​യി​രു​ന്ന​തി​നാ​ൽ ലാ​ലു കൂ​ടു​ത​ൽ ആ​ളു​ക​ളു​മാ​യി ഇ​ട​പെ​ട്ടി​ല്ല.