കൊച്ചി: പറയുന്ന എല്ലാ കാര്യങ്ങളും അംഗീകരിക്കണമെന്നില്ലെന്ന് പ്രധാനമന്ത്രി നരേന്ദ്ര മോദി. എന്നാൽ പൊതുസമൂഹത്തിൽ പറയുന്ന വിവിധ അഭിപ്രായങ്ങൾ കേൾക്കാനുള്ള മര്യാദയെങ്കിലും കാണിക്കണമെന്ന് അദ്ദേഹം കൂട്ടിച്ചേർത്തു. മനോരമ ന്യൂസിന്റെ കോൺക്ലേവ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

നമുക്ക് കഴിയുമോ എന്ന ആശങ്കയിൽനിന്നു നമുക്ക് സാധിക്കും എന്ന പോസിറ്റീവ് മനോഭാവത്തിലേക്ക് കഴിഞ്ഞ അഞ്ചു വർഷം കൊണ്ട് ഇന്ത്യൻ ജനത മാറിയെന്നു മോദി പറഞ്ഞു. അഴിമതി ഒരു അവസരം പോലും അല്ലാത്ത ഇന്ത്യയാണിതെന്നും, ഇവിടെ യുവാക്കളുടെ കുടുംബപ്പേര് ഒരു വിഷയമല്ല, അവരുടെ പേര് രേഖപ്പെടുത്താൻ അവർക്ക് എന്ത് ചെയ്യാൻ സാധിക്കുമെന്നതാണ് കാര്യമെന്നും പ്രധാനമന്ത്രി കൂട്ടിച്ചേർത്തു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook