Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു

ആള്‍ക്കൂട്ട-ഗോരക്ഷാ കൊലപാതകങ്ങള്‍; റിപ്പോര്‍ട്ട് നല്‍കാത്ത സംസ്ഥാനങ്ങള്‍ക്ക് സുപ്രീം കോടതിയുടെ അന്ത്യശാസനം

ജൂലൈ 17ന് പുറപ്പെടുവിച്ച ഉത്തരവ് പ്രകാരം സംസ്ഥാനങ്ങള്‍ ആള്‍ക്കൂട്ട ആക്രമണം തടയാന്‍ നടപടി സ്വീകരിക്കണമെന്ന് കോടതി അറിയിച്ചിരുന്നു

ന്യൂഡല്‍ഹി: പശുവിന്റെ പേരില്‍ നടക്കുന്ന അതിക്രമങ്ങളും ആള്‍ക്കൂട്ട കൊലപാതകവും സുപ്രീം കോടതിയുടെ നിര്‍ദേശത്തിന് ശേഷവും തുടരുന്ന സാഹചര്യത്തില്‍ റിപ്പോര്‍ട്ട് സമര്‍പ്പിക്കാത്ത സംസ്ഥാനങ്ങള്‍ക്ക് സുപ്രിം കോടതി അന്ത്യശാസനം നല്‍കി. ജൂലൈ 17ന് പുറപ്പെടുവിച്ച ഉത്തരവ് പ്രകാരം സംസ്ഥാനങ്ങള്‍ ആള്‍ക്കൂട്ട ആക്രമണം തടയാന്‍ നടപടി സ്വീകരിക്കണമെന്ന് കോടതി അറിയിച്ചിരുന്നു. സംസ്ഥാനങ്ങള്‍ സ്വീകരിക്കണ്ടേ നടപടികള്‍ വ്യക്തമാക്കി മാര്‍ഗ നിർദേശം ഓഗസ്റ്റ് 28നകം സമര്‍പ്പിക്കണമെന്നും അറിയിച്ചിരുന്നു.

എന്നാല്‍ 11 സംസ്ഥാനങ്ങളും ഏഴ് കേന്ദ്രഭരണ പ്രദേശങ്ങളും മാത്രമാണ് റിപ്പോര്‍ട്ട് കോടതിക്ക് മുമ്പാകെ സമര്‍പ്പിച്ചത്. ഒരാഴ്ചയ്ക്കകം റിപ്പോര്‍ട്ട് സമര്‍പ്പിച്ചില്ലെങ്കില്‍ അതത് സംസ്ഥാനങ്ങളുടെ ഹോം സെക്രട്ടറിമാര്‍ നേരിട്ട് കോടതിയില്‍ ഹാജരാക്കണമെന്നും കോടതി ഉത്തരവിട്ടു. ജൂലൈ 20ന് രാജസ്ഥാനില്‍ രഖ്ബര്‍ ഖാന്‍ കൊല്ലപ്പെട്ടത് ചൂണ്ടിക്കാട്ടി കോണ്‍ഗ്രസ് നേതാവ് തെഹ്സീന്‍ പൂനവാല നല്‍കിയ ഹര്‍ജിയിലാണ് കോടതി നടപടി. കോടതിയലക്ഷ്യമാണ് രാജസ്ഥാന്‍ സര്‍ക്കാര്‍ കാണിച്ചതെന്നാണ് ഹര്‍ജിയിലെ ആരോപണം.

ആള്‍ക്കൂട്ട അക്രമത്തിനെതിരെ നിയമ കൊണ്ടുവരാനായി ഒരു സംഘം മന്ത്രിമാരെ ചുമതലപ്പെടുത്തിയിട്ടുണ്ടെന്ന് കേന്ദ്രം കോടതിയെ അറിയിച്ചു. ജൂലൈ 17ന് പുറപ്പെടുവിച്ച വിധിയിലാണ് കേന്ദ്ര-സംസ്ഥാന സര്‍ക്കാരുകളോട് അക്രമം തടയാന്‍ നടപടി സ്വീകരിച്ച് റിപ്പോര്‍ട്ട് സമര്‍പ്പിക്കാന്‍ കോടതി നിര്‍ദേശിച്ചിരുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Cow vigilantism and lynching supreme court raps states for delay in report gives them a week

Next Story
ഉച്ചഭാഷിണി ഉപയോഗിച്ച് ബാങ്ക് വിളിക്കരുതെന്ന്; ഹരിയാനയിലെ ഗുരുഗ്രാമില്‍ വിദ്വേഷം പരത്തി ഹിന്ദു സംഘടനകള്‍
The moderation of comments is automated and not cleared manually by malayalam.indianexpress.com