നരേന്ദ്രമോദിക്ക് ഡച്ച് പ്രധാനമന്ത്രി സമ്മാനിച്ചത് സൈക്കിള്‍

ന്യൂഡൽഹി: നെതർലാൻഡ്​ സന്ദർശനത്തിന് എത്തിയ ഇന്ത്യൻ പ്രധാനമന്ത്രി നരേന്ദ്ര മോദിക്ക്​ ​ഡച്ച്​ പ്രധാനമന്ത്രി മാർക്​ റു​ട്ടെ നൽകിയിത്​ കൗതുകകരമായ ഒരു സമ്മാനം. ഒരു സൈക്കിളാണ് റുട്ടെ മോദിക്ക് നല്‍കിയത്. റുട്ടെ സമ്മാനിച്ച സൈക്കിളുമായി ചിരിച്ചു നില്‍ക്കുന്ന ഫോട്ടോ പ്രധാനമന്ത്രി നരേന്ദ്രമേദി തന്നെയാണ് അദ്ദേഹത്തിന്റെ ട്വിറ്റര്‍ പേജില്‍ പോസ്റ്റ് ചെയ്തിരിക്കുന്നത്.

Thank you @MinPres@markrutte for the bicycle. pic.twitter.com/tTVPfGNC9k

— Narendra Modi (@narendramodi) June 28, 2017

മോദിക്ക് അടുത്തായി ഡച്ച് പ്രധാനമന്ത്രിയും നില്‍ക്കുന്നുണ്ട്. നെതർലാൻഡിൽ യാത്രക്ക്​ ഏറ്റവും കൂടുതൽ ഉപയോഗിക്കുന്ന വാഹനമാണ്​ സൈക്കിൾ. ഡച്ച്​ പ്രധാനമന്ത്രി മാർക്​ റു​ട്ടെ ദിവസവും ജോലിക്ക്​ വരുന്നത്​​ സൈക്കിളിലാണ്​. ബുളളറ്റ് പ്രൂഫ് കാറുകളും മറ്റും വളരെ നിര്‍ണായകമായ പരിപാടികളില്‍ പങ്കെടുക്കുമ്പോള്‍ മാത്രമാണ് ഉപയോഗിക്കാറുളളത്. സൈക്കിള്‍ സമ്മാനിച്ച റുട്ടെയ്ക്ക് നന്ദി പ്രകാശിപ്പിച്ചാണ് മോദി ട്വിറ്ററില്‍ ഫോട്ടോ പോസ്റ്റ് ചെയ്തിരിക്കുന്നത്.