Latest News

മുന്‍ ഈജിപ്ത് പ്രസിഡന്റ് ഹോസ്‌നി മുബാറക് അന്തരിച്ചു

മൂന്ന് ദശാബ്ദത്തോളം ഈജിപ്തിൽ അധികാരത്തിലിരുന്ന മുബാറക്കിനു 2011ൽ അറബ് വസന്തത്തെത്തുടര്‍ന്ന് പ്രസിഡന്റ് സ്ഥാനമൊഴിയേണ്ടി വരികയായിരുന്നു

മുന്‍ ഈജിപ്ഷ്യന്‍ പ്രസിഡന്റ് ഹോസ്‌നി മുബാറക്ക് അന്തരിച്ചു ഈജിപ്ത്, അറബ് വസന്തം, ഐഇമലയാളം, iemalayalam

കെയ്റോ: മുന്‍ ഈജിപ്ത് പ്രസിഡന്റ് ഹോസ്‌നി മുബാറക് അന്തരിച്ചു. 91 വയസായിരുന്നു. ഈജിപ്തിൽ മൂന്ന് ദശാബ്ദത്തോളം അധികാരത്തിലിരുന്ന മുബാറാക് 2011 ഫെബ്രുവരി 11-ന് അധികാരഭ്രഷ്ടനായിരുന്നു. 18 ദിവസം നീണ്ട ജനകീയ പ്രക്ഷോഭമായ അറബ് വസന്തത്തെത്തുടര്‍ന്നാണ് അധികാരമൊഴിഞ്ഞത്.

മുബാറക് അന്തരിച്ച വിവരം ഈജിപ്തിന്റെ ദേശീയ ടിവിയാണ് പുറത്ത് വിട്ടത്. സൈനിക ആശുപത്രിയിലായിരുന്നു അദ്ദേഹത്തിന്റെ മരണം. ജനുവരി അവസാനം അദ്ദേഹം ശസ്ത്രക്രിയ്ക്ക് വിധേയനായിരുന്നു.

Read Also:സിഎഎ അക്രമം ഇന്ത്യയുടെ ആഭ്യന്തര വിഷയം, മോദിയുമായി ചർച്ച ചെയ്തില്ല: ട്രംപ്

അറബ് വസന്തകാലത്ത് പ്രതിഷേധക്കാരെ കൊലപ്പെടുത്തിയതിന് കുറ്റക്കാരനാണെന്ന് കണ്ടെത്തിയെങ്കിലും പിന്നീട് ശിക്ഷയില്‍ ഇളവ് നല്‍കി. 2017 മാര്‍ച്ചില്‍ അദ്ദേഹത്തെ സ്വതന്ത്രനാക്കി.

1928-ല്‍ ജനിച്ച മുബാറക് വ്യോമസേനയില്‍ ചേര്‍ന്നു. 1973-ലെ അറബ്-ഇസ്രായേല്‍ യുദ്ധത്തില്‍ പ്രധാനപങ്കുവഹിച്ചു. പ്രസിഡന്റായിരുന്ന അന്‍വര്‍ സാദത്തിന്റെ വധത്തെത്തുടര്‍ന്ന് 1981-ലാണ് മുബാറക് അധികാരത്തിലെത്തിയത്.

മൂന്ന് പതിറ്റാണ്ടോളം അദ്ദേഹം പ്രസിഡന്റായിരുന്നുവെങ്കിലും ടുണീഷ്യയില്‍ മൊട്ടിട്ട അറബ് വസന്തം ഈജിപ്തിലേക്കും വ്യാപിച്ചതിനെത്തുടര്‍ന്ന് മുബാറക്കിന് അധികാരം നഷ്ടമായി. തുടര്‍ന്ന് തിരഞ്ഞെടുപ്പിലൂടെ മുഹമ്മദ് മോഴ്‌സി പ്രസിഡന്റായി.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Ex egyptian president hosni mubarak dies at 91

Next Story
ഉന്നാവ് പീഡനം: കുൽദീപ് സിങ് സെൻഗറിന്റെ നിയമസഭാംഗത്വം റദ്ദാക്കിUnnao Rape Case, ഉന്നാവ് ബലാത്സംഗക്കേസ്, Unnao Rape, ഉന്നവ് പീഡനക്കേസ്, Unnao Rape Case Victim, Unnao Rape Case Accused, BJP MLA, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express