രാജ്യത്ത് കഴിഞ്ഞ 24 മണിക്കൂറിനിടെ 32,695 കോവിഡ് ബാധിതർ

കഴിഞ്ഞ 24 മണിക്കൂറിനിടെ രാജ്യത്ത് 606 പേർ കോവിഡ് ബാധിച്ച് മരിച്ചു

ന്യൂഡൽഹി: ഇന്ത്യയിൽ ദിനംപ്രതി കോവിഡ് ബാധിതരുടെ എണ്ണം കുതിച്ചുയരുന്നു. കഴിഞ്ഞ 24 മണിക്കൂറിനിടെ രാജ്യത്ത് 32,695 പേർക്ക് കോവിഡ്-19 സ്ഥിരീകരിച്ചു. ഏറ്റവും ഉയർന്ന പ്രതിദിന കണക്കാണിത്. ലോകത്ത് കോവിഡ് ബാധിതരുടെ എണ്ണത്തിൽ മൂന്നാം സ്ഥാനത്തുള്ള ഇന്ത്യയിൽ ഇതുവരെ 9,68,876 പേർക്കാണ് കോവിഡ് സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ രാജ്യത്ത് 606 പേർ കോവിഡ് ബാധിച്ച് മരിച്ചു. ആകെ മരണസംഖ്യ 24,915 ആയി.  രോഗമുക്തി നേടിയവരുടെ എണ്ണമാണ് രാജ്യത്തിനു ആശ്വാസം നൽകുന്നത്. രാജ്യത്തെ രോഗമുക്തി നിരക്ക് 63.25 ശതമാനമായി ഉയർന്നു. 24 മണിക്കൂറിനിടെ 20,782 പേർ രോഗമുക്തരായി. ഇതോടെ ആകെ രോഗമുക്തി നേടിയവരുടെ എണ്ണം 6,12,814 ആയി. നിലവിൽ ചികിത്സയിലുള്ളവരുടെ ആകെ എണ്ണം 3,31,146 ആണ്.

Read Also: ജന്മദിനം ആഘോഷിച്ചത് കോവിഡ് സ്ഥിരീകരിച്ച സഹോദരനൊപ്പം; സൗരവ് ഗാംഗുലി ക്വാറന്റെെനിൽ

രാജ്യത്ത് പ്രതിദിന കേസുകൾ 32000 കടന്നത് വലിയ ആശങ്കയാണ് ജനങ്ങൾക്ക് നൽകുന്നത്. പുതിയ കേസുകളുടെ 60.33 ശതമാനവും മഹാരാഷ്ട്ര, തമിഴ്‌നാട്, ഡൽഹി, കർണാടക, ആന്ധ്ര സംസ്ഥാനങ്ങളിലാണ് റിപ്പോർട്ട് ചെയ്‌തിരിക്കുന്നത്. മഹാരാഷ്ട്ര, തമിഴ്‌നാട്, ഡൽഹി, കർണാടക, ആന്ധ്ര സംസ്ഥാനങ്ങളിൽ നിന്ന് മാത്രം 19,726 പോസിറ്റീവ് കേസുകൾ റിപ്പോർട്ട് ചെയ്തു.

കേരളത്തിലും സ്ഥിതി ഗുരുതരമാകുകയാണ്. രോഗികളുടെ എണ്ണം ക്രമാതീതമായി ഉയരുമെന്ന് മുഖ്യമന്ത്രി പിണറായി വിജയൻ ഇന്നലെ മുന്നറിയിപ്പ് നൽകിയിരുന്നു. അടുത്ത മാസം മഹാമാരി കൂടുതൽ രൂക്ഷമാകും. അതുകൊണ്ട് കോവിഡ് പ്രതിരോധ പ്രവർത്തനങ്ങൾ കൂടുതൽ ഊര്‍ജിതമാക്കണമെന്ന് ഇന്നലെ ചേർന്ന മന്ത്രിസഭായോഗം വിലയിരുത്തി.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Covid 19 india death toll increase

Next Story
ഡല്‍ഹി കലാപ കേസില്‍ ഹിന്ദുക്കളെ അറസ്റ്റ് ചെയ്യുമ്പോള്‍ ശ്രദ്ധിക്കണം: ഉത്തരവുമായി കമ്മീഷണര്‍delhi riots, ഡല്‍ഹി കലാപം, delhi northeast riots,വടക്കുകിഴക്കന്‍ ഡല്‍ഹി കലാപം, delhi violence, ഡല്‍ഹി അക്രമങ്ങള്‍, delhi clashes, ഡല്‍ഹി സംഘര്‍ഷം, delhi police, ഡല്‍ഹി പൊലീസ്, delhi news, കലാപം കേസ് അന്വേഷണം
The moderation of comments is automated and not cleared manually by malayalam.indianexpress.com