Latest News

മണ്ടയ്ക്കാട് ദേവീ ക്ഷേത്രത്തിൽ തീപിടിത്തം

ഇതാദ്യമായാണ് മണ്ടയ്ക്കാട് ഭഗവതി ക്ഷേത്രത്തില്‍ തീപിടിത്തമുണ്ടാകുന്നത്

Mandaikadu Devi temple1, news, ie malayalam

നാഗര്‍കോവില്‍: തമിഴ്നാട്ടിലെ പ്രസിദ്ധമായ കന്യാകുമാരി മണ്ടയ്ക്കാട് ദേവീ ക്ഷേത്രത്തില്‍ തീപിടിത്തം. ഇന്നു പുലര്‍ച്ചെ ദീപാരാധന കഴിഞ്ഞശേഷം ക്ഷേത്രത്തിലെ മൂല സ്ഥാനത്തില്‍ നിന്നാണ് തീപടർന്നത്. നാട്ടുകാരാണ് ആദ്യം കണ്ടത്. ഉടന്‍ തന്നെ കുളച്ചല്‍ ഫയര്‍ഫോഴ്സ് ഉദ്യോഗസ്ഥരെയും മണ്ടയ്ക്കാട് പൊലീസിനെയും വിവരം അറിയിച്ചു. ഫയര്‍ഫോഴ്സ് ഉദ്യോഗസ്ഥര്‍ നാട്ടുകാരുടെ സഹായത്തോടെ തീ പൂര്‍ണമായും അണച്ചു.

തീപിടിത്തത്തിൽ ക്ഷേത്രത്തില്‍ വലിയ നാശനഷ്ടമുണ്ടായതായാണ് വിവരം. ദേവീ വിഗ്രഹത്തില്‍ തീ പിടിച്ചെങ്കിലും വിഗ്രഹത്തിന് കേടുപാടുകള്‍ സംഭവിച്ചിട്ടില്ല. ക്ഷേത്രത്തിലെ മേല്‍ക്കൂര പകുതിയോളം തകര്‍ന്നു. ഇതാദ്യമായാണ് മണ്ടയ്ക്കാട് ഭഗവതി ക്ഷേത്രത്തില്‍ തീപിടിത്തമുണ്ടാകുന്നത്.

Mandaikadu Devi temple1, news, ie malayalam

കുളച്ചല്‍ എഎസ്‌പി വിശ്വശാസ്ത്രി സംഭവസ്ഥലത്തെത്തി പരിശോധന നടത്തി. വിശദമായ അന്വേഷണം നടത്തി വരികയാണെന്ന് അദ്ദേഹം പറഞ്ഞു. തമിഴ്നാട് ഐടി മന്ത്രി മനോ തങ്കരാജ്, കന്യാകുമാരി ജില്ലാ കലക്ടര്‍ അരവിന്ദ് എന്നിവരും സംഭവ സ്ഥലത്തെത്തി. ദീപാരാധനയ്ക്കുശേഷം നിലവിളക്കില്‍ നിന്ന് ദേവിക്ക് അണിഞ്ഞിരുന്ന പട്ടില്‍ തീ പിടിക്കുകയും അങ്ങനെ തീ പടര്‍ന്നതാവാം എന്നാണ് പ്രാഥമിക നിഗമനം. സംഭവവുമായി ബന്ധപ്പെട്ട് പൊലീസ് അന്വേഷണം ആരംഭിച്ചു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Fire breaks out at mandaikadu devi temple508637

Next Story
ട്രാന്‍സ്‌ജെൻഡര്‍ വിഭാഗത്തിന് പ്രത്യേക രാഷ്ട്രീയ പാര്‍ട്ടി വേണ്ട: കൽക്കി സുബ്രഹ്‌മണ്യംkalki subramaniam, transgender
The moderation of comments is automated and not cleared manually by malayalam.indianexpress.com
Best of Express