Latest News

തീവ്രവാദി ഏറ്റുമുട്ടൽ: ജമ്മു കശ്മീരിൽ നാല് സൈനികർ കൊല്ലപ്പെട്ടു

മൂന്ന് ഭീകരവാദികളെയും സുരക്ഷ സേന കൊലപ്പെടുത്തിയതായി പ്രതിരോധ വക്താവ് അറിയിച്ചു

Jammu Kashmir, j&k encounter, j&k militants killed, machil sector encounter, Kashmir infiltration bid, indian express

ശ്രീനഗർ: ജമ്മു കശ്മീരിൽ തീവ്രവാദികളുമായുള്ള ഏറ്റുമുട്ടലിൽ നാല് സൈനികർ കൊല്ലപ്പെട്ടു. വടക്കൻ കശ്മീരിലെ കുപ്‌വാര ജില്ലയിലെ നിയന്ത്രണ രേഖയിലൂടെ തീവ്രവാദികൾ നുഴഞ്ഞുകയറാൻ ശ്രമിച്ചതിനെത്തുടർന്നാണ് ഞായറാഴ്ച രാവിലെ ഏറ്റുമുട്ടലുണ്ടായത്. മൂന്ന് സൈനികർക്കും ഒരു ബിഎസ്എഫ് ജവാനുമാണ് ഏറ്റുമുട്ടലിൽ ജീവൻ നഷ്ടമായത്. മൂന്ന് ഭീകരവാദികളെയും സുരക്ഷ സേന കൊലപ്പെടുത്തിയതായി പ്രതിരോധ വക്താവ് അറിയിച്ചു.

പുലർച്ചെ ഒരു മണിയോടെയാണ് നിയന്ത്രണ രേഖയുടെ മൂന്ന് കിലോമീറ്റർ അടുത്ത് ഭീകരവാദികളുടെ സാനിധ്യം ബിഎസ്എഫ് പട്രോളിങ് സംഘത്തിന്റെ ശ്രദ്ധയിൽപ്പെട്ടത്. ഉടൻ തന്നെ ഏറ്റുമുട്ടലിലേക്ക് നീങ്ങുകയായിരുന്നെന്നും വക്താവ് വ്യക്തമാക്കി. ആര്‍മി ക്യാപ്റ്റനും രണ്ട് സൈനിക ഓഫീസര്‍മാരും ഒരു ബിഎസ്എഫ് ജവാനും മരിച്ചവരില്‍ ഉള്‍പ്പെടുന്നു.

നാല് മണിയോടെ വെടിവയ്പ്പ് നിന്നെങ്കിലും 10.20 ഓടുകൂടി നിയന്ത്രണ രേഖയ്ക്ക് 1.5 കിലോമീറ്റർ അടുത്ത് വരെയെത്തിയ ഭീകരവാദികൾ വെടിവയ്പ്പ് തുടരുകയായിരുന്നു. ഏറ്റുമുട്ടലിൽ മൂന്ന് സൈനികർക്ക് പരുക്ക് പറ്റിയിട്ടുണ്ട്. ഇവരെ സൈനിക ആശുപത്രിയിലേക്ക് മാറ്റി.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Encounter in machil sector defence personnel and militants killed

Next Story
നോട്ട് നിരോധനം കാരണം നികുതിപിരിവ് മെച്ചപ്പെട്ടെന്ന് ധനമന്ത്രി; നേട്ടം മോദിയുടെ വേണ്ടപ്പെട്ടവർക്ക് മാത്രമെന്ന് രാഹുൽdemonetisation impact, demonetisation impact economy, finance minister nirmala sitharaman on demonetisation, congress on demonetisation, narendra modi, congress, indian express news"
The moderation of comments is automated and not cleared manually by malayalam.indianexpress.com