ന്യൂഡൽഹി: ഡൽഹിയിലെ സര്‍ക്കാര്‍ കെട്ടിടത്തില്‍ വന്‍ തീപിടിത്തം. നിരവധി പ്രധാനപ്പെട്ട സര്‍ക്കാര്‍ ഓഫീസുകളുളള സിജിഒ കോംപ്ലക്സിൽ ആണ് തീപിടിത്തം ഉണ്ടായത്.
പണ്ഡിറ്റ് ദീൻദയാൽ അന്ത്യോദയ ഭവന്‍റെ അഞ്ചാം നിലയിലാണ് തീപിടിത്തമുണ്ടായത്. അഗ്നിശമന സേന സ്ഥലത്തെത്തി തീയണയ്ക്കാൻ ശ്രമം ആരംഭിച്ചു. ഒരു സുരക്ഷാ ജീവനക്കാരന് പൊളളലേറ്റിട്ടുണ്ട്. വനമന്ത്രാലയത്തിന്‍റെ ഓഫീസ്, ദേശീയദുരന്തനിവാരണ സേനയുടെ ഓഫീസ് എന്നിവയെല്ലാം സിജിഒ കോംപ്ലക്സിലാണ് പ്രവർത്തിക്കുന്നത്.
രാവിലെ 8.30ഓടെയാണ് അഗ്നിശമന സേനാ വിഭാഗത്തിന് ഫോണ്‍ സന്ദേശം ലഭിച്ചത്. പരുക്കേറ്റ ജീവനക്കാരനെ എയിംസില്‍ പ്രവേശിപ്പിച്ചു. അദ്ദേഹത്തിന്റെ നിലയില്‍ ആശങ്കപ്പെടാനില്ലെന്ന് ഡോക്ടര്‍മാര്‍ പറഞ്ഞു.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
