ഇന്ത്യയില്‍ കോവിഡ്-19 ലോക്ക്ഡൗണ്‍ പ്രഖ്യാപനത്തെ തുടര്‍ന്ന് വിവിധ സ്റ്റേഷനുകളില്‍ നിര്‍ത്തിയിട്ടിരിക്കുന്ന ട്രെയിനുകളെ ക്വാറന്റൈന്‍ കേന്ദ്രങ്ങളാക്കി മാറ്റുകയാണ് റെയില്‍വേ. രാജ്യത്ത് ആശുപത്രി സൗകര്യങ്ങളും വെന്റിലേറ്റര്‍ സൗകര്യങ്ങളും കുറവാണെന്ന് കൊറോണ വൈറസിനെ നേരിടുന്നതിന് ഒരു വെല്ലുവിളിയായി മാറുമെന്ന ഭീഷണി നിലനില്‍ക്കുന്നുണ്ട്. അതിനെ മറികടക്കുന്നതിനാണ് യുദ്ധകാലാടിസ്ഥാനത്തില്‍ റെയില്‍വേ കോച്ചുകളില്‍ ക്വാറന്റൈന്‍ സൗകര്യം ഏര്‍പ്പെടുത്തുന്നത്. ഐസൊലേഷന്‍ വാര്‍ഡുകളെ കൂടാതെ രോഗിക്കും നഴ്‌സുമാര്‍ക്കുമുള്ള കാബിനുകളും കോച്ചുകളില്‍ ഉണ്ടാകും. കോച്ചുകളെല്ലാം ശുദ്ധീകരിച്ച് രോഗാണുമുക്തമാക്കുകയും ചെയ്തു. 20,000 ട്രെയിന്‍ കോച്ചുകളെ ഐസൊലേഷന്‍ വാര്‍ഡുകളാക്കാന്‍ റെയില്‍വേ ബോര്‍ഡ് റെയില്‍വേ സോണുകള്‍ക്ക് നിർദേശം കൊടുത്തു. ആദ്യഘട്ടമായി 5000 എണ്ണത്തില്‍ ഈ സൗകര്യം ഏര്‍പ്പെടുത്തും.

 

 

 

 

 

 

 

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook