scorecardresearch

Latest News

Live: മഹാരാഷ്ട്രയ്ക്കും ഹരിയാനയ്ക്കുമൊപ്പം കേരളത്തിലും ഉപതിരഞ്ഞെടുപ്പ് ഒക്ടോബർ 21ന്

ഘട്ടം ഘട്ടമായി തെരഞ്ഞെടുപ്പ് നടത്താനാണ് തെരഞ്ഞെടുപ്പ് കമ്മീഷന്‍റെ തീരുമാനമെന്നാണ് സൂചന

ന്യൂഡൽഹി: രണ്ട് സംസ്ഥാനങ്ങളിലെ നിയമസഭകളിലേക്കുള്ള തിരഞ്ഞെടുപ്പ് തീയതികൾ ഇന്ന് പ്രഖ്യാപിച്ചു. മഹാരാഷ്ട്ര, ഹരിയാന സംസ്ഥാനങ്ങളിലെ നിയമസഭകളിലേക്കാണ് തിരഞ്ഞെടുപ്പ് നടക്കുന്നത്. ഒക്ടോബർ 21നാണ് ഇരു സംസ്ഥാനങ്ങളിലും തിരഞ്ഞെടുപ്പ്. കേരളത്തിലെ അഞ്ച് നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പും ഒക്ടോബർ 21ന് നടക്കും. വട്ടിയൂര്‍കാവ്, കോന്നി, അരൂര്‍, എറണാകുളം , മഞ്ചേശ്വരം മണ്ഡലങ്ങളിലേക്കാണ് സംസ്ഥാനത്ത് ഉപതെരഞ്ഞെടുപ്പ്.

ഘട്ടം ഘട്ടമായി തെരഞ്ഞെടുപ്പ് നടത്താനാണ് തെരഞ്ഞെടുപ്പ് കമ്മിഷന്‍റെ തീരുമാനമെന്നാണ് സൂചന. അങ്ങനെയെങ്കിൽ ജാർഖണ്ഡ് നിയമസഭാ തിരഞ്ഞെടുപ്പ് തീയതി പിന്നീട് മാത്രമേ പ്രഖ്യാപിക്കു.
ഹരിയാന നിയമസഭയുടെ കാലാവധി നവംബർ രണ്ടിനാണ് അവസാനിക്കുന്നത്. 90 സീറ്റുകളാണ് ഹരിയാന സംസ്ഥാനത്ത് ഉള്ളത്. 288 അംഗങ്ങളുള്ള മഹാരാഷ്ട്ര നിയമസഭയുടെ കാലാവധി നവംബർ എട്ടിനും അവസാനിക്കും. രണ്ടും ബിജെപി സർക്കാരുകൾ ഭരിക്കുന്ന സംസ്ഥാനങ്ങളാണ്. രണ്ടിടത്തം ബിജെപി ഭരണത്തുടർച്ച പ്രതീക്ഷിക്കുന്നുണ്ട്.

Live Blog

The Election Commission will announce the dates for the upcoming assembly polls in Maharashtra and Haryana today-രണ്ട് സംസ്ഥാനങ്ങളിലെ നിയമസഭകളിലേക്കുള്ള തിരഞ്ഞെടുപ്പ് തിയതി പ്രഖ്യാപനം ഉടൻ














12:44 (IST)21 Sep 2019





















18 സംസ്ഥാനങ്ങളിലെ 65 നിയമസഭാ മണ്ഡലങ്ങളിൽ ഉപതിരഞ്ഞെടുപ്പ്

കേരളം ഉൾപ്പടെ 18 സംസ്ഥാനങ്ങളിലാണ് ഉപതിരഞ്ഞെടുപ്പ് നടക്കുന്നത്.  കർണാടകയിലെ 15 മണ്ഡലങ്ങളിലാണ് ഉപതിരഞ്ഞെടുപ്പ്.

12:40 (IST)21 Sep 2019





















വോട്ടെണ്ണൽ ഒക്ടോബർ 24ന്

ഉപതിരഞ്ഞെടുപ്പ് നടക്കുന്ന കേരളത്തിലെ അഞ്ച് മണ്ഡലങ്ങളിൽ വിജ്ഞാപനം സെപ്റ്റംബർ 23ന് പുറപ്പെടുവിക്കും. സെപ്റ്റംബർ 30 വരെ നാമനിർദേശപത്രിക സമർപ്പിക്കാം. ഒക്ടോബർ ഒന്നിന് സൂക്ഷമ പരിശോധന നടക്കും. പത്രിക പിൻവലിക്കുന്നതിനുള്ള അവസാന തീയതി ഒക്ടോബർ മൂന്നാണ്. ഒക്ടോബർ 21ന് വോട്ടെടുപ്പും 24ന് വോട്ടെണ്ണലുമാണ്.

12:34 (IST)21 Sep 2019





















കേരളത്തിലും ഉപതിരഞ്ഞെടുപ്പ്

കേരളത്തിലെ അഞ്ച് നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പും ഒക്ടോബർ 21ന് നടക്കും. വട്ടിയൂര്‍കാവ്, കോന്നി, അരൂര്‍, എറണാകുളം , മഞ്ചേശ്വരം മണ്ഡലങ്ങളിലേക്കാണ് സംസ്ഥാനത്ത് ഉപതെരഞ്ഞെടുപ്പ്.

12:31 (IST)21 Sep 2019





















വോട്ടെണ്ണൽ ഒക്ടോബർ 24ന്

മഹാരാഷ്ട്രയിൽ തിരഞ്ഞെടുപ്പ് വിജ്ഞാപനം സെപ്റ്റംബർ 27ന്. നാമനിർദേശ പത്രിക സമർപ്പിക്കുന്നതിനുള്ള അവസാന തീയതി ഒക്ടോബർ നാല്. ഒക്ടോബർ 21ന് തിരഞ്ഞെടുപ്പും ഒക്ടോബർ 24ന് വോട്ടെണ്ണലും നടക്കും.

12:24 (IST)21 Sep 2019





















തിരഞ്ഞെടുപ്പ് ഒക്ടോബർ 21ന്

മഹാരാഷ്ട്ര, ഹരിയാന സംസ്ഥാനങ്ങളിലെ നിയമസഭകളിലേക്കുള്ള തിരഞ്ഞെടുപ്പ് ഒക്ടോബർ 21ന് നടക്കും

12:23 (IST)21 Sep 2019





















തിരഞ്ഞെടുപ്പ് പെരുമാറ്റച്ചട്ടം നിലവിൽ വന്നു

ഹരിയാന, മഹാരാഷ്ട്ര സംസ്ഥാനങ്ങളിൽ തിരഞ്ഞെടുപ്പ് പെരുമാറ്റച്ചട്ടം നിലവിൽ വന്നു

12:20 (IST)21 Sep 2019





















തിരഞ്ഞെടുപ്പ് പ്രചരണത്തിന് 28 ലക്ഷം വരെ

തിരഞ്ഞെടുപ്പ് പ്രചരണത്തിനായി ഓരോ സ്ഥാനാർഥിക്കും 28 ലക്ഷം രൂപ വരെ ഉപയോഗിക്കാം. പരിസ്ഥിതി സൗഹൃദ വസ്തുക്കൾ ഉപയോഗിച്ച് വേണം പ്രചരണം നടത്താനെന്നും തിരഞ്ഞെടുപ്പ് കമ്മിഷൻ നിർദേശിച്ചു.

12:04 (IST)21 Sep 2019





















വാർത്താ സമ്മേളനം ആരംഭിച്ചു

മുഖ്യതിരഞ്ഞെടുപ്പ് കമ്മീഷണർ സുനിൽ അറോറയുടെ വാർത്ത സമ്മേളനം ആരംഭിച്ചു

12:03 (IST)21 Sep 2019





















രണ്ട് സംസ്ഥാനങ്ങളിലും ബിജെപി ഭരണതുടർച്ച പ്രതീക്ഷിക്കുന്നു

ഹരിയാന നിയമസഭയുടെ കാലാവധി നവംബർ രണ്ടിനാണ് അവസാനിക്കുന്നത്. 90 സീറ്റാണ് ഹരിയാന സംസ്ഥാനത്ത് ഉള്ളത്. 288 അംഗങ്ങളുള്ള മഹാരാഷ്ട്ര നിയമസഭയുടെ കാലാവധി നവംബർ എട്ടിനും അവസാനിക്കും. രണ്ടും ബിജെപി സർക്കാരുകൾ ഭരിക്കുന്ന സംസ്ഥാനങ്ങളാണ്. രണ്ടിടത്തം ബിജെപി ഭരണതുടർച്ച പ്രതീക്ഷിക്കുന്നുണ്ട്.

12:02 (IST)21 Sep 2019





















ഉപതിരഞ്ഞെടുപ്പിനൊരുങ്ങി കേരളത്തിലെ അഞ്ച് മണ്ഡലങ്ങൾ

പാലാ ഉപതിരഞ്ഞെടുപ്പിന്റെ കൊട്ടിക്കലാശം അവസാനിച്ചതിന് പിന്നാലെ തിരഞ്ഞെടുപ്പ് പ്രഖ്യാപനത്തിന് കാത്തിരിക്കുകയാണ് കേരളത്തിലെ അഞ്ച് നിയമസഭാ മണ്ഡലങ്ങൾ. വട്ടിയൂര്‍കാവ്, കോന്നി, അരൂര്‍, എറണാകുളം , മഞ്ചേശ്വരം മണ്ഡലങ്ങളിലേക്കാണ് സംസ്ഥാനത്ത് ഉപതെരഞ്ഞെടുപ്പ് നടക്കേണ്ടത്.

11:52 (IST)21 Sep 2019





















ജാർഖണ്ഡ് നിയമസഭാ തിരഞ്ഞെടുപ്പ് തീയതി പിന്നീട് മാത്രമേ പ്രഖ്യാപിക്കു

ഘട്ടം ഘട്ടമായി തെരഞ്ഞെടുപ്പ് നടത്താനാണ് തെരഞ്ഞെടുപ്പ് കമ്മീഷന്‍റെ തീരുമാനമെന്നാണ് സൂചന. അങ്ങനെയെങ്കിൽ ജാർഖണ്ഡ് നിയമസഭാ തിരഞ്ഞെടുപ്പ് തീയതി പിന്നീട് മാത്രമേ പ്രഖ്യാപിക്കു. കേരളത്തിലെ വിവിധ നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പ് തീയതികളും ഇന്ന് പ്രഖ്യാപിച്ചേക്കും.

Stay updated with the latest news headlines and all the latest News news download Indian Express Malayalam App.

Web Title: Ec announce poll dates for maharashtra haryana and by election in kerala live updates