Latest News

e-RUPI- ഇ റുപ്പി: പുതിയ ഡിജിറ്റൽ പേയ്മെന്റ് സംവിധാനം പ്രധാനമന്ത്രി ഉദ്ഘാടനം ചെയ്തു

കാർഡുകളോ ഡിജിറ്റൽ പെയ്മെന്റ് ആപ്പുകളോ ഓൺലൈൻ ബാങ്കിങ്ങ് സംവിധാനങ്ങളോ ഇല്ലാത്തവർക്കും ഇ-റുപ്പി ഉപയോഗിക്കാം

parliament, parliament pegasus, parliament pegasus row, parliament monsoon session, parliament monsoon session 2020 live, parliament today, parliament today live, parliament live news, parliament news, rajya sabha, india china, rajya sabha today live, lok sabha, lok sabha live, lok sabha live news, lok sabha live news updates, coronavirus, ie malayalam

e-RUPI: രാജ്യത്തെ പുതിയ ഡിജിറ്റൽ പേയ്മെന്റ് സംവിധാനമായ ഇ-റുപ്പി പ്രധാനമന്ത്രി നരേന്ദ്രമോദി ഉദ്ഘാടനം ചെയ്തു. ഇലക്ട്രോണിക് വൗച്ചർ അടിസ്ഥാനമാക്കിയുള്ള ഡിജിറ്റൽ പേയ്മെന്റ് സംവിധാനമാണ് ഇ-റുപ്പി. ഡിജിറ്റൽ പേയ്‌മെന്റിനുള്ള പണരഹിതവും സമ്പർക്കരഹിതവുമായ സംവിധാനമാണ് ഇത്. ഇത് ഒരു ക്യുആർ കോഡോ അല്ലെങ്കിൽ എസ്എംഎസ് സന്ദേശം വഴി ഗുണഭോക്താക്കളുടെ മൊബൈൽ ഫോണുകളിൽ ഇ-റുപ്പി ലഭ്യമാക്കാനാവും.

കാർഡുകളോ ഡിജിറ്റൽ പെയ്മെന്റ് ആപ്പുകളോ ഓൺലൈൻ ബാങ്കിങ് സംവിധാനങ്ങളോ ഇല്ലാത്തവർക്കും ഇ-റുപ്പിയുടെ ഒറ്റത്തവണ പണമിടപാട് നടത്താനുള്ള വൗച്ചറുകൾ ഉപയോഗിക്കാനാവും.

നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) അതിന്റെ യൂണിഫൈഡ് പേയ്‌മെന്റ് ഇന്റർഫേസ് (യുപിഐ) പ്ലാറ്റ്‌ഫോമിൽ, സാമ്പത്തിക സേവന വകുപ്പ്, ആരോഗ്യ കുടുംബക്ഷേമ മന്ത്രാലയം, ദേശീയ ആരോഗ്യ അതോറിറ്റി എന്നിവയുടെ സഹകരണത്തോടെയാണ് ഇ-റുപ്പി പ്ലാറ്റ്ഫോം വികസിപ്പിച്ചത്.

Read More: എന്താണ് ഇ- റുപ്പി; എങ്ങനെയാണ് പ്രവർത്തിക്കുന്നത്?

ആയുഷ്മാൻ ഭാരത് പ്രധാനമന്ത്രി ജൻ ആരോഗ്യ യോജന പോലുള്ള പദ്ധതികൾക്ക് കീഴിൽ മാതൃ-ശിശു ക്ഷേമ പദ്ധതികൾ, ക്ഷയരോഗ നിർമാർജന പരിപാടികൾ, മരുന്നുകൾ, രോഗനിർണയം എന്നിവ പോലുള്ള സേവനങ്ങൾ വിവിധ സബ്സിഡികൾ എന്നിവ ഇ-റൂപ്പി ഉപയോഗിച്ച് ലഭ്യമാക്കുമെന്ന് പ്രധാനമന്ത്രിയുടെ ഓഫീസ് ഇത് സംബന്ധിച്ച പ്രസ്താവനയിൽ അറിയിച്ചിരുന്നു.

സ്വകാര്യ മേഖലയിലെ സ്ഥാപനങ്ങൾക്കും ഈ ഡിജിറ്റൽ വൗച്ചറുകൾ അവരുടെ ജീവനക്കാരുടെ ക്ഷേമത്തിന്റെയും കോർപ്പറേറ്റ് സോഷ്യൽ റെസ്പോൺസിബിളിറ്റി പരിപാടികളുടെയും ഭാഗമായി പ്രയോജനപ്പെടുത്താനാകുമെന്നും പ്രസ്താവനയിൽ പറയുന്നു.

സർക്കാരിന്റെ ഡയരക്ട് ബെനിഫിറ്റ് ട്രാൻസ്ഫർ പദ്ധതി (ഡിബിടി) ശക്തിപ്പെടുത്തുന്നതിൽ ഇ-റുപ്പി വൗച്ചർ വലിയ പങ്കുവഹിക്കാൻ പോവുകയാണെന്ന് പുതിയ പ്ലാറ്റ്ഫോമിന് തുടക്കം കുറിച്ചുകൊണ്ട് മോദി പറഞ്ഞു. എല്ലാവർക്കും സുതാര്യവും പാളിച്ചകളില്ലാത്തതുമായ സേവനം ഉറപ്പാക്കാൻ ഇ-റുപ്പി സഹായിക്കുമെന്നും അദ്ദേഹം പറഞ്ഞു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: E rupi prime minister pm narendra modi launches cashless and contactless digital payment solution

The moderation of comments is automated and not cleared manually by malayalam.indianexpress.com
Best of Express