ചെന്നൈ: തമിഴ്നാട് മുഖ്യമന്ത്രിയായി സത്യപ്രതിജ്ഞ ചെയ്ത എടപ്പാടി കെ പളനിസാമി നാളെ നിയമസഭയില്‍ വിശ്വാസ വോട്ട് തേടും. മന്ത്രിസഭ രൂപീകരിക്കാന്‍ പളനിസാമിയെ ക്ഷണിച്ച ഗവര്‍ണര്‍ വിദ്യാസാഗര്‍ റാവു 15 ദിവസത്തിനകം വിശ്വാസവോട്ട് തേടാനാണ് ആവശ്യപ്പെട്ടിരുന്നത്.

എന്നാല്‍ കൂവത്തൂരിലെ റിസോര്‍ട്ടില്‍ തുടരുന്ന എംഎല്‍മാരെ വശത്താക്കാന്‍ പനീര്‍ശെല്‍വം പക്ഷം ശ്രമം തുടങ്ങിയ സാഹചര്യത്തില്‍ വിശ്വാസവോട്ട് നീട്ടിക്കൊണ്ട് പോകുന്നത് പളനിസാമിക്ക് ഗുണം ചെയ്യില്ല. ഇതിനിടെ എടപ്പാടി പളനിസാമിക്ക് വോട്ട് ചെയ്യില്ലെന്ന് അറിയിച്ച് പ്രതിപക്ഷ പാര്‍ട്ടികളായ ഡിഎംകെയും കോണ്‍ഗ്രസും രംഗത്തെത്തി.

89 എംഎല്‍എമാരും പങ്കെടുത്ത യോഗത്തിലാണ് എടപ്പാടിക്ക് എതിരായി വോട്ട് ചെയ്യണമെന്ന് ഡിഎംകെ നേതാവ് സ്റ്റാലിന്‍ അറിയിച്ചത്. കോണ്‍ഗ്രസിന്റെ എട്ട് എംഎല്‍മാരോടും നാളെ നിയമസഭയില്‍ ഹാജരായി എടപ്പാടിക്ക് എതിരെ വോട്ട് ചെയ്യണമെന്ന് അറിയിച്ചിട്ടുണ്ട്.

ര​ഹ​സ്യ​ബാ​ല​റ്റി​ലൂ​ടെ വേ​ണം വി​ശ്വാ​സ​വോ​ട്ടെ​ടു​പ്പ് ന​ട​ത്താ​നെ​ന്ന് ഒ. ​പ​നീ​ർ​ശെ​ൽ​വം ക്യാ​ന്പ് ആവശ്യപ്പെട്ടിട്ടുണ്ട്. വെ​ള്ളി​യാ​ഴ്ച രാ​വി​ലെ പ​നീ​ർ​ശെ​ൽ​വ​ത്തി​ന്‍റെ വീ​ട്ടി​ൽ​ന​ട​ന്ന യോ​ഗ​ത്തി​ലാ​ണ് വി​ശ്വാ​സ​വോ​ട്ടെ​ടു​പ്പി​ൽ ര​ഹ​സ്യ​ബാ​ല​റ്റ് ആ​വ​ശ്യ​പ്പെ​ടാ​ൻ തീ​രു​മാ​നി​ച്ച​ത്. പ​നീ​ർ​ശെ​ൽ​വം ക്യാ​ന്പി​ലെ നേ​താ​ക്ക​ൾ ഗ​വ​ർ​ണ​റെ ക​ണ്ട് ഇ​ക്കാ​ര്യം ആ​വ​ശ്യ​പ്പെ​ടു​ക​യും ചെ​യ്തു.

പ​ള​നി​സ്വാ​മി ക്യാ​ന്പി​ലെ എം​എ​ൽ​എ​മാ​രെ ക​ഴി​ഞ്ഞ പ​ത്തു​ദി​വ​സ​മാ​യി കൂ​വ​ത്തൂ​രി​ലെ റി​സോ​ർ​ട്ടി​ലാ​ണ് താ​മ​സി​പ്പി​ച്ചി​രി​ക്കു​ന്ന​ത്. ശ​നി​യാ​ഴ്ച രാ​വി​ലെ മാ​ത്ര​മേ ഇ​വ​രെ പു​റ​ത്തി​റ​ക്കു​ക​യു​ള്ളു. റി​സോ​ർ​ട്ടി​ൽ എം​എ​ൽ​എ​മാ​ർ​ക്കും പ്ര​മു​ഖ നേ​താ​ക്ക​ൾ​ക്കും മാ​ത്ര​മാ​ണ് പ്ര​വേ​ശ​നം അ​നു​വ​ദി​ച്ചി​രി​ക്കു​ന്ന​ത്.

വെ​ള്ളി​യാ​ഴ്ച മൈ​ലാ​പ്പൂ​ർ എം​എ​ൽ​എ ആ​ർ. ന​ട​രാ​ജ​ൻ പ​നീ​ർ​ശെ​ൽ​വം പ​ക്ഷ​ത്തേ​ക്കു മാ​റി​യി​രു​ന്നു. 31 അം​ഗ മ​ന്ത്രി​സ​ഭ​യാ​ണ് പ​ള​നി​സ്വാ​മി​യു​ടെ നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സം ത​മി​ഴ്നാ​ട്ടി​ൽ അ​ധി​കാ​ര​ത്തി​ലെ​ത്തി​യ​ത്. പ​ള​നി​സ്വാ​മി​ക്കു 123 എം​എ​ൽ​എ​മാ​രു​ടെ പി​ന്തു​ണ​യാ​ണ് ഇ​പ്പോ​ൾ ഉ​ള്ള​ത്. കേ​വ​ല ഭൂ​രി​പ​ക്ഷ​ത്തി​നു 117 എം​എ​ൽ​എ​മാ​രു​ടെ പി​ന്തു​ണ​യാ​ണ് വേ​ണ്ട​ത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook