Latest News
സംസ്ഥാനത്ത് മഴ തുടരും; ഏഴ് ജില്ലകളില്‍ യെല്ലൊ അലര്‍ട്ട്
ഇന്ന് ചെറിയ പെരുന്നാള്‍; ലോക്ക്ഡൗണ്‍ മാര്‍ഗനിര്‍ദേശങ്ങള്‍ പാലിച്ച് ആഘോഷം
ഇസ്രയേലിന് പിന്തുണ, സംഘര്‍ഷം ഉടന്‍ അവസാനിക്കുമെന്നാണ് പ്രതീക്ഷ: ജോ ബൈഡന്‍
35-ാം വയസില്‍ പുതിയ ചരിത്രം കുറിച്ച് ക്രിസ്റ്റ്യാനോ റൊണാള്‍ഡൊ
രാജ്യത്ത് 3.62 ലക്ഷം പുതിയ കേസുകള്‍; 4,120 മരണം

മ്യൂസിക്കിനെ ചൊല്ലി പബ്ബില്‍ തര്‍ക്കം; ബോഡി ബില്‍ഡറെ ഡിജെ കുത്തിക്കൊന്നു

ഇയാളുടെ ഒരു പെണ്‍സുഹൃത്തിനും മറ്റൊരാള്‍ക്കും അക്രമത്തില്‍ പരുക്കേറ്റിട്ടുണ്ട്

ന്യൂഡല്‍ഹി: പാട്ടിനെ ചൊല്ലിയുണ്ടായ തര്‍ക്കത്തെ തുടര്‍ന്ന് ഡല്‍ഹിയിലെ പബ്ബില്‍ ബോഡി ബില്‍ഡറെ ഡിജെ കുത്തിക്കൊന്നു. ഞായറാഴ്‌ച രാത്രിയാണ് സംഭവം നടന്നത്. വിജയ് ഗാര്‍ജന്‍ സ്വദേശിയായ 28കാരനായ വിജയ് ദീപ് ആണ് കൊല്ലപ്പെട്ടത്. അടിവയറ്റില്‍ മാരകമായി കുത്തേറ്റ വിജയിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ഇയാളുടെ ഒരു പെണ്‍സുഹൃത്തിനും മറ്റൊരാള്‍ക്കും അക്രമത്തില്‍ പരുക്കേറ്റിട്ടുണ്ട്. അക്രമത്തിന് പിന്നാലെ അക്രമം നടത്തിയ ഡിജെ ദീപക് സ്ഥലത്ത് നിന്നും ഓടി രക്ഷപ്പെട്ടെങ്കിലും പൊലീസ് ഇയാളെ അറസ്റ്റ് ചെയ്തു. പാട്ടിനെ ചൊല്ലിയാണ് തര്‍ക്കം ഉണ്ടായതെന്ന് ദൃക്‌സാക്ഷികള്‍ പറഞ്ഞു. തുടര്‍ന്ന് പബ്ബിലെ റസ്റ്ററന്റില്‍ നിന്നും കത്തി എടുത്ത് കൊണ്ടു വന്ന ഡിജെ വിജയിയെ കുത്തിയെന്നും ദൃക്‌സാക്ഷികള്‍ പൊലീസിനോട് പറഞ്ഞു.

‘ഒരു സുഹൃത്തിന്റെ ജന്മദിനം ആഘോഷിക്കാനാണ് ഞങ്ങള്‍ പബ്ബിലെത്തിയത്. ഞങ്ങള്‍ എട്ട് സുഹൃത്തുക്കളാണ് ഉണ്ടായിരുന്നത്. ഞങ്ങള്‍ക്ക് ഇഷ്ടപ്പെടാതിരുന്ന പാട്ടുകള്‍ വച്ചത് കൊണ്ട് ഡിജെയോട് പാട്ട് മാറ്റാന്‍ ആവശ്യപ്പെട്ടിരുന്നു. പഞ്ചാബി ഗാനം വയ്ക്കാന്‍ ആവശ്യപ്പെട്ടെങ്കിലും അദ്ദേഹം അതിന് തയ്യാറായില്ല. തുടര്‍ന്നാണ് തര്‍ക്കം ഉണ്ടായത്’, വിജയിയുടെ സുഹൃത്ത് പറഞ്ഞു. തര്‍ക്കത്തിനിടെ ഇവരിലൊരാള്‍ ഡിജെയുടെ ലാപ്ടോപ്പില്‍ ഗാനം മാറ്റാന്‍ ശ്രമിച്ചതാണ് കൈയ്യേറ്റത്തിലേക്ക് നയിച്ചതെന്നാണ് വിവരം. ഇതിനിടെ ഇടപെട്ട വിജയിയെ ഡിജെ കത്തികൊണ്ട് ആക്രമിക്കുകയായിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Dj murders gym owner in delhi pub

Next Story
മോദി സർക്കാർ ജനങ്ങളെ ശിക്ഷിക്കുന്നുവെന്ന് മൻമോഹൻ സിങ്Manmohan Singh addresses the media at Karnataka Congress headquarters in Bengaluru on Monday
The moderation of comments is automated and not cleared manually by malayalam.indianexpress.com