Latest News
ടൗട്ടെ ചുഴലിക്കാറ്റ് ഗുജറാത്ത് തീരം തൊട്ടു
കേരളത്തില്‍ അഞ്ച് ജില്ലകളില്‍ ശക്തമായ മഴയ്ക്ക് സാധ്യത
മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളില്‍ യെല്ലൊ അലര്‍ട്ട്
സിപിഎം സെക്രട്ടേറിയറ്റും സിപിഐ നിര്‍വ്വാഹ സമിതി യോഗവും ഇന്ന്
രാജ്യത്ത് കോവിഡ് മരണനിരക്ക് ഉയരുന്നു, 2.63 ലക്ഷം പുതിയ കേസുകള്‍
തീർത്തും തെറ്റായ തീരുമാനം, സത്യപ്രതിജ്ഞ ഓൺലൈൻ ആക്കി സർക്കാർ മാതൃക കാട്ടണം: പാർവതി തിരുവോത്ത്
കോവിഡ് ചികിത്സ: പ്ലാസ്മ തെറാപ്പി ഒഴിവാക്കി, ഫലപ്രദമല്ലെന്ന് ഐസിഎംആര്‍
സത്യപ്രതിജ്ഞ മാമാങ്കത്തില്‍ യുഡിഎഫ് പങ്കെടുക്കില്ല

ചൈനയിലേക്കുള്ള ഇന്ത്യയുടെ കയറ്റുമതിയില്‍ കുതിച്ചുകയറ്റം

ഈ വര്‍ഷം ഏപ്രില്‍-ജൂലൈ മാസങ്ങളില്‍ 31 ശതമാനം വളര്‍ച്ച രേഖപ്പെടുത്തി. ഈ കാലയളവില്‍ 7.29 ബില്ല്യണ്‍ ഡോളറിന്റെ കയറ്റുമതിയാണ് ചൈനയിലേക്ക് ഇന്ത്യ നടത്തിയത്

india china trade, ഇന്ത്യ ചൈന വ്യാപാരം, china exports, ചൈന കയറ്റുമതി, india china exports, ഇന്ത്യ ചൈന കയറ്റുമതി, india china imports, ഇന്ത്യ ചൈന ഇറക്കുമതി, chinese imports, ചൈനയുടെ ഇറക്കുമതി, india china relations, ഇന്ത്യ ചൈന ബന്ധം, iemalayalam

ന്യൂഡല്‍ഹി: സമ്പദ് വ്യവസ്ഥയില്‍ ഇടിവ് ഉണ്ടായിട്ടും ചൈനയിലേക്കുള്ള ഇന്ത്യയുടെ കയറ്റുമതി ഈ വര്‍ഷം ഏപ്രില്‍-ജൂലൈ മാസങ്ങളില്‍ 31 ശതമാനം വളര്‍ച്ച രേഖപ്പെടുത്തി. ഈ കാലയളവില്‍ 7.29 ബില്ല്യണ്‍ ഡോളറിന്റെ കയറ്റുമതിയാണ് ചൈനയിലേക്ക് ഇന്ത്യ നടത്തിയത്.

അതേസമയം, 2020-21 സാമ്പത്തിക വര്‍ഷത്തിന്റെ ആദ്യ നാല് മാസങ്ങളില്‍ മൊത്തം കയറ്റുമതി നെഗറ്റീവ് വളര്‍ച്ചയാണ് രേഖപ്പെടുത്തിയതെന്ന് വാണിജ്യ മന്ത്രാലയത്തിന്റെ വെബ്‌സൈറ്റിലെ കണക്കുകള്‍ കാണിക്കുന്നു.

കഴിഞ്ഞ വര്‍ഷം ഇതേകാലയളവില്‍ 5.57 ബില്ല്യണ്‍ ഡോളറിന്റെ കയറ്റുമതിയാണ് ചൈനയിലേക്ക് നടന്നത്. അതേസമയം, ഈ വര്‍ഷം ഇന്ത്യയുടെ മൊത്തം കയറ്റുമതിയില്‍ 29.99 ശതമാനം കുറവുണ്ടായി. കഴിഞ്ഞ വര്‍ഷം ഇതേ സമയം 107.14 ബില്ല്യണ്‍ ഡോളറുണ്ടായിരുന്ന കയറ്റുമതി ഈ വര്‍ഷം 75.01 ആയി കുറഞ്ഞു.

2007-08-നുശേഷം ചൈനയിലേക്ക് ഏറ്റവും കൂടുതല്‍ കയറ്റുമതി നടന്നത് 2020-21 ഏപ്രില്‍-ജൂലൈ മാസങ്ങളിലാണ്.

Read Also: Dream11 IPL 2020: ഡ്രീം11-ലും ചൈനീസ് ബന്ധം ഒഴിയുന്നില്ല, കൂടെ ധന നഷ്ടവും

ഈ മുന്നേറ്റം കാരണം, ഇന്ത്യയുടെ മൊത്തം കയറ്റുമതിയില്‍ ചൈനയിലേക്കുള്ള പങ്കും വര്‍ദ്ധിച്ചു. കഴിഞ്ഞ വര്‍ഷം ഇതേ കാലയളവില്‍ 5.2 ശതമാനമായിരുന്നത് 9.71 ശതമാനമായി വര്‍ദ്ധിച്ചു.

എല്ലാ വര്‍ഷവും ചൈനയിലേക്കുള്ള ഇന്ത്യയുടെ കയറ്റുമതി ചെറിയ തോതില്‍ വര്‍ദ്ധിക്കുന്നുവെങ്കിലും ഈ വര്‍ഷം കുത്തനെ വര്‍ദ്ധിച്ചു. കഴിഞ്ഞ സാമ്പത്തിക വര്‍ഷം ഇന്ത്യയില്‍ നിന്നും ഏറ്റവും കൂടുതല്‍ സാധനങ്ങള്‍ ഇറക്കുമതി ചെയ്ത രാജ്യങ്ങളില്‍ മൂന്നാം സ്ഥാനം ചൈനയ്ക്കായിരുന്നു. 16.94 ശതമാനമുള്ള യുഎസും 9.21 ശതമാനമുള്ള യുഎഇയുമാണ് ഒന്നും രണ്ടും സ്ഥാനങ്ങളില്‍.

എന്നാല്‍, 2020 ഏപ്രില്‍-ജൂലൈ മാസങ്ങളില്‍ കയറ്റുമതിയില്‍ കുത്തനെയുള്ള വളര്‍ച്ച ഉണ്ടായതിന് പ്രത്യേക കാരണമൊന്നും കണ്ടെത്തിയിട്ടില്ല. ഒരുപക്ഷേ, നേരത്തെ ലഭിച്ച ഓര്‍ഡറുകള്‍ കോവിഡ്-19 ലോക്ക്ഡൗണിനുശേഷം കയറ്റുമതി ചെയ്തത് ആകാം.

മഹാമാരി ആദ്യമായി റിപ്പോര്‍ട്ട് ചെയ്ത ചൈനയില്‍ വ്യാപാര പ്രവര്‍ത്തനങ്ങള്‍ 2020 ജനുവരി-മാര്‍ച്ച് മാസങ്ങളില്‍ തടസ്സപ്പെട്ടിരുന്നു. അതേസമയം, ഇന്ത്യയില്‍ രോഗം വ്യാപിച്ചു തുടങ്ങിയത് മാര്‍ച്ച് 24-ന് ആരംഭിച്ച ലോക്ക്ഡൗണിനെ തുടര്‍ന്നാണ്.

ഈ വര്‍ഷം ജനുവരിയിലും ചൈനയിലേക്കുള്ള കയറ്റുമതി വര്‍ദ്ധിച്ചിരുന്നു. കഴിഞ്ഞ വര്‍ഷം ഇതേമാസത്തേക്കാള്‍ 23.15 ശതമാനം വര്‍ദ്ധനവുണ്ടായി. അതേസമയം, തുടര്‍ന്നുള്ള മൂന്ന് മാസങ്ങളില്‍ കയറ്റുമതി കുറഞ്ഞു. ഇതിന് പിന്നാലെയാണ് മെയ്, ജൂണ്‍, ജൂലൈ മാസങ്ങളില്‍ കുതിച്ചു കയറ്റം ഉണ്ടായത്.

Read in English: Despite slump, exports to China jump 31% to $7.29 billion in April-July

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Despite slump exports to china jump 31 to 7 29 billion in april july

Next Story
രാജ്യത്ത് കോവിഡ് വാക്‌സിൻ മനുഷ്യരിൽ പരീക്ഷണം തുടങ്ങി; ആശ്വാസവാർത്തCovid-19 Vaccine, കോവിഡ്-19 വാക്‌സിന്‍, russia coronavirus vaccine,റഷ്യ കൊറോണവൈറസ് വാക്‌സിന്‍, russia covid-19 vaccine, റഷ്യ കോവിഡ്-19 വാക്‌സിന്‍, russia vaccine, റഷ്യ വാക്‌സിന്‍,putin vaccine, putin coronavirus vaccine, പുടിന്‍ കൊറോണവൈറസ് വാക്‌സിന്‍, russian vaccine name, റഷ്യന്‍ വാക്‌സിന്‍ പേര്, russian vaccine price, റഷ്യന്‍ വാക്‌സിന്‍ വില, Russian vaccine in market, റഷ്യന്‍ വാക്‌സിന്‍ വിപണിയില്‍, russian vaccine india, റഷ്യന്‍ വാക്‌സിന്‍ ഇന്ത്യ, Russian vaccine news, റഷ്യന്‍ വാക്‌സിന്‍ വാര്‍ത്ത, iemalayalam, ഐഇമലയാളം
The moderation of comments is automated and not cleared manually by malayalam.indianexpress.com