ടോ​ക്കി​യോ: ജ​പ്പാ​നി​ൽ പേ​മാ​രി​യി​ലും മ​ണ്ണി​ടി​ച്ചി​ലി​ലും 54 പേ​ർ മ​രി​ച്ചു. നി​ര​വ​ധി പേ​രെ കാ​ണാ​താ​യി. ഹി​രോ​ഷി​മ​യി​ലാ​ണ് ഏ​റ്റ​വും കൂ​ടു​ത​ൽ നാ​ശ​ന​ഷ്ട​മു​ണ്ടാ​യ​ത്. വ്യാ​ഴാ​ഴ്ച​യു​ണ്ടാ​യ ശ​ക്ത​മാ​യ പേ​മാ​രി​യി​ൽ നൂ​റോ​ളം വീ​ടു​ക​ളാ​ണ് ത​ക​ർ​ന്ന​ത്. 20 ല​ക്ഷ​ത്തോ​ളം ആ​ളു​ക​ൾ വീ​ടു​ക​ൾ ഉ​പേ​ക്ഷി​ച്ച് സു​ര​ക്ഷി​ത കേ​ന്ദ്ര​ങ്ങ​ളി​ലേ​ക്ക് മാ​റേ​ണ്ടി​വ​ന്നു. ഓകയാമയില്‍ നദി കരകവിഞ്ഞൊഴുകി ഒരു ആശുപത്രിക്ക് ചുറ്റും നിറഞ്ഞു. ഇവിടെ രോഗികള്‍ അടക്കം 200ഓളം പേരാണ് കുടുങ്ങിക്കിടക്കുന്നത്.

മഴ തുടരുന്നതിനാല്‍ ഇനിയും മണ്ണിടിച്ചില്‍ ഉണ്ടാകാമെന്ന് അധികൃതര്‍ മുന്നറിയിപ്പ് നല്‍കി. വെളളപ്പൊക്കത്തില്‍ പെട്ടവരെ രക്ഷിക്കാനായി എല്ലാവരും ഒന്നിച്ച് നില്‍ക്കണമെന്ന് പ്രധാനമന്ത്രി ഷിന്‍സോ ആബെ പറഞ്ഞു. പല ഗ്രാമങ്ങളും വെളളത്തിനടിയിലായി. ആ​യി​ര​ക്ക​ണ​ക്കി​നു പോ​ലീ​സ്, അ​ഗ്നി​ശ​മ​ന​സേ​നാം​ഗ​ങ്ങ​ളാ​ണ് ര​ക്ഷാ​പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ടി​രി​ക്കു​ന്ന​ത്.

ടോ​ക്കി​യോ​യ്ക്കു പ​ടി​ഞ്ഞാ​റ് മോ​ട്ടോ​യാ​മ ന​ഗ​ര​ത്തി​ൽ വെ​ള്ളി​യാ​ഴ്ച​യും ശ​നി​യാ​ഴ്ച​യും രാ​വി​ലെ സ​മ​യ​ത്ത് 583 മി​ല്ല​മീ​റ്റ​ർ മ​ഴ​യാ​ണ് പെ​യ്ത​ത്. അ​ടു​ത്ത ഏ​താ​നും ദി​വ​സ​ത്തേ​ക്കു​കൂ​ടി ശ​ക്ത​മാ​യ മ​ഴ തു​ട​രു​മെ​ന്നാ​ണ് കാ​ലാ​വ​സ്ഥാ പ്ര​വ​ച​നം.റോഡുകളില്‍ ചളി നിറഞ്ഞ് ഗതാഗതം തടസ്സപ്പെട്ടിട്ടുണ്ട്. എല്ലായിടത്തും മണ്ണ നീക്കം ചെയ്യുന്ന ജോലിക്കാരുടെ കാഴ്ച്ച ജാപ്പനീസ് മാധ്യമങ്ങള്‍ പുറത്തുവിട്ടു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ