Latest News

ക്രൂയിസ് കപ്പലിലെ മയക്കുമരുന്ന് വേട്ട; എൻസിബി ഉദ്യോഗസ്ഥർ വെള്ളക്കടലാസുകളിൽ ഒപ്പുവപ്പിച്ചതായി സാക്ഷി

“കെ പി ഗൊസാവിയെ ഇപ്പോൾ കാണാനില്ല, എൻസിബി ഉദ്യോഗസ്ഥരോമറ്റ് ആളുകളോ എന്നെ കൊല്ലുകയോ തട്ടിക്കൊണ്ടുപോകുകയോ ചെയ്യുമെന്ന് ഞാൻ ഇപ്പോൾ ഭയപ്പെടുന്നു,” സത്യവാങ്ങ്മൂലത്തിൽ പറയുന്നു

Aryan Khan, Cruise ship drug case, Aryan Khan bail, Narcotics Control Bureau, NCB Aryan Khan, Sha Rukh Khan, Aryan Khan drug case, Aryan Khand drug case news, Arbaaz, Munmun Dhamecha, latest news, malayalam news, indian express malayalam, ie malayalam

മുംബൈ: നാർക്കോട്ടിക് കൺട്രോൾ ബ്യൂറോ (എൻ‌സി‌ബി) ഉദ്യോഗസ്ഥർ എൻ‌സി‌ബി ഓഫീസിൽ വച്ച് 10 വെള്ളക്കടലാസുകളിൽ തന്നെക്കൊണ്ട് ഒപ്പുവപ്പിച്ചതായി കോർഡേലിയ ക്രൂയിസ് കപ്പൽ മയക്കുമരുന്ന് കടത്ത് കേസിലെ സാക്ഷിയായ പ്രഭാകർ സെയിൽ. കേസിലെ സാക്ഷിയായാ ഇപ്പോൾ ഒളിവിലുള്ള കെപി ഗോസാവിയുടെ അംഗരക്ഷകനായാണ് താൻ പ്രവർത്തിച്ചതെന്ന് സെയിൽ അവകാശപ്പെടുന്നു. ഗോസാവിക്കായി മുംബൈ പോലീസ് തിരച്ചിൽ നടത്തുകയാണ്.

എൻസിബി സോണൽ ഡയറക്ടർ സമീർ വാങ്കഡെയ്ക്ക് എട്ട് കോടി രൂപ നൽകേണ്ടിവരുമെന്ന് ഗോസാവി പറയുന്നത് കേട്ടതായും സെയിൽ സത്യവാങ്മൂലത്തിൽ അവകാശപ്പെട്ടു. ഗോസാവിയെ കാണാതായതിനാൽ, തന്റെ ജീവനിൽ ഇപ്പോൾ ഭയമുണ്ടെന്ന് സെയിൽ പറഞ്ഞു.

അഞ്ച് പേജുള്ള സത്യവാങ്മൂലത്തിൽ, ഒക്ടോബർ 2 ന് രാവിലെ എൻസിബി ഓഫീസിൽ എത്താൻ ഗോസവി തന്നോട് ആവശ്യപ്പെട്ടതായി സെയിൽ അവകാശപ്പെട്ടിട്ടുണ്ട്. ഈ സമയത്ത് ഗൊസാവി എൻസിബി ഉദ്യോഗസ്ഥർക്കൊപ്പമുണ്ടായിരുന്നുവെന്ന് സെയിൽ അവകാശപ്പെട്ടു. ഗ്രീൻ ഗേറ്റിനടുത്തുള്ള ക്രൂയിസിനായി കാത്തിരിക്കുന്ന സ്ഥലത്ത് കാത്തിരിക്കാൻ ഗോസവി തന്നോട് ആവശ്യപ്പെട്ടതായി അദ്ദേഹം പറഞ്ഞു.

Also Read: ലഹരി മരുന്ന് ചെറിയ അളവില്‍ കൈവശം വയ്ക്കുന്നതിനും ഉപയോഗിക്കുന്നതിനും ജയില്‍ ശിക്ഷ ഒഴിവാക്കുക: സാമൂഹിക നീതി മന്ത്രാലയം

“ഏകദേശം ഉച്ചക്ക് 1:23 ന് കിരൺ ഗൊസാവി എന്റെ വാട്ട്‌സ്ആപ്പിലേക്ക് ചില ഫോട്ടോഗ്രാഫുകൾ അയച്ചു, എന്നോട് നിരീക്ഷിക്കാനും ഫോട്ടോഗ്രാഫുകളിലെ ആളുകളെ തിരിച്ചറിയാനും പറഞ്ഞു, ആരെങ്കിലും ഗ്രീൻ ഗേറ്റിലൂടെ ക്രൂയിസ് കയറാൻ വരികയാണെങ്കിൽ അത് അറിയിക്കാനും പറഞ്ഞു. അതനുസരിച്ച് ഞാൻ കാത്തിരിക്കുകയായിരുന്നു. പ്രസ്തുത ഫോട്ടോഗ്രാഫിൽ നിന്ന് ഒരാളെ തിരിച്ചറിഞ്ഞു. അയാൾ 2700 നമ്പർ ബസിൽ കയറിയതായി വാട്സ്ആപ്പിൽ അറിയിച്ചു. 4:23 ന്, ഞാൻ തിരിച്ചറിഞ്ഞ ആ വ്യക്തിയെ പിടികൂടിയിട്ടുണ്ടെന്നും 13 പേരെ അറസ്റ്റ് ചെയ്തിട്ടുണ്ടെന്നും അദ്ദേഹം എനിക്ക് മറുപടി നൽകി,” സെയിൽ സത്യവാങ്മൂലത്തിൽ പറയുന്നു.

തുടർന്ന് ഗൊസാവി തന്നെ ആ പ്രദേശത്തേക്ക് വിളിച്ചതായും ഒരു ക്യാബിനിൽ ആര്യൻ ഖാനെ കണ്ടതായും എൻസിബി ഉദ്യോഗസ്ഥർക്കൊപ്പം മുൻമുൻ ധമേച്ചയെ കണ്ടതായും അദ്ദേഹം പറയുന്നു.

എൻസിബി ഉദ്യോഗസ്ഥർ തന്നോട് ഒരു കാലിക്കടലാസിൽ ഒപ്പിടാൻ ആവശ്യപ്പെട്ടതായി കേസിൽ എൻസിബിയുടെ ഒമ്പത് സ്വതന്ത്ര സാക്ഷികളിൽ ഒരാളായ സെയിൽ പറഞ്ഞു.

“പുലർച്ചെ ഒരുമണിക്ക് കെ പി ഗൊസാവിയിൽ നിന്ന് എനിക്ക് ഒരു കോൾ ലഭിച്ചു, ഞാൻ ഒരിടത്ത് ഒപ്പിടണമെന്ന് നിർദ്ദേശിച്ചു, എന്നെ എൻസിബി ഓഫീസിലേക്ക് വിളിച്ചു. ഞാൻ അവിടെയെത്തി, എന്റെ ഒപ്പും പേരും എടുക്കാൻ സമീർ വാങ്കഡെ ജീവനക്കാരോട് നിർദ്ദേശിച്ചു. എൻസിബിയിൽ നിന്നുള്ള ഒരു സലേർക്കർ എന്നോട് 10 കാലിക്കടലാസുകളിൽ ഒപ്പിടാൻ പറഞ്ഞു…” സെയിൽ തന്റെ സത്യവാങ്മൂലത്തിൽ പറയുന്നു.

Also Read: വിദ്യാർത്ഥിനികൾക്ക് സ്കൂട്ടിയും സ്മാർട്ട്ഫോണും, കർഷകരുടെ കടങ്ങൾ എഴുതിത്തള്ളും; യുപി തിരഞ്ഞെടുപ്പ് വാഗ്ദാനങ്ങൾ അവതരിപ്പിച്ച് കോൺഗ്രസ്

ഗോസാവി എൻസിബി ഓഫീസിൽ നിന്ന് പുറത്തിറങ്ങി സാം ഡിസൂസ എന്ന വ്യക്തിയെ കാണുകയും പണവുമായി ബന്ധപ്പെട്ട കാര്യങ്ങൾ ഇരുവരും ചർച്ച ചെയ്യുകയും ചെയ്തുവെന്ന് സെയിൽ തന്റെ സത്യവാങ്മൂലത്തിൽ പറയുന്നു.

“ഞങ്ങൾ ലോവർ പരേലിലെത്തുന്നത് വരെ കെ പി ഗൊസാവി സാമുമായി ഫോണിൽ സംസാരിക്കുകയായിരുന്നു. നിങ്ങൾ 25 കോടിയുടെ ബോംബ് ഇട്ടിട്ടുണ്ടെന്നും നമുക്ക് 18 ൽ തീർപ്പാക്കാമെന്നും സമീർ വാങ്കഡെയ്ക്ക് എട്ട് കോടി നൽകണമെന്നും ഫോണിൽ അവർ പറഞ്ഞിരുന്നു,” സത്യവാങ്മൂലത്തിൽ പറയുന്നു.

ഗോസാവിയും ഡിസൂസയും പിന്നീട് ഒരു പൂജ ദദ്‌ലാനിയെ കണ്ടുമുട്ടിയെന്നും തുടർന്ന് 50 ലക്ഷം രൂപ ശേഖരിക്കാൻ ഗോസാവി അദ്ദേഹത്തോട് ആവശ്യപ്പെട്ടുവെന്നും പറയുന്നു. “രാവിലെ 9:45 ഓടെ ഞാൻ പറഞ്ഞ സ്ഥലത്ത് ഒരു വെള്ള നിറമുള്ള കാർ വന്നു,രണ്ട് ബാഗുകൾ നിറച്ച പണം എനിക്ക് തന്നു, അത് ഞാൻ വാഷിയിലെ വീട്ടിലെത്തി കിരൺ ഗോസവിക്ക് കൊടുത്തു.” പൂജ ദദ്‌ലാനിയാണ് ഷാരൂഖ് ഖാന്റെ മാനേജർ.

ഗൊസാവി പിന്നീട് ട്രൈഡന്റ് ഹോട്ടലിന് സമീപം കൈമാറിയ സാം സാംസൂസയ്ക്ക് പണം നൽകാൻ ആവശ്യപ്പെട്ടു.

അന്നുമുതൽ ഗൊസാവിയെ കാണാനില്ലെന്നും താനും കൊല്ലപ്പെടുമെന്ന് ഭയപ്പെടുന്നുവെന്നും സെയിൽ പറയുന്നു. “കെ പി ഗൊസാവിയെ ഇപ്പോൾ കാണാനില്ല, എൻസിബി ഉദ്യോഗസ്ഥരും ഉൾപ്പെട്ട മറ്റ് ആളുകളും എന്നെ കൊല്ലുകയോ കെ പി ഗോസാവിയെപ്പോലെ തട്ടിക്കൊണ്ടുപോകുകയോ ചെയ്യുമെന്ന് ഞാൻ ഇപ്പോൾ ഭയപ്പെടുന്നു. വലിയ കേസുകളിൽ കാണുന്നത് പോലെ, സാക്ഷികൾ പലപ്പോഴും കൊല്ലപ്പെടുകയോ അവരെ തട്ടിക്കൊണ്ടുപോവുകയോ ചെയ്യുന്നു, അതിനാൽ സത്യം പറയാൻ ഞാൻ ആഗ്രഹിക്കുന്നു, ”സെയിൽ പറഞ്ഞു.

Also Read: കൊറെഗാവ് ഭീമ കേസ്: മുതിര്‍ന്ന പൊലീസ് ഉദ്യോഗസ്ഥര്‍ക്കു സമന്‍സ് പുറപ്പെടുവിക്കാന്‍ ഉത്തരവിട്ട് കമ്മിഷന്‍

ആരോപണങ്ങൾക്ക് ഉചിതമായ മറുപടി നൽകുമെന്ന് എൻസിബി സോണൽ ഡയറക്ടർ സമീർ വാങ്കഡെ പറഞ്ഞു.

അതേസമയം, പുതിയ ആരോപണങ്ങൾ അന്വേഷിക്കണമെന്ന് ശിവസേന എംപി സഞ്ജയ് റാവത്ത് ആവശ്യപ്പെട്ടു. എൻസിബി കാലിക്കടലാസുകളിൽ ഒപ്പുവയ്പ്പിച്ചതായി ആര്യൻഖാൻ കേസിലെ സാക്ഷികൾ പറഞ്ഞത് ഞെട്ടിപ്പിക്കുന്നതാണ്. കൂടാതെ, വലിയ പണത്തിന്റെ ഇടപാട് നടന്നെന്ന റിപ്പോർട്ട് ഞെട്ടിപ്പിക്കുന്നതാണ്. ഇത് മഹാരാഷ്ട്രയെ അപകീർത്തിപ്പെടുത്താനുള്ള ശ്രമങ്ങളാണെന്ന് മുഖ്യമന്ത്രി ഉദ്ദവ് താക്കരെ പറഞ്ഞിരുന്നു. പൊലീസ് സ്വമേധയാ കേസെടുക്കണം,” റാവത്ത് ട്വീറ്റ് ചെയ്തു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Cruise ship drug case aryan khan case witness ncb officials sign blank papers

Next Story
ഒരു മുത്തശ്ശിക്കഥയല്ല, ഇതു പ്രീതിയുടെ കഥpreethi sankar, once upon a time, story teller, stories, kids, stories
The moderation of comments is automated and not cleared manually by malayalam.indianexpress.com