രണ്ട് ദശാബ്ദത്തിന് ശേഷം പുതിയ രൂപത്തിൽ ഒരു രൂപ നോട്ടുകൾ വരുന്നു

ന്യൂഡല്‍ഹി: ചില്ലറക്ഷാമം പരിഹരിക്കാൻ പുതിയ നീക്കവുമായി റിസർവ് ബാങ്ക്. കൂടുതൽ ഒരു രൂപ നോട്ടുകൾ പുറത്തിറക്കാനാണ് റിസർവ് ബാങ്കിന്റെ തീരുമാനം. നി​ല​വി​ൽ ഒ​രു രൂ​പ​യു​ടെ നാ​ണ​യ​മാ​ണ് വ്യാ​പ​ക​മാ​യി പ്ര​ച​രി​ക്കു​ന്ന​ത്. ഇ​തി​നൊ​പ്പം ഇ​നി ഒ​രു രൂ​പ​യു​ടെ നോ​ട്ടും പ്ര​ചാ​ര​ത്തി​ലാ​വും. പിങ്ക് നിറത്തിലും പച്ച നിറത്തിലുമാകും പുതിയ നോട്ടുകൾ അച്ചടിക്കുക. നോ​ട്ടി​ന്‍റെ പി​ൻ​ഭാ​ഗ​ത്ത് ഒ​രു രൂ​പ നാ​ണ​യ​ത്തി​ന്‍റെ ചി​ത്ര​വും ചേ​ർ​ത്തി​രി​ക്കും.

സാ​മ്പ​ത്തി​ക​കാ​ര്യ സെ​ക്ര​ട്ട​റി ശ​ക്തി​കാ​ന്ത ദാ​സി​ന്‍റെ ഒ​പ്പോ​ടു​കൂ​ടി​യ​താ​വും പു​തി​യ നോ​ട്ട്. ഒരു രൂപ നോട്ടുകൾ ഇതിനോടകം തന്നെ അച്ചടിച്ച് വച്ചിട്ടുണ്ട്. ഇന്ത്യൻ രൂപയുടെ ചിഹ്നവും നോട്ടിൽ ഉൾക്കൊള്ളിച്ചിട്ടുണ്ട്. ഒരു രൂപ നോട്ടുകളുടെ അച്ചടി 20 വര്‍ഷം മുമ്പ് നിര്‍ത്തിയിരുന്നു. ധനകാര്യ സെക്രട്ടറി ശക്തികാന്ത ദാസിന്റെ ഒപ്പാവും നോട്ടിലുണ്ടാകുക.

500, 1000 നോട്ടുകള്‍ അസാധുവാക്കി കേന്ദ്രം നേരത്തേ 500, 2000 രൂപയുടെ പുതിയ കറന്‍സികള്‍ പുറത്തിറക്കിയിരുന്നു. ഒരു രൂപയുടെ നോട്ടും പ്രചാരത്തില്‍ വരുന്നതോടെ ചില്ലറക്ഷാമം ഇല്ലാതാക്കാനാകുമെന്നാണ് കേന്ദ്രത്തിന്റെ പ്രതീക്ഷ.