നൂറിലധികം റൂട്ടുകളില്‍ ട്രെയിനുകള്‍ വൈകിയോടും; 1500 ട്രെയിനുകള്‍ റദ്ദാക്കി

ന്യൂഡല്‍ഹി: കനത്ത മഞ്ഞ് മൂലം ഡല്‍ഹി ഉള്‍പ്പെടെ ഉത്തരേന്ത്യയിലെ 25ല്‍ അധികം ട്രെയിനുകള്‍ വൈകി ഓടുമെന്ന് റെയില്‍വേ അധികൃതര്‍ അറിയിച്ചു. രാജ്യത്തൊട്ടാകെ നൂറിലധികം റൂട്ടുകളിലായിരിക്കും ട്രെയിനുകള്‍ വൈകി ഓടുക.

മധ്യപ്രദേശ് സമ്പര്‍ക്ക് ക്രാന്തി എക്പ്രസ്സ്, നിസാമുദ്ദീന്‍-സെക്കന്തരാബാദ് എക്‌സ്പ്രസ്സ്, കൊല്‍ക്കത്ത-രാജധാനി എക്‌സ്പ്രസ്സ്, പട്‌ന-രാജധാനി എക്‌സ്പ്രസ്സ് എന്നീ ട്രെയിനുകളും വൈകിയാണ് ഓടുന്നത്. 1500ഓളം ട്രെയിനുകള്‍ റദ്ദാക്കിയിട്ടുമുണ്ട്.

ഫെബ്രുവരി ആറ്, ഏഴ് തീയതികളില്‍ പഞ്ചാബ്, ഹരിയാന എന്നിവിടങ്ങളില്‍ ചെറിയ മഴയ്ക്കുള്ള സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ചുഴലിക്കാറ്റിനുള്ള സാധ്യതയും കാലാവസ്ഥാ വകുപ്പ് മുന്നറിയിപ്പ് നല്‍കുന്നു.