അപകീര്‍ത്തി കേസ്: രാഹുലിന്റെ അപ്പീല്‍ സൂറത്ത് സെഷന്‍സ് കോടതി 26-ന് പരിഗണിക്കും

ന്യൂഡല്‍ഹി: അപകീര്‍ത്തിക്കേസില്‍ സിജെഎം കോടതിയുടെ വിധിക്കെതിരായ രാഹുല്‍ ഗാന്ധിയുടെ അപ്പീല്‍ സൂറത്ത് സെഷന്‍സ് കോടതി അപകീർത്തി കേസിൽ മജിസ്ട്രറ്റ് കോടതി വിധി റദ്ദാക്കണമെന്ന് അവശ്യപ്പെട്ട്  രാഹുൽ ഗാന്ധി നൽകിയ ഹർജി ഈ മാസം 26-ന് പരിഗണിക്കും. ഇന്ന് പരിഗണിക്കാനിരുന്ന കേസായിരുന്നെങ്കിലും അടുത്ത മാസത്തേക്ക് കോടതി മാറ്റിവെക്കുകയായിരുന്നു. 

മോദി പരാമര്‍ശത്തില്‍ തനിക്കെതിരായ അപകീര്‍ത്തിക്കേസ് റദ്ദാക്കണമെന്നാവശ്യപ്പെട്ടാണ് രാഹുല്‍ ഗാന്ധിയുടെ അപ്പീല്‍. മജിസ്‌ട്രേറ്റ് കോടതി വിധി സുപ്രീംകോടതി സ്റ്റേ ചെയ്ത സാഹചര്യത്തിലാണ് അപ്പില്‍ സെഷന്‍സ് കോടതി പരിഗണിക്കുന്നത്.

അപകീര്‍ത്തി കേസില്‍ വിധി സ്റ്റേ ചെയ്യണമെന്ന രാഹുലിന്റെ അപ്പീല്‍ നേരത്തെ തള്ളിയ ജഡ്ജി ആര്‍പി മൊഗേരയുടെ ബെഞ്ചാണ് ഹര്‍ജി പരിഗണിക്കുക. കേസില്‍ പരമാവധി ശിക്ഷ നല്‍കിയത് എന്തിനാണെന്നതായിരുന്നു ശിക്ഷാ വിധി സ്‌റ്റേ ചെയ്തുകൊണ്ടുള്ള സുപ്രീംകോടതിയുടെ ചോദ്യം. പരാമവധി ശിക്ഷ നല്‍കിയത് എന്തിനാണെന്ന് വ്യക്തമാക്കുന്നതില്‍ സെഷന്‍സ് ജഡ്ജിക്ക് കഴിഞ്ഞില്ലെന്നും സുപ്രീം കോടതി ചൂണ്ടിക്കാട്ടി.

എന്തുകൊണ്ട് പരമാവധി ശിക്ഷ നല്‍കിയെന്ന് വിചാരണക്കോടതി വിശദീകരിക്കേണ്ടതുണ്ടെന്നും സുപ്രീം കോടതി ചൂണ്ടികാട്ടി. ഒരു വര്‍ഷവും 11 മാസവും ശിക്ഷിച്ചാല്‍ പോലും രാഹുല്‍ ഗാന്ധി അയോഗ്യനാവില്ലായിരുന്നു എന്നതും സുപ്രീം കോടതി ചൂണ്ടികാട്ടി. മണ്ഡലം ഒഴിഞ്ഞ് കിടക്കുന്നത് ജനങ്ങളുടെ അവകാശത്തെ ബാധിക്കില്ലേയെന്നും കോടതി ചോദിച്ച ശേഷം പരമാവധി ശിക്ഷയെന്ന കീഴ്‌ക്കോടതി വിധി സ്റ്റേ ചെയ്യുകയായിരുന്നു.

മോദിസമുദായത്തെ അപകീര്‍ത്തിപ്പെടുത്തിയെന്ന പൂര്‍ണേഷ് മോദിയുടെ പരാതിയില്‍ മാര്‍ച്ച് 23-നാണ് സി.ജെ.എം. കോടതി രാഹുലിനെ രണ്ടുവര്‍ഷം തടവിന് ശിക്ഷിച്ചത്. ശിക്ഷ സ്റ്റേചെയ്‌തെങ്കിലും വിധിക്ക് സ്റ്റേ ലഭിക്കാത്തതിനാല്‍ രാഹുലിന് ലോക്സഭാംഗത്വം നഷ്ടമായി. എന്നാല്‍, സുപ്രീംകോടതി സ്റ്റേ അനുവദിച്ചതോടെ അംഗത്വം പുനഃസ്ഥാപിച്ചു.